أفكار وستايلات تنسقي لبسك إزاي في الشتاء بقطع من ألوان مختلفة

بقلمآية حسان فيموضة وأزياء visibility1031

تركيبات الألوان اللي ممكن تلبسيها مع بعض كتيرة جدا ومالهاش حدود، خصوصا ان التريندات في اللبس بتتغير كل يوم و دايما بيظهر تريند جديد سواء في الألوان أو الستايلات وحتى الخامات والتنسيقات،عشان كده مهم تبقي عارفه ازاي توفقي بين القطع المختلفة عشان تعملي ستايلات متجددة دايما و تبقى على طول على الموضة، في المقال ده هنقولك على شوية أفكار تلهمك لستايلاتك الجاية..

أفكار وستايلات تنسقي لبسك إزاي في الشتاء بقطع من ألوان مختلفة

في الأول لازم نقولك على شوية قواعد عامة هتساعدك كتير في أي ستايل تحبي تعمليه وهوانك مهم دايما تختاري الدرجات اللي بتناسب درجة لون بشرتك ، بالضبط زي ما بتختاري اللون المناسب ليكي من الكونسيلر أو الفاونديشن، قاعدة بسيطة هى ان الألوان الفاقعة والفاتحة هتخلي شكل جسمك يبان أكبر بعكس الدرجات الألوان الهادية والغامقة زي الكحلي ودرجات البني المتوسطة ودرجات الأسود و الجراي.

أما لو حابة تباني أطول يبقى أعملي لوك من لون واحد وخصوصا لو كنتى من أصحاب البشرة الفاتحة بأي لون تفضليه ، لكن برضه حاولي تتجنبي الألوان المبهرجة أو الفاقعة.

أما بخصوص ستايلك في الشتاء فالموضوع كله بيتوقف على انك توفقي قطع مختلفة مع بعضها، خصوصا اننا في الشتاء بنلبس أكتر من طبقة فمهم انك تختاريهم متناسقين ولايقين على بعض ، جربي تمزجي ألوان زي الأسود و الجراي مع ألوان النيود مع درجات تانية غامقة من الأزرق أو الأخضر عشان تعملي لوك شتوي منعش وهادي في نفس الوقت.

ممكن كمان عشان تعرفي تنسقي لبسك إزاي في الشتاء تجربي تلبسي ألوان جريئة وواضحة زي البرجاندي أو النبيتي والمارون والمستردة عشان تعملي لوك واضح وجرئ لكن في نفس الوقت شيك، جربي تلبسي اللون الجملي مع النبيتي عشان تعملي لوك مفاجئ وجديد.

النبيتي و البرجاندي

ممكن كمان تلبسي جاكت أو بالطو جملي أو رصاصي مع جينز و under shirt بلون مناسب عشان تعملي لوك راقي جدا وبسهولة ، ممكن تلبسي تحت البالطو بلوفر برقبة عالية، الستايل ده مناسب للشغل والاجتماعات المهمة ، جربي تلبسي جاكت بلون army green مع جينز أزرق.

شوفي ستايلات وتنسيقات أكتر من هنا