ازاي تنسقى هدومك صح وتعملي ستايل زي الـ fashion bloggers

بقلمآية حسان فيموضة وأزياء visibility614

مفيش شك ان كل البنات بتحب الفاشون والستايل، وكتير مننا دلوقتي بيتاعبوا الـ fashion bloggers وبيتأثروا بيهم عشان ستايلاتهم المختلفة و المتعددة، اللي بتتغير من واحدة للتانية وكلها بتدينا أفكار ماتنتهيش، بس دايما بيبقى نفسنا نطلع بلوك حلو وشيك زي اللي بيعملوه خصوصا وانهم ممكن يكونوا بيستخدموا نفس القطع اللي احنا في العادي بنشتريها ونلبسها، لكن بتبقى المشكلة دايما في تنسيقها، في المقال ده هنساعدك وهنقولك ازاي تنسقى هدومك صح وتعملي ستايل زي الـ fashion bloggers

ازاي تنسقى هدومك صح وتعملي ستايل زي الـ fashion bloggers

خدي بالك من التريندات:

أول حاجة مهم انك تعرفيها وتعمليها عشان تعرفي ازاي تنسقى هدومك صح انك تاخدي بالك من التريندات والجديد في الموضة، مش معنى الكلام ده انك تخلصي كل فلوسك على الموضة و تغيرى من ستايلك وتلبسي حاجة مش شبه شخصيتك، لكن اختاري من كل تريند جديد اللي يناسبك وحافظي عليه.

اعرفي ازاي تنسقي القطع المختلفة:

حاجة مهمة برده هى انك تعرفي ازاى تنسقى القطع المختلفة وتوفقي ما بينهم عشان تطلعي من نفس القطع ستايل ولوك مختلف في كل مرة، وبكده تكوني استغليتي كل قطع الملابس اللي عندك صح حتى لو كانت قليلة.

نسقي قطع مختلفة
نسقي قطع مختلفة

استغلي القطع الأساسية والكلاسيكية:

قطع الملابس الاساسية او الـ basic زي التيشيرتات السادة و البنطلونات الجينز و القطع الكلاسيكية زي البلوزات والبنطلونات القماش و البليزرات مهمة جدا في دولابك، لأن القطع دي مش هتخذلك أبدا ودايما هتساعدك تعملى لوك عفوي، حلو وشيك استثمري دايما في قطع زي البنطلونات الجينز والجاكت الجملي و البنطلون الكلاسيك القماش.

اتأكدي دايما ان كل هدومك مقاسها مظبوط:

ودي تعتبر أهم نصيحة في اي حاجة تلبسيها، لازم كل حاجة يبقى مقاسها مظبوط عليكي لا تكون واسعة زيادة ولا ضيقة زيادة، اعملى التعديلات المناسبة وحاولي وانتى بتشتري هدومك انك تشتري الحاجة مقاسها مظبوط من الأول.

اهتمي بالاكسسوارات:

الاكسسوارات مهمة طبعا، حتى لو كانت قطعة واحدة وحتى لو كانت من حجم صغير ، مهما كانت القطعة اللي انتى لابساها بسيطة الاكسسوارات هترفعها لمستوى تاني خالص.

دايما جربي:

ماتخافيش انك دايما تجربي حاجات جديدة ، ستايلات مختلفة عن اللي انتي متعودة عليه وألوان ماجربتيهاش قبل كده و نسقي حاجات مختلفة وجربي حاجات ماتعودتيش عليها عشان دايما تحسي ان ستايلك متجدد ومختلف، واهم حاجة هي انك دايما تحبي نفسك وتحبي اللي انتى لابساه وتكوني دايما واثقة انك مرتاحة في اللوك بتاعك.

جربي حاجات جديدة