نصايح تنظيم الوقت بشكل صحيح والاحساس بتوتر وقلق أقل

بقلمآية حسان فيمنوعات visibility253


نصايح تنظيم الوقت بشكل صحيح والاحساس بتوتر وقلق أقل

لازم يبقى عندك مفكرة:

لو بتقابلك أوقات كتيرة بتحسي فيها انك مضغوطة جدا ومش قادرة تفتكري حاجات كتيرة من اللي لازم تخلصيها يبقى أفضل حل ليكي هو انك يبقى عندك مفكرة، المفكرة هتساعدك ترتبي يومك وتعملي ليست بكل الحاجات اللي وراكي وبالطريقة دي مش هتنسي حاجة وفي نفس الوقت التنظيم هيخليكي تخلصي كل حاجة في وقتها وييقلل كتير من التوتر. وكل ما تشطبي حاجة خلصتيها من الليسته دي هتحسي بالإنجاز وده هيساعدك تكملي.

لازم يبقى عندك مفكرة
لازم يبقى عندك مفكرة

اتعلمي تقولي لا :

ودي أصعب حاجة لازم تتعلميها، لازم تتعلمي تقولي لاء لكل الخدمات والشغل الزيادة اللي مش مطلوب منك تعمليه ومابتقدريش ترفضيه بدافع الخجل والذوق وانك ماترديش حد قصدك، لكن الفكرة كلها انك تقدري تميزي بين مين اللي فعلا محتاج مساعدتك ومين اللي بيستغل لطفك، عشان كده لما تحسي انه بيتضغط عليكي زيادة وبيتطلب منك حاجات تعمليها تطوعا لكنها بتاخد من وقتك ومجهودك يبقى لازم ترفضي وتقولي لاء.

اتعملي تقولي لا
اتعملي تقولي لا

رتبي أولوياتك :

عيلتك وأصدقائك وسريرك هما أكتر 3 حاجات تستحق اهتمامك. فلو لقيتي جدولك يتسبب في انك تقابلي عدد أقل من أصدقائك أو بيتسبب في انك بتنامي عدد ساعات أقل او مابتناميش أصلا يبقى لازم تفكري فيه مرة تانية وتعيدي هيكلته والطريقة اللي بتتعاملي بيها معاه، سواء كان شغلك أو بيتك أو ايا كان ايه هو الشئ اللي بيستهلكك للدرجة دي ، وافتكري ان الشغل والفلوس دايما بيروحوا وييجوا وان مفيش حاجة اهم من صحتك ومن عيلتك واصحابك، وده مش كلام وخلاص. .

رتبي أولوياتك
رتبي أولوياتك

فكري لقدام :

صحتك العقلية والنفسية مهمة وماتستاهلش الضغط على نفسك ، عشان كده التزمي بالخطة اللي هتتساعدك على إنجاز كل الشغل اللي وراكي! وحافظي على التوازن بين التخطيط ليومك ووان يكون فيه شوية وقت لنفسك تعملي فيهم حاجة بتحبيها حتى لو كان هتتمشي شوية ربع ساعة. او تتغدي مع صديق قديم..

التخطيط والتفكير لقدام في حاجات بكرة وبعده باننا ناخد ساعة النهاردة ونقعد نرتبلها هيخيكي تقدري تتجنبي بعض التسويف وهيساعدك تزودي من إنتاجيتك وبالتالى هتقدر تخلصي كل وراكي على أكمل وجه – على قد ما تقدري وتلاقي وقت لنفسك و لعيلتك و ده هيساعدك تكملي شغلك بكرة وبعده وفي كل يوم. .

فكرى لقدام
فكرى لقدام