تونر الكركم لعلاج عيوب البشرة والتخلص من الشعر الزائد

بقلمريهام محمود فيبشرة visibility677

احنا اتكلمنا قبل كده عن التونر واهميته للبشرة, وقولنا انه بيساعد على تنضيف البشرة والمسام من الشوائب والبكتيريا اللي ممكن تسدها وتسبب مشاكل للبشرة, كمان بيحافظ على ترطيب البشرة, وواحد من المكونات الطبيعية المهمة اللي ممكن نعملي بيها تونر طبيعي هو الكركم, والنهاردة من خلال موضوعنا هنتعرف مع بعض على طريقة عمل تونر الكركم اللي مع الاستخدام المنتظم ليه هيخلصك من اكبر مشكلتين للجلد هي عيوب وشوائب البشرة وشعر الوش الزائد.

تونر الكركم لعلاج عيوب البشرة والتخلص من شعر الوجه الزائد:

المكونات المطلوبة:

– 5 نقط من زيت شجرة الشاي.

– 1/3 معلقة صغيرة كركم بودر.

– 1 معلقة كبيرة مية ورد.

– 1 معلقة كبيرة من جل الالوفيرا.

– 1 كوب مية.

تونر الكركم
تونر الكركم

طريقة التحضير:

1- هاتي برطمان ازاز او طبق حطي فيه كوباية المية وضيفي لها مية الورد وقلبيهم مع بعض بالمعلقة كام دقيقة.

2- بعد كده هاتي جل الصبار قلبيه بالمعلقة ونعميه كويس عشان ميبقاش فيه اي كتل وبعدين ضيفيه لخليط المية ومية الورد.

3- دلوقتي هنضيف الكركم “الافضل تستخدمي كركم البشرة هتلاقيه متوفر عند العطار”, وبعدين  تضيفي زيت شجرة الشاي.

4- قلبي المكونات كلها مع بعض كويس جدا, وبعدين صبيها في ازازة ببخاخ.

5- قبل كل استخدام للتونر رجي الازازة كويس عشان تخلطي كل المكونات مع بعض مرة تانية.

تونر الكركم
تونر الكركم

طريقة الاستخدام:

1- اغسلي البشرة بالغسول المناسب قبل استخدام التونر.

2- رجي ازازة التونر بالراحة, وخليها بعيد عن الوش بكام سنتيمتر, ورشي على البشرة بشكل مباشر.

3- اتأكدي انك رشيتي البشرة كلها بالتونر.

4- سيبيه على البشرة من 5 – 10 دقايق.

5- اشطفيه بالمية العادية.

تونر الكركم
تونر الكركم

ازاي التونر بيشتغل على البشرة:

التونر كلها مكوناته طبيعية زي ما شوفنا وفي نفس الوقت تأثيرها قوي على البشرة, كل المكونات بتحتوي على مواد مغذية وخصلئص بتساعد على تنضيف مسام البشرة المسدودة وازالة الشعر الزائد مع الوقت والاستخدام بانتظام.

عدد مرات الاستخدام:

التونر هو يعتبر اخر خطوة في تنضيف البشرة, عشان كده تقدري انك تستخدمي في كل مره بتغسلي فيها وشك, او مره واحدة في اليوم قبل النوم.

تونر الكركم
تونر الكركم

فوايد مكونات التونر:

زيت شجرة الشاي: هو زيت اساسي فعال غني بالخصائص المضادة للبكتيريا والمضادة للالتهابات ومضاد للفيروسات, واثبت فعاليته في علاج عيوب وشوائب البشرة, حب الشباب والبثور, وبيساعد على تطهير وتنضيف الجلد.

الكركم: غني بالمواد المضادة للاكسدة والمضادة للالتهابات والمطهرات اللي بتساعد على التخلص من عيوب البشرة بشكل سريع, وخصائص التطهير اللي موجودة فيه بتساعد على ازالة الشوائب والبكتيريا من البشرة, وبتخلصك من مشكلة الشعر الزائد نهائيا مع الاستمرار في الاستخدام.

مية الورد: غنية بالخصائص المضادة للفيروسات والمضادة للالتهابات والخصائص القابضة اللي بتساعد على تنضيف المسام وتقليل حجمها والحفاظ على نضافة البشرة, كمان بتساعد على تقليل افراز الزيوت الزيادة في البشرة, وبتزيل عيوب وشوائب البشرة.

جل صبار الالوفيرا: غني بالخصائص المطهرة والمضادة للالتهابات مع الاحماض الامينية والمعادن والفيتامينات اللي بتساعد على تنضيف المسام المسدودة, وبتساعد على ازالة عيوب وشوائب البشرة وبتحافظ على ترطيبها.

تونر الكركم
تونر الكركم

علاج طبيعي مذهل للتجاعيد باستخدام الكرنب تقدري تعمليه بنفسك في البيت

علاج طبيعي للتجاعيد
علاج طبيعي للتجاعيد