7 حاجات مش حقيقية عن نفسك لازم تبطلي تصدقيهم

بقلمآية حسان فيمنوعات visibility443

ينيدأ الاهتمام بجسمنا والتفكير في شكلنا على انه أساس كل حاجة وعليه هتتبني نظر الناس لينا بشكل عام في الحياة مع دخولنا العشرينات لان ده السن اللي بنبدأ نحس فيه بنفسنا وساعتها بنبدأ نفكر ان شكلنا لازم يبقى حلو عشان الناس تحبنا، واننا لازم تبقى رفيعين عشان نعجب الناس، لكن ده مش صح عشان كده في المقال ده بنات حوا هيقولولك على 7 حاجات مش حقيقية عن نفسك لازم تبطلي تصدقيهم

التفكير في الاكل على انه “مفيد” أو ” مضر ”

بديهي ان طبق من السلطة الخضراء أكيد مفيد أكتر من طبق من البطاطس المحمرة، لكن ده مش معناه انك تبدأى تعملى علاقة عاطفية مع الأكل ، يعنى مهم طبعا تهتمى تأكلى صحي ولو اعتبرنا انك تاكلى بيتزا كاملة  لوحدك حاجة مش صحية مانقدرش نعتبر ان قطعة بيتزا واحدة هتضر صحتك، عسشان كده حاولى ماتحرميش نفسك من حاجة لكن كلى باعتدال.


التفكير في الاكل على انه “مفيد” أو ” مضر ”

وزنك الزيادة معناه انك مريضة

واحدة من أكبر الغلطات اللى كلنا بلا استثناء بنعملها  هى اننا دايما بنفكر ان الوزن الزايد او الجسم المليان معناه انه صاحبته مش جميلة وانها اكيد مريضة، ده غلط لأنه ببساطة ده ممكن يكون هي دي طبيعة جسمك مش أكتر، فمهم تهتمي بصحتك  مهما كانت طبيعة جسمك، ومهم انك تشوفي نفسك دايما جميلة .


وزنك الزيادة معناه انك مريضة

انك محتاجة تغيري من نفسك عشان تحبيها

خسارة الوزن والاهتمام بنفسك وانك تغيري لون وتسريحة شعرك مثلا وكل الحاجات دي جميلة بس ماينفعش تبقى هى دي الطريقة اللي تحبي بيها نفسك او تحسسك انك جميلة، لان تغييرات الشكل هتحسسك بسعادة مؤقتة والسعادة الدايمة هي انك تحبي نفسك وتقبليها زي ماهي من جوه وبعدين من بره.

ان الناس يوصلوكي ان وزنك هو سبب كل المشاكل

ماتقبليش ده، لا من الناس ولا من الدكاترة ولا من اي حد تانى، الدكاترة مثلا ممكن يوصلوكى لحلول ويحلوا اي مشاكل يكون سببها وزنك الزايد، لكن كلامهم ماينفعش يبقى معناه ان وزنك هو اللى عامل  كل مشاكلك، مهم انك تخسري وزنك الزايد وتهتمي بصحتك لكن ماتخليش حياتك تدور حوالين ده.

ربط الارادة بالأكل

ليه نربط الارادة بالأكل؟ ايه العلاقة؟ يعني ليه لما بنيجي نفكر اننا عايزين نمنع نفسنا عن حاجة معينة بنقنع نفسنا اننا “محتاجين الارادة” اننا مانكلش التشيز كيك دي كلها ، ولا حتى حته منها مع ان انا نفسي فيها فيبقى انا كده عندي ارادة،  التفكير في الاكل بالطريقة دي هيخلي للأكل علاقة عاطفية معاكي، بمعنى انه الاكل هيتحول من حاجة جسدية لاحساس معنوي وده الغلط وكمان هيخليكي تحسي بالذنب وانك عامله حاجة غلط كل ما تيجي تاكلي اى حاجة.

الثقة معناها انك تحسي انك أحسن حد في الدنيا طول الوقت

الثقة مش معناها ابدا انك تحسي انك احسن حد في كل حاجة طول الوقت، في ايام بتعدي علينا كلنا بنحس اننا مش مبسوطين ومش عارفين عايزين ايه من الدنيا، وايام تانية بنحس اننا واثقين جدا من نفسنا وعارفين احنا عايزين ايه بالضبط . فالثقة ممارسة اكتر منها حالة ثابتة، اتعودي على ده.

اهتمامك بالناس ازاي بتشوفك

جزء من تعزيز إيجابية جسمك هو أنك تفهمي ان صورة الجسم هي في الأساس الطريقة اللي بتشوفي بيها نفسك،  أنما ازاي بيشوفوكي الناس من حواليكي ده مالوش علاقة بيكي والمفروض مايهمكيش، عشان كده الناس مابتشوفش كتير من العيوب اللي بتشوفيها موجودة فيكي، يعنى ممكن تكوني بتفكري ان عينيكي شكلها مش حلو مثلا، لكن غيرك ممكن يشوفها أحلى حاجة فيكي، فماتهتميش برأي الناس بشكل عام واهتمي بنفسك وبس.