نصايح وفكار ازاي تعملي ستايلات تخليكي تباني أرفع

آية حسان
آية حسان
4458

أوقات بيبقى نفسنا نلبس هدوم معنية بس بنحس نفسنا مليانين مهما نعمل، وأوقات كتير بتبقى المشكلة مش في جسمنا لكن بسبب اختيار غلط لقطع الملابس اللي بنعتمد عليها في اللوك بتاعنا، عشان كده في المقال ده اعرفي ازاي تعملي ستايلات تخليكي تباني أرفع

ألبسي أسود:

أشهر نصيحة عشان تباني أرفع هي انك تعتمدي على أسلوب ستايل اللون الواحد، وطبعا أهم لون يخليكي تباني أرفع وأطول هو اللون الأسود، أعملي ستايل كله من اللون الأسود عشان تباني أرفع وفي ثانية واحدة ، لكن ماتنسيش تلبسي إكسسوارات واضحة وظاهرة عشان تكسري من حدة وكآبة اللون الأسود وطبعا هيحتاج مكياج مناسب.

  • البسي اسود 2
    البسي اسود
  • البسي اسود
    البسي اسود

العبي في النسب:

انك تلعبي في طول القطع اللي بتلبسيها وفي نسبها ده هيخليكي برده تقدرى تعملي ستايل يخليكي تباني أرفع، عشان كده ممكن تجربي تلبسي بنطلون طويل وواسع مع بلوزة قصيرة أو بلوزة طويلة وتدخليها في سكيرت قصيرة مع كعب عالي مثلا، التكنيك ده هيساعدك تباني أرفع وتداري أي عيوب أو مناطق زايدة في جسمك.

  • العبي في النسب 2
    العبي في النسب
  • العبي في النسب
    العبي في النسب

اعتمدي على شوز أرفع و بحجم أصغر:

البنات الطويلة بيبقى عندهم ميزة انهم لو زادوا شوية مابيبانش عليهم بسبب جذعهم الطويل، بعكس البنات القصيرة اللي للأسف أي زيادة لو بسيطة بتبان عليهم بسرعة، عشان كده شوز بكعب عالي وحجم صغير “نقصد ابعدي عن الشوز اللي بتبان ضخمة وخليكي في الحجم الرقيق” هيساعدك كتير في انك تباني مش بس أطول لاء وكمان أرفع، جربي تلبسي كعب عالى مع جينز و دخلي التيشيرت في البنطلون وعليهم كارديجان طويل أو بالطو.

  • خلى الشوز بتاعك طويل
    خلى الشوز بتاعك طويل
  • خلى الشوز بتاعك طويل 2
    خلى الشوز بتاعك طويل

البسي حزام:

بنات كتير بتعتقد انها لما تلبس واسع أو فضفاض بزيادة وتعمل لوك messy شوية ده هيساعد في انهم يداروا وزنهم أو يخليهم يبانوا أرفع، لكن ده غلط بدل ما تعتمدي على ستايل يخلي جسمك يبان من غير شكل حاولى تقسمي جسمك بانك تلبسي حزام يفضل الجزء الأعلى من جسمك عن رجليكي، ده هيضيف لشكلك و يخليكي تباني أرفع وأطول ببساطة.

  • البسي حزام 2
    البسي حزام
  • البسي حزام
    البسي حزام

البسي ملابس داخلية مظبوطة :

آخر نصيحة معانا في إزاي تعملي ستايلات تخليكي تباني أرفع هي انك لازم تبقى متأكدة ان ملابسك الداخلية اختيارها صح ومقاسها مظبوط عليكي، وممكن تساعدى اللوك بتاعك بانك تشتري كورسيه خفيف مناسب لمشاويرك النهارية والخروجات لو حبيتي.

اتأكدي من مقاس ملابسك الداخلية
اتأكدي من مقاس ملابسك الداخلية

مقالات متعلقه

ازاي تجددي ستايلك في 2023 ، اعرفي القطع التريندي للسنة دي

ازاي تجددي ستايلك في 2023 ، اعرفي القطع التريندي للسنة دي

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

نصايح وأفكار ازاى يبقى لبسك على الموضة وتريندي من غير ما تصرفى فلوس كتير

Ankle Boots collection من دار أزياء Aldo للشتاء السنة دي

Ankle Boots collection من دار أزياء Aldo للشتاء السنة دي