وصفة لتنقية وتنظيف البشرة في البيت بمكونات سهلة وبسيطة

بقلمآية حسان فيبشرة visibility1976

مع وجود أنواع كتيرة ومختلفة من مستحضرات تنظيف البشرة اللي تقدري تنظفي بيها الوجه في البيت، مهم من وقت للتاني انك تريحي وشك من المركبات الكيميائية اللي بيتعرض ليها وتستبديلها بمستحضر طبيعي يحقق لوشك النضافة اللى انتى عايزاها وفي نفس الوقت يدي للوش عناصر التغذية اللي بيحتاجها، عشان كده في المقال ده بات حوا هيقولوك على وصفة لتنقية وتنظيف البشرة في البيت بمكونات سهلة وبسيطة


وصفة لتنقية وتنظيف البشرة في البيت بمكونات سهلة وبسيطة

الأول لازم تعرفي ليه الوصفات الطبيعة ممكن تكون في أوقات كتير هي الأفضل لبشرتك:

1- الوصفات الطبيعية بتكون خالية تماما من أي مواد حافظة.

2-سهل تسافري بيهم او تشيليهم في شنطتك لأنها مابتكونش سائلة.

3-بينضفوا بشرتك بلطف من غير ما يسببوا لها أي إرهاق أو أذى.

4- الوصفات اللي بيكون فيها حليب وشوفان بتوفر للبشرة الترطيب اللازم لها.

وصفة لتنقية البشرة

المكونات اللي هتحتاجيها:

معلقة كبيرة من دقيق الشوفان.

معلقة كبية من اللبن البودرة.

معلقة كبيرة من بودرة العسل “ممكن تستبديها بمعلقة صغيرة من العسل الابيض لو مش متاحة.”

معلقتين من بودرة الكاولين أو الـ kaolin powder “بودرة طبية موجودة في أي صيدلية”

معلقة من بودرة قشر البرتقال ” قشر برتقال نشفيه واطحنيه لحد ما يتحول لبودرة”.

معلقة من مسحوق الورد “اختياري.”

المكونات
المكونات

طريقة التحضير :

الطريقة سهلة وبسيطة خالض، رشي وشك بالمياة على خفيف وسيبي ايدك مبلولة، وبعد ما تخلطى المكونات اللي قلنا عليها كدلها مع بعض، خدي كمية قليلة بتساوي تقريبا حجم كوباية شاي، وبأطراف صوابعك افرديها على وشك كله، ، الخليط هيبقى جاف لكن الرطوبة على وشك من المياة اللي رشيناها هتخليه يبقى رطب و وشك يقدر يستفيد منه،بعد ما تفردي الوصفة على مساحة وشك كلها ابدأي افركي وشك بالوصفة كأنك بتعملي سكراب.

الوصفة هترطب لوشسك التنظيف والترطيب اللزم، ومافيهاش أي مواد ترهق بشرتك عشان كده ممكن تستخدميها لحد مرتين أو تلاتة في الاسبوع من غير ما تقلقي.