وصفات طبيعية مذهلة 2 في 1 للبشرة والشعر

بقلمريهام محمود فيشعر visibility684

دايما بنكون عايزين حاجات سريعة وتوفرلنا في الوقت, فساعات كتير نعمل ماسك للشعر بس او للبشرة بس لكن مبنعملش الاتنين مع بعض, عشان كده النهاردة هنقولك وصفات طبيعية للبشرة والشعر مع بعض يعني الماسك 2 في 1 هتستخدميه للاتنين وتوفري الوقت والمجهود فانك تعلمي اكتر من ماسك.

وصفات طبيعية للبشرة والشعر:

ماسك الالوفيرا للبشرة والشعر:

المكونات:

كوباية من جل صبار الالوفيرا “ورقتين صبار حجمهم متوسط”.

¼ كوباية عصير ليمون.

كام نقطة من زيت شجرة الشاي او زيت اللافندر.

طريقة التحضير والاستخدام:

اخلطي المكونات مع بعض واضربيهم في الخلاط لمدة دقيقة.

لتطبيق الماسك على الشعر قسمي شعرك كذا قسم, وحطي الماسك على فروة الراس والشعر كله, دلكيه كويس, وبعدين سيبيه لمدة 20 دقيقة, بعدها اغسليه بمية باردة وشامبو, كرريه مرة واحدة في الاسبوع.

لاستخدامة للبشرة, حطي طبقة رقيقة من الماسك على الوش والرقبة, سيبيه لمدة 15 دقيقة, وبعدين اغسليه بالمية الباردة, كرري الماسك على الاقل 3 مرات في الاسبوع.

فايدة الماسك:

جل صبار الالوفيرا بيساعد على ترطيب الشعر, ويعتبر مكون ممتاز جدا للبنات اللي بيعانوا من الشعر الجاف ومش بيعرفوا يتحكموا فيه او يتعاملوا معاه, وكمان فعال جدا في علاج قشرة الشعر لما تستخدميه مع عصير الليمون وبيساعد على التخلص من الدهون الزيادة من فروة الراس, وبالنسبة للبشرة بيساعد على علاج تصبغات البشرة, والتخلص من افراز الزيوت الزيادة على البشرة.

وصفات طبيعية للبشرة والشعر
وصفات طبيعية للبشرة والشعر

ماسك العسل وبياض البيض:

المكونات:

بياض بيضتين.

½ كوباية عسل نحل.

طريقة التحضير والاستخدام:

هاتي طبق حطي فيه بياض البيض واضربيه شوية لحد ما يفك ويبقى سايل معاكي, بعدها ضيفي له العسل, وقلبيهم مع بعض كويس.

لتطبيق الماسك على الشعر, قسمي الشعر لاقسام, ورشي على الشعر مية باستخدام ازازة ببخاخ لحد ما يبقى رطب شوية, حطي الماسك على فروة الراس وعلى الشعر كله, سيبيه لمدة 30 دقيقة, بعدها اغسليه بالمية والشامبو, كرريه مرة واحدة في الاسبوع.

لاستخدامه للبشرة, حطي طبقة رقيقة من الماسك على الوش والرقبة, سيبيه لحد ما ينشف خالص, وبعدها اغسليه بمية باردة, كرريه من 3 – 4 مرات في الاسبوع.

فايدة الماسك:

العسل يعتبر من المكونات الهايلة جدا للعناية بالبشرة والشعر, لانه بيحتوي على خصائص ترطيب, بيساعد بشكل كبير في ترطيب البشرة, بيساعد على علاج جفاف وتصبغ البشرة, العسل كمان بيحتوي على كميات قليلة من بيروكسيد الهيدروجين وده ليه تأثير تبييض وبالتالي بيزيل اسمرار اللبشرة, وبالنسبة للشعر العسل بيساعد على اصلاح الشعر التالف وبيخلص الشعر من التجعد, وبياض البيض بيساعد على تنضيف مسام البشرة من الشوائب, وبيخلي الشعر اكتر نعومة ولمعان.

وصفات طبيعية للبشرة والشعر
وصفات طبيعية للبشرة والشعر

تونر الكركم لعلاج عيوب البشرة والتخلص من الشعر الزائد

تونر الكركم
تونر الكركم