اختبار بسيط تعمليه في البيت بنفسك تقدري تعرفي منه اذا كان عندك مشاكل في القلب ولا لا

ريهام محمود

في

29009

اسوأ حاجة في مرض القلب انه ممكن يحصل للشخص بشكل مفاجيء نوبة او سكتة قلبية, وفي الحالة دي فرص النجاة بتكون قليلة جدا, وفي الايام دي بسبب ضغوطات الحياة الشباب كمان بيتعرضوا بنسبة كبيرة لمرض القلب, وحسب الابحاث ان الوفاة المفاجئة للاشخاص اللي بيقل سنهم عن 35 سنة بتحصل في الغالب بسبب واحد من امراض القلب, والواقع ان بيموت واحد من كل 50000 شاب رياضي وسليم بسبب السكتة القلبية المفاجئة كل سنة, واعراض مشاكل القلب عادة بيكون صعب ملاحظتها بسهولة, وفي الغالب بيتم تجاهل اعراض كتير بسبب نقص الوعي ولانها بتتشابه مع اعراض مشاكل المعدة, لكن مع ذلك في طريقة للكشف عن امراض القلب والطريقة بسيطة جدا وواضحة تقدري تعرفي منها اذا كان عندك اي نوع من انواع امراض القلب ولا لا, تعالوا نعرف الطريقة مع بعض.

طريقة للكشف عن امراض القلب:

الطريقة سهلة جدا وهو اختبار بسيط بيتعمل بانك تلمسياطراف صوابعك, يمكن كتير يشوفوا ان الطريقة ممكن تكون غريبة, لكن الدراسات الحديثةاثبتت ان في صلة بين مرونة جسمك وصحة قلبك, وبالتالي الدراسة بتقول ان لو عندكمرونة كافية انك تلمسي صوابع رجلك بايدك من غير اي صعوبة, في الحالة دي انتي عندكقلب صحي وسليم.

والدراسة دي اتعملت في الجمعية الامريكية الفسيولوجية فيولاية تكساس, وشارك في الدراسة 526 شخص, تتراوح اعمارهم ما بين 20 و 83 سنة, وكلالاشخاص اللي تم اختيارهم في الاختبار كانوا صحتهم كويسة جدا, ومش بيدخنوا, ومؤشركتلة جسمهم اقل من 30, اتطلب من كل واحد منهم انه يقعد على الارض ويلمس صوابع رجلهبايده من غير تني الركبة, وخلال ما هما بيعملوا الحركة كان بيتم مراقبة ضغط دمهمونشاط القلب والشرايين.

بعد ما خلصوا التجربة على كل الاشخاص, حللوا النتايجولقوا ان الاشخاص اللي بيعانوا من امراض القلب مش قادرين تماما انهم يلمسوا صوابعرجلهم.

والباحثين او القايمين على الاختبار قالوا ان المفتاحللنتيجة دي هو الربط بين الجسم ومرونة الشرايين, خصوصا عند الاشخاص اللي عدوا سنال 40, وبما ان تصلب الشرايين تعتبر مقدمة لامراض القلب, قالبتالي النتايج منالدراسة دي تثبت انك تقدري تعرفي حالة قلبك من خلال عمل الاختبار البسيط ده.

ولو القلب في صحة جيدة, يبقى الاوعية الدموية في القلبلازم تكون مرنة, وحسب الدراسة ان تصلب الشرايين بيزيد اكتر مع التقدم في العمر,اللي بيتطور لامراض القلب, وبالنسبة للاشخاص الرياضيين او اللائقين بدنيا,الباحثين افترضوا بشكل طبيعي بما ان عندهم مرونة في الجسم ده بيحدد بسهولة او بديهيامرونة الشرايين.

ازاي تعملي اختبار لمس الصوابع في البيت بنفسك:

عمل اختبار لمس الصوابع في البيت سهل جدا وتقدري تعمليهبنفسك من غير مساعدة, اختاري مكان مريح في البيت يكون كافي انك تمددي رجليكيوتفرديها عى الاخر, والبسي ملابس مريحة متسببش مشكلة في الحركة باي شكل منالاشكال, اسندي ضهرك على الحيطة, ومددي رجلك الاتنين جنب بعض, دلوقتي انحني لقدامعن طريق تني منطقة الوسط وحاولي تلمسي صوابع رجلك, وافتكري انك متتنيش ركبتك اورجلك خالص باي شكل من الاشكال.

النتيجة بقى هتتحسب على اساس انتي وصلتي لصوابعك ازاي,لو لمستي صوابعك من غير اي مجهود في الحالة دي يبقى عندك مرونة ممتازة وقلبك حالتهكويسة جدا, لكن لو وصلتي مثلا لمنطقة الكاحلين او سمانة الرجل بس, في الحالة دييبقى مافيش مرونة كفاية وممكن يكون في مشكلة في القلب.

ايه الاعراض التانية اللي ممكن تقولك ان عندك مشكلة فيالقلب والاوعية الدموية:

على الرغم من ان اختبار لمس الصوابع يعتبر من الطرق الرائعة جدا لمعرفة حالة صحة القلب والاوعية الدموية, لكن كمان في اعراض تانية ممكن تنبهك ان عندك مشاكل في القلب غير الاختبار:

– عدم الارتياح او الاحساس بألم في الصدر يعتبر من الاعراض الشائعة جدا اللي ممكن تنبهك لمشاكل في القلب, وعدم الراحة ده ممكن يكون ضيق او ألم او حتى احساس بالضغط على الصدر.

– الاعراض اللي ساعات كتير بنخلطها مع اعراض امراض المعدة لانها بتشبهها بالظبط زي حرقة المعدة, عسر الهضم, آلام المعدة او الغثيان دي كلها ممكن تكون مؤشر لامراض القلب.

– الألم المنتشر في الذراع الشمال او جانب الجسم الشمال, ده ممكن يكون مؤشر لنوبة قلبية.

– الدوخة والدوار.

– ألم في الفك او الحلق.

– بتتعبي بسرعة من اقل مجهود وبتحسي بضيق في التنفس.

– الشخير اثناء النوم.

– التعرق بغزارة من غير سبب واضح.

– الكحة المستمرة اللي مش بتخف مع الوقت ولا مع الادوية.

– تورم في الساقين, الكاحلين, والقدمين.

– عدم انتظام ضربات القلب ويستمر لاكتر من ثانيتين.

لو حسيتي بأي واحد من الاعراض دي الافضل انك تروحي تكشفي لان ممكن الموضوع يكون علاجه بسيط وتلحقيه في البداية قبل ما يتطور وتتفادي حاجة اكبر ممكن تحصل في المستقبل.