بالصور .. أفكار وتنسيقات إزاي تلبسي الجاكيت الجملي

الجاكيت الجملي من غير شك بيعتبر من أهم قطع الملابس الشتوية اللي لازم تكون موجودة في دولابك، وده لأنه بيدي لوك إليجانت وشيك جدا بمجرد ما تلبسيه ومن غير ما تضطري تبذلي مجهود كبير، عشان كده في المقال ده هنعرفك بالصور إزاي تلبسي الجاكيت الجملي بستايلات مختلفة، خلينا نبدأ على طول

بالصور .. أفكار وتنسيقات إزاي تلبسي الجاكيت الجملي

الجاكيت باللون الأسود او الأو الأبيض أو الجراي بيعتبروا أساسيات طبعا و من القطع سهلة التنسيق اللي ممكن تلبسي معاها أي حاجة وتلاقيها ماشية ولايقة ومناسبة للوك بتاعك، لكن السنة دي كمان الجاكيت الجملي بيعتبر من القطع اللي بقت أساسية وتقدرى تنسقيها بسهولة في أي outfit تحبي تعمليه، خلينا نقولك شوية نصايح..

لو حابة تعمي لوك شيك و كلاسيكي أكتر ممكن تلبسي الداكت الجملي سادة من غر أي نقشات أو تدرجات في الألوان مع بنلون كلاسيكي قماش سادة بأي لون تفضليه من الألوان اللي بتمشي مع الجملي و خصوصا ألان زى الأسود و الأبيض و البني، أما لو حابة تعملي لوك كاجوال يبقي جربي تلبسيه مع قميص أبيض على جينز بأي درجة تفضليها من درجات اللون الأزرق وشوز بكعب بلون مناسب، وممكن كمان للوك عصري أكتر تلبسيه على بنطلون منقوش أو بنطلون سادة و توب أو بلوزة منقوشة.

ممكن كمان تلبسي تحت الجاكت الجملي توب برقبة عالية من اللون الأسودمع سكيرت قطيفة أو شمواه باللون البرجاندي أو النبيتي الغامق عشان تعملي لوك شتوي كله أنوثة ونعومة، ومناسب جدا للخروجات بالليل، وللخروجات النهارية السسريعة أو لو نازلة تقابلي أصحابك ممكن تلبسيه على سكيني جينز وتيشيرت أبيضأو بأي لون تفضليمع بوت أسود برقبة صغيرة .

شوفي تنسيقات أكتر تلهمك للوك الجاي مع الألبوم ده