كوليكشن فساتين زفاف 2019 من مصممة الأزياء العالمية Tina Valerdi

بقلمآية حسان فيموضة وأزياء visibility359

كل عروسة مهم تطلع أحلى واحدة في الدنيا وهي لابسة الفستان الأبيض، ولأن فستان الفرح هو أهم حاجة هتلبسيها في حياتك لازم تبقى عارفه ايه الجديد في موضة كل سنة وايه هي الاختيارات الموجودة قدامك، في المقال ده هشوفي معانا كوليكشن فساتين زفاف 2019 من مصممة الأزياء العالمية Tina Valerdi عشان تلهمك وانتى بتختاري فستان ليلة العمر


كوليكشن فساتين زفاف 2019 من مصممة الأزياء العالمية Tina Valerdi

ستايل الملكة

ستايل الملكة باين من اسمه، الستايل ده مثالي لأناقة الزفاف الكلاسيكية. وهتحسي معاه وكأنك أميرة فعلا، فساتين كلاسيكية مصنوعة يدويا من أقمشة بجودة عالية ، وتطريز بسيط لكن بيدي جمال كبير للفستان ، وبيلف بطبقاته على الجسم بطريقة جميلة ومميزة جدا، الستايل ده اتعمل منه قصات كتيرة ومختلفة منها الضيق والمنفوش وممكن بأكمام كمان، اتفرجي على الألبوم كامل عشان يلهمك لفستانك في يوم العمر.

ستايل حورية البحر

فساتين حورية البحر المطرزة أو ديل السمكة معروفه جدا وموضتها مابتقدمش أبدا، عشان كده هتلاقيها موجودة في موضة فساتين زفاف 20169، لكن انتبهى ان الستايل ده بيليق على البنات الرفيعة والطويلة بس، ولازم تبقى طويلة جدا كمان، فلو كنتى قصيرة أو مليانة بسيط وطولك متوسط يبقى تجنبي الستايل ده.

ستايل الفستان الدانتيل

افستان الدانتيل طول عمره أول حاجة بندور عليها لما نيجي ندور على فستان الفرح، لأن خامات زي الدانتيل والجبير بتدي فخامة كبيرة جدا للفتستان ولمسة نعومة جميلة، الفستان الدانتيل هيبقى هو اختيارك المثالي لو كنتى بتدور على فستان يشبه فساتين الاميرات في الحكايات، فلو عايزة تعملى فستان بلوك رومانسي وحالم يبقى لازم تفكري في الستايل ده ، خصوصا انه بيمشي جدا مع المحجبات لأنه

هتلاقيه متوفر بأكمام أو ممكن ببساطة تدخلى عليه تعديلات الحجاب اللي تحبيها

ستايل الفستان البسيط

الستايل ده بيعتمد على الخطوط البسيطة مع حزام رقيق أوي فضي أو أبيض من نفس درجة الفستان، مناسب جدا لو كنتى عامله فرحك بالنهار أو في مكان مفتوح أو لو كنتى بتحبي الفساتين البسيطة بستايل أميرات ديزني.