وصفات معطرات جو منزلية هتخلي ريحة بيتك تجنن
كلنا طبعا بنحب بيتنا يبقى معطر وريحته حلوة ومنعشة طول الوقت، ويمكن بنصرف على ده فلوس مش قليلة برضه في شراء سبراي ومعطرات الجو اللي ريحتها بتختفى بعد فترة قليلة جدا من رشها، في المقال ده بنات حوا هيقولولك وصفات سهلة وبسيطة تقدرى تعملي بيها معطرات جو في البيت، اعرفي معانا
وصفات معطرات جو منزلية هتخلي ريحة بيتك تجنن
وصفة معطر القرفة :
في حلة ضيفي مياة وسيبيها تغلي وبعد كده حطي عودين قرفة على الأقل”ممكن تزودي لو بتحبي ريحة القرفة تكون قوية” و معاهم قطع من الجنزبيل و رشة كبيرة من جوزة الطيب وبعد كده وطي النار على المكونات دي عشان المكونات تمتزج مع المياة كويس، ريحة الوصفة دي حلوة جدا ومن وقت للتاني بصى على الحة عشان المياة ماتنشفش.
معطر خل التفاح:
التفاح وخل التفاح معروفين بريحتهم الحلوة والنفاذة ، عشان تعملى معطر جو منزلي من التفاح امزجي المياة المغلية مع قطع قليلة من قشر التفاح وعود قرفة أو أتر حسب ما تحبي مع 3 حبات كاملة من القرنفل ، وطي النار على المزيج ده و سيبيه يتبخر و يملأ البيت بريحته المميزة.
معطر الجزبيل و اللوز :
اغلي المياة وضيفيلها الماء على الأقل عودين من القرفة ، وأربع قطع من الزنجبيل ، وملعقة واحدة من مستخلص اللوز ، وملعقة واحدة كاملة من القرنفل. وممكن تستخدمي خلاصة الفانيليا لو مستخلص اللوز مش متوفر.
معطر التفاح والقرفة :
في حلة ، اغلي المياة وضيفي على الأقل قشرة برتقال واحدة ، وقشرة التفاح أو أكتر ، وعودين من القرفة ، وحبتين كاملين من القرنفل و عودين من الينسون الأخضر ولو مش متوفر ممكن تستبدليه بمعلقة صغيرة من الينسون العادي اليانسون. وطي انلار على المزيج ده لحد ما يستوى وتبدأ ريحته تظهر وتملأ البيت.
معطر اكليل الجبل :
اغلي مياة وضيفيلها على الأقل خمسة أوراق غار ” ورق لورا”، وتلات عيدان من إكليل الجبل ، وشريحة ليمون واحده. وطي النار على المزيج ده وسيبيه يغلى ويتبخر بهدوء واتاكدى من مستوى المياة من فترة للتانية واملى البيت بريحة جيدد ومنعشة.