نصايح وأفكار إزاي تلبسي الجاكت الطويل

بقلمآية حسان فيموضة وأزياء visibility772

الموسم ده الجاكت الطويل رجع بقوة كجزء من موضة لشتاء، وده لأنه عملي ومريح وبيدفي جدا، وبيخليكي تقدري تلبسي طبقات بأطوال مختلفه تحته في كل مرة بيطلع شكلها حلو ومظبوط، وتريند الجاكت الطويل السنة دي هي ألوان الجملي والرصاصي وتقريبا كل درجات ألوان الباستيل، في المقال ده اعرفي نصايح وأفكار إزاي تلبسي الجاكت الطويل

نصايح وأفكار إزاي تلبسي الجاكت الطويل

تنسيق الألوان:

زي ما قلنا في المقدمة ان الجاكت الطويل موضة ألوانه السنة دي متنوعة ما بين
الجملي والرصاصي وتقريبا كل درجات ألوان الباستيل عشان كده هيكون سهل عليكي انك تنسيقى معاه اى اندرشيرت أو قميص بأي لون تحبيه لكن حاولى ماتكتريش اوي في الالوان مع الجاكت عشان اللوك مايبقاش غير متناسق او مبهرج بزيادة. يعني ممكن تكتفي بقميص او تيشيرت سادة تحت الجاكت الطويل معاهم سلسلة او عقد مناسب وبس كده، وتسيبيه مفتوح.

تناسق الألوان

تناسق الألوان

الشوز :

في أفكار وطرق كتير تقدري تلبسي بيها الشوز على الجاكت الطويل، الموضوع كله بيعتمد على ستايلك وطولك، يعني لو هتلبسي الجاكت كاجوال البسي معاه سنيرز ولو هتلبسيه لاسيك او بالليل ممكن تلبسي معاه هيلز مناسبة، لو للشغل البسي معاه شوز غامق .

ولو كنتى قصيرة وعايزة تلبسي جاكت طويل البسي معاه ankle boots عشان تباني أطول وحاولي يكون الجاكت طوله لحد عضمة الكعب، ده هييخلي شكلك وطولك يبان احسن.

الشوز
الشوز

الجينز :

مع النوع ده من الجاكت يفضل تلبسي الجينز السكيني اللي بيوصل طولها لحد عضمة الكعب، وهيبقى شكله حلو جدا مع السنيكرز أو الهيلز اللي اتكلمنا عنها، أما لو كنتى طويلة ممكن تجربي تلبسي البويفريند جينز boyfriend jeans.

الجينز
الجينز

مع فستان :

ممكن كمان تلبسيه مع فستان مش بس مع جينز، بشرط ان يكون الفستان أقصر من الجاكت أو مساوي له في الطول مع أي شوز تحبيه من اللي اتكلمنا عنهم.

مع فستان
مع فستان

الاكسسوارات :

الاكسسوارات مهمة طبعا مع النوع ده من الجواكت، جربي تلبسي سلسلة طويلة او عقد بسيط وممكن تجربي تلبسي hat مع شنطة صغيرة.

Hat
Hat