خاتم الزفاف المناسب ليكي حسب برجك

بقلمآية حسان فيمنوعات visibility683

كل واحدة فينا شخصية مختلفة وذوق مختلف عن التانية،وزي ما بنتفق في حاجات بنختلف في حاجات لكن الحاجة اللي اكيد كل البنات بتتفق عليها هي انه يكون خاتم خطوبتها أو خاتم زفافها هو أحلى خاتم في الدنيا يعبر عن ارتباطها بشريك حياتها اللي بتحبه، ولان الابراج بتوصف شخصياتنا، اعرفي خاتم الزفاف المناسب ليكي حسب برجك


خاتم الزفاف المناسب ليكي حسب برجك


1- برج الحمل

بنات برج الحمل معروفين بقوتهم وان صوتهم من دماغهم وبيحبوا البساطة، عشان كده خاتم الزفاف المناسب ليهم بيتكون من حلقة بسيطة من الدهب الابيض و ألماسة مدورة حجمها كبير، بيعتبر من أكتر الستايلات اللي بتعتبر أيقونة في عالم خواتم الزفاف.

2- برج الثّور 

بنات برج الثور بيقدروا الحاجات الحقيقية من حواليهم وبيحبوا الحياة، وبرضه بيحبوا البساطة، خاتم برج الثور هيكون عبارة عن حلقة سادة من الدهب الابيض وألماسة مربعة رقيقة وناعمة، خاتم عملي وجميل في نفس الوقت.


3- برج الجوزاء

بنات برج الجوزاء معروفين بصراحتم وجرأتهم وكمان بازدواجيتهم وآرائهم المتغيرة، وانهم بيحبوا كل حاجة وعكسها، الخاتم اللي يناسب بنات برج الجوزاء هيكون خاتم بحلقة دهبية منسوج زي الضفيرة بشياكة واناقة تلفت الانتباه من غير بهرجة كتير، بتزينه في النص ألماسة لامعة زيهم.


4- برج السّرطان

بنات برج السرطان بيحبواعيلتهم وبيميلوا لانهم يكونوا علاقات عميقة مع الناس من حواليهم وبيحبوا الرومانسية والتحف والانتيكات عشان كده خاتم الزفاف لمناسب لبنات برج السرطان هيتكون من حلقة دهبية بلون الروزجولد والأبيض مع ألماسة كبيرة في النص بيحاوطها ألماسات صغيرة.


 5- برج الأسد

بيعتبر أقوى برج ضمن الأبراج كلها، وبنات برج الاسد بيتميزوا بجرأتهم وانهم بيحبوا يجذبوا الانتباه عليهم، عشان كده اختيارهم لخاتم الزفاف هيكون تحفة فنية من ماسة دهبية تلفت الانتباه متحاوطة بحلقة من الالماسات الصغيرة والخاتم نفسه هيكون متكون من الالماسات الاصغر في الحجم المتثبتة على طول الحلقة.

برج الأسد


6- برج العذراء

بنات برج الجوزاء عمليين وبيحبوا البساطة والكمال في كل حاجة عشان كده خاتم الزفاف المناسب لبنت برج العذراء هيكون بسيط وهادي من ماسة متوسطة الحجم متثبته على حلقة مميزة من الدهب الابيض.


7-  برج الميزان

بنات برج الميزان بيحبوا التوازن وان كل حاجة تبقى بالعقل، عشان كده هتلاقي الخاتم المناسب ليهم متناغم و جميل بتفصيلات راقية جدا لكن في نفس الوقت بشكل معقول من غير بهرجة أو تفاصيل زيادة.


8- برج العقرب

برج العقرب من الأبراج اللي بناتها بيتميزوا انهم مركزين جدا ومحددين هما عايزين ايه، عشان كده هتلاقي الخاتم بتاعهم تفاصيله محددة وواضحة من غير اي زيادة او نقصان، وهيكون خاتم بحلقة من الألماس بيزينه ماسة كبيرة على شكل دمعة أو tear وبيحاوطها على طول شكلها ألماسات أصغر في الحجم، خاتم شيك ومميز جدا.


9- برج القوس

بنات برج القوس من غير شك هم أكتر بنات عندهم روح المغامرة ومليانين بالطاقة اللي بتلهمهم عشان يحلموا و يطاردوا المستحيل وياخدوا الـ risk في كل حاجة بيعملوها عشان
الخاتم بتاعهم زي ما يكون متفصل على ذوقهم بالضبط وفي نفس الوقت هيكون بتفاصيل مختلفة وتصميم مميز جدا، خاتم بيشبه الفراشة بفص كبير في النص وفصوص بأشكال مختلفة على الجنبين تشبه جناحات الفراشة على حلقة دهبية بتكون هي جسم الخاتم


10 -برج الجدي

تحسهم مهندسين في نفسهم كده وكل حاجة عندهم بحساب، عشان كده خاتم الزفاف المناسب لبنات برج الجدي هيكون عبارة عن حلقة رفيعة من الدهب الأبيض بيتزينها ألماسة مستطيلة مميزة جدا في شكلها، حاجة في منتهى البساطة لكن تفاصيلها واضحة ومحسوبة كأنها لوحة هندسية.


11- برج الدّلو

بنات برج الدلو دايما بيلمعوا من كتر الطاقة الموجودة جواهم ودايما منفتحين وبيحبوا يجربوا كل حاجة جديدة ومختلفة، عشان كده خاتم الزفاف اللي بيناسبهم بيكون شوية مميز وملفت للنظر وبيلمع زيهم، الخاتم هيكون عبارة عن حلقة من الدهب الاصفر بتزينه ألماسة واحدة بلون أصفر ولمعة مختلفة ومبهرة و من غير أي زيادات، خاتم بسيط لكن رائع.


12- برج الحوت

أما بنات برج الحوت فمعروفين برومانسيتهم وقد ايه بيكونوا حالمين و بيحلموا بالليل وبالنهار، وفنانين وخيالهم خصب وواسع عشان كده خاتم الزفاف بتاعهم حالم ورومانسي جدا وكأنه لوحة مرسومة، مكون من 3 حلقات فضية واحدة هي الحلقة الاساسية اللي بتكون الخاتم، وحلقتين صغيرين مرصعين بألماسات صغيرة في حجمها بيحاوطوا ماسة كبيرة الحجم ومميزة.

برج الحوت