استايل هدوم رجل برج الحوت

أنجي سليمان
أنجي سليمان
2160

الرجل الحالم الرومانسي اللي بيقدر المشاعر والاحساس، مابيرضاش ابدا بالسطحية والحكم الظاهري بيحب يتعمق ويحلل كل حاجة قدامه روحيا وفكريا وعقليا، التفاهة والاحداث العابرة مابتلفتش نظره ابدا ولما بيقعد مع حد حتى ولو لأول مرة بيحاول يفهم حقيقته واصله وفصله وكل حاجة عنه مش من باب الفضول لكن من باب الفهم والتحليل ومع ذلك هو مش بالساهل انه يتكلم عن نفسه وعن تفاصيله بالشكل ده، صديق وودود واجتماعي بس دايرته القريبة ضيقة شوية وده ببساطة لأن احساسة اقوى من اي حد تاني يعني بياخد الامور بحساسية مضاعفة عن باقي الناس وعشان كده مايحبش يعرض نفسه للانتقاد او التجريح، وهي دي بالظبط الصفات اللي بتظهر على استايل هدوم رجل برج الحوت

خير الامور اوسطها

رجل برج الحوت دايما بيميل للحالة المتوسطة في كل شيء، يعني مش بيحب يلفتالانتباه ويبقى محط الانظار وفي نفس الوقت يحب يبقى مظهره مشرف ومتناسق مع المكاناللي هو فيه، ونفس الشيء في طريقة اختياراته للموديلات اللي حيلبسها بيختارالكلاسيكيات والالوان المحايدة الهادية مش الملفتة، بيحب جدا الابيض والاسودوالباستيلات كلها اما من ناحية البنطلونات فالالوان اسود ورمادي وكحلي وبني ولوغير ممكن يلبس كاكي لكن مستحيل يلبس الوان مطرقعة او غريبة، ونفس النظرية دي برضهبيحطها على الاسعار مش بيحب الهدوم الغالية اوي ولا بيقدر يشتري حاجة رخيصة دايمابيدور على السعر المتوسط.

استايل هدوم رجل برج الحوت 1
استايل هدوم رجل برج الحوت 1

لبسه المعتاد

 رجل برج الحوت في مكان العمل اوالدراسة بيلبس بالظبط زي الكتالوج، بنطلون قماش وقميص كلاسيك بلون باستيل من جوهالبنطلون ولو رسمي اوي ممكن يحط كرافته اما لو كاجوال شوية فهو بيرفع اكمام القميصلفوق، غالبا ده الشكل اللي بيظهر بيه رجل برج الحوت اغلب ايام السنة وفي مختلفالفصول الا لو اضطرته الظروف لغير ده، زي سهرة مع الشباب بليل او عزومة في مناسبةخاصة او بسبب الظروف الجوية زي انه في مصيف او في شتاء قوي.

استايل هدوم رجل برج الحوت 2
استايل هدوم رجل برج الحوت 2

استايله في الكاجوال

رجل الحوت بيحب الملابس المريحة يعني هو لو مش في مكان الشغل ومش ملتزمبقيود في اللبس بيختار الراحة والاستايل المريح يعني عادي انه يلبس القميص من برهالبنطلون ويختار الخامات القطنية المريحة بس اهم حاجة عنده ان بنطلونه الجينزمايبقاش ضيق ولا يبقى باجي لأنه  مش بيبقلالمبالغات عموما عشان كده بيختار المتوسط والكلاسيك وده بالنسبة له اريح حاجة،ورجل برج الحوت بيحاول على اد ما يقدر يدي انطباع انه شخص ملتزم وممكن الاعتمادعليه وبيحب يبقى نفسه وبيكره  يقلد حد وبيبعدعن التباهي او الغرور بكل الطرق عشان كده مش من الساهل ان حد يفهم ذوقه واختياراتهفي اللبس لأنه بيحط شخصيته وافكاره وذوقه في هدومه

استايل هدوم رجل برج الحوت 3
استايل هدوم رجل برج الحوت 3

مشاعره بتتحكم في استايله

بما ان رجل برج الحوت من الاشخاص الحساساين جدا جدا فهو بيعكس ده على هدومهبشكل واضح اوي، يعني مثلا لو عنده هدوم عزيزة عليه بسبب ارتباطها بمناسبة معينةممكن ييستمر في لبس الهدوم دي حتى لو وقتها عدى وموضتها بقت قديمة، او لو هو مشبيحب شغله ومش بيحس انه بيؤدي فيه كويس او مش متقدر فده برضه حينعكس على لبسه وعلىالموديلات اللي حيختارها، اما لو كان بيمر بحالة فوضى ومش مظبوط نفسيا فده كمانبيبان عليه وبيتحول استايله لفوضى رهيبة وبتظهر احساس التوهان اللي هو فيه، عشانكده مهم اوي لشريكة حياة الحوت انها تساعده في الاهتما بمظهره عشان تلفت نظرهللنقط دي

استايل هدوم رجل برج الحوت 4
استايل هدوم رجل برج الحوت 4

الاحذية

من السهل تخيل استايل رجل برج الحوت في اختيار الشوز بتاعه، اولا من ناحيةالموديل ولأنه كائن حساس ومش متباهي ولا مغرور فهو بيختار الاحذية خفيفة الوزناللي تفصيلها بسيط وسهل وبيبعد عن الضخامة والاكسسوارات الكتير والجلد اللامع، امامن ناحية الالوان فهو بيختار الاسود والبني واحيانا ممكن يلبس الكحلي او الشمواهالزيتي او الكاكي، ومش بيختار الشوز الجلد كتير يعني بيفضل الخامات اللي مش جلدالا مع اللبس الفورمال طبعا

استايل هدوم رجل برج الحوت 5
استايل هدوم رجل برج الحوت 5

وزي ما قلنا من شوية ان رجل برج الحوت بيحب يحط شخصيته وطباعه ومشاعره في هدومه عشان كده مش كل مواليد برج الحوت بيبقوا شبه بعض لكن بشكل عام في كتير من السمات المشتركة اللي بتميز استايل هدوم رجل برج الحوت اما لو عايزين تعرفوا اكتر عن البرج ده في هنا الدليل الكامل لكل ما يخص برج الحوت

مقالات متعلقه

استايل هدوم انثى برج الحوت

استايل هدوم انثى برج الحوت

إزاى تكسبى قلب رجل برج الحوت ؟

إزاى تكسبى قلب رجل برج الحوت ؟

أحلى هدايا لرجل برج الحوت

أحلى هدايا لرجل برج الحوت