استايل هدوم رجل برج الحمل

أنجي سليمان
أنجي سليمان
2612

شخصية قوية مابيخافش انه يكون تحت الاضواء وفي مركز الاحداث، بيقدر نفسه كويس جدا وبيطلب اللي يستحقه من الاهتمام والاحترام بطريقة خاصة جدا من غير نرجسية ولا غرور، عنده حس فكاهي وروح مرحة ويقدر يداري احراجه او المه ورا قناع من الضحك والهزار، من اهم صفاته الطموح والمثابرة لأنه بيعرف يحارب ويعافر لغاية ما يحقق هدفه في اكمل وافضل شكل، اما من ناحية المظهر فهو بيحب جدا المظهر الرجولي وبيعتمده في اي موقف سواء فورمال او كاجوال، وده من اهم مميزات استايل هدوم رجل برج الحمل

استايل هدوم رجل برج الحمل 1
استايل هدوم رجل برج الحمل 1

مش من هواة التنوع

اول ملاحظة حنشوفها في استايل رجل الحمل هي انه مش بيحب يغير استايله ابدا،وغالبا بيكون عنده تي شيرت وجينز وسويت شيرت بيعتمدهم في ايام اجازاته وخروجاتهالكاجوال، رجل برج الحمل بيبعد خالص عن اي حاجة مظهرها مش قوي يعني مثلا ما يحبشالتشجير او الترصيع في الهدوم بأي شكل من اشكاله، وصعب جدا اقناعه انه يغيراستايله او شكل دولابه لأن بالنسبة له الموضوع ده غير قابل للمناقشة.

استايل هدوم رجل برج الحمل 2
استايل هدوم رجل برج الحمل 2

استايله في البنطلونات

رجل برج الحمل بيهتم جدا بالبنطلون الجينز اللي بيعتبره من اساسايات الدولاب واكتر قطعة لبس بيهتم بتجديدها ووجود درجات الوان منها هي البنطلون الجينز، وبالنسبة للموديل فهو مش بيحب البنطلون الضيق نهائي بالنسبة له البنطلون كلاسيك او كاوبوي لكن السليم فيت مش من ضمن اختياراته ولا البنطلون ال low west  وده عشان هو من هواه البنطلون الكلاسيك المظبوط مش بيحب يلبس غيره. اما من ناحية اختياراته في الوان البنطلونات غير الجينز طبعا فهو بيفضل درجات الكاكي والزيتي.

استايل هدوم رجل برج الحمل 3
استايل هدوم رجل برج الحمل 3

الفورمال والقمصان

طبعا لأن ماينفعش الالتزام باللبس الكاجوال طول الوقت عشان الظروف المختلفةرجل برج الحمل بيضطر ان هو يبعد عن الجينزات والكاجوال ويلجأ للفورمال بسبب الشغلاو المناسبات الخاصة، لكن دايما اختياره في الفورمال بيكون مريح وله مظهر قويكالعادة، يعني مثلا بيختار دايما القمصان المصنوعة من القطن او الكتان الناعم،وغالبا بيختار قمصان مقلمة او سادة وبيبعد عن الطبعات والتشجير على اد ما يقدر،اما بقى من ناحية الالوان فالابيض والاسود ودرجات الازرق الفاتح من الاساسيات فيالدولاب، وبالنسبة للاستايل اللي بيلبس بيه القمصان فهو غالبا بيفضل القميص من برةالبنطلون والاكمام مقلوبة لغاية قرب الكوع ده لو مش حيلبسه على بدلة او فورمالبالطريقة المعتادة.

استايل هدوم رجل برج الحمل 4
استايل هدوم رجل برج الحمل 4

الاحذية

رجل برج الحمل بيختار الحذاء بتاعة على حسب الراحة وبس، سواء حذاء جلد اورياضي فهو دايما يحب يختار شوز وزنه خفيف وله نعل مريح جدا، وغالبا لما بيرتاح فيموديل معين بيفضل معتمده ومكرره طول الوقت ونادرا لما بيغير من استايله فيالشوزات.

استايل هدوم رجل برج الحمل 5
استايل هدوم رجل برج الحمل 5

رجل برج الحمل عملي جدا فيما يخص الهدوم بشكل عام بيبص دايما لراحته النفسية والجسدية مع الحفاظ على المظهر القوي بشكل عام، وبالتأكيد لازم نحط في اعتبارنا الفروق الفردية واختلاف الاذواق لكن بشكل عام دي كانت اهم صفات استايل هدوم رجل برج الحمل، اما لو حابين تعرفوا كل ما يخص برج الحمل حتلاقوه هنا.

مقالات متعلقه

استايل هدوم انثى برج الحمل

استايل هدوم انثى برج الحمل

ازاي تكسبي قلب رجل برج الحمل

ازاي تكسبي قلب رجل برج الحمل

ازاي تكسب قلب انثى برج الحمل

ازاي تكسب قلب انثى برج الحمل