طرق لفات حجاب من غير دبابيس ونصايح ازاي تلبسيها

بقلمريهام محمود فيموضة وأزياء visibility2585

في الفترة الاخيرة هنلاحظ ان كل الفاشونيستا بيلفوا الطرحة من غير دبابيس وبقت موضة منتشرة جدا لانها سهلة وعملية ده غير انها بتحافظ على الطرحة انها ممكن تبوظ من الدبابيس او تتقطع خصوصا نوعيات الاقمشة الخفيفة, او احيانا الدبابيس بتضايق وبتضطري كل شوية تظبيطها وتثبتيها مكانها, عشان كده النهاردة جايبين لكل بنات حوا بالصور مجموعة لفات حجاب من غير دبابيس ونصايح ازاي تلبسيها.

نصايح لعمل لفات حجاب من غير دبابيس:

اول حاجة عشان تلبسي الطرحة من غير دبابيس لازم تلبسي باندانا قطن كبيرة عشان تغطي الشعر, وحطي الطرحة فوقيها وخلي طرف اطول من التاني ولفيها حوالين الرقبة, وكده تبقى اللفة خلصت بكل سهولة.

لما تيجي تختاري الطرحة اللي هتلبسيها من غير دبابيس ابعدي عن الخامات اللي ممكن تتزحلق من على الراس زي الحرير او الشيفون هيكون صعب تستغني عن الدبابيس مع الخامات دي, الافضل اختيار الطرحة من خامة القطن السميك عشان تثبت وتقدري تلفيها من غير ما تتزحلق.

الافضل تعتمدي على الطرح الكبيرة والعريضة عشان تقدري تستغني عن الدبابيس معاها, ولو هتلبسي الصغيرة, ممكن تعمليها اللفة التركي, استخدمي فيها الطرحة المربعة الصغيرة, اتنيها على شكل مثلث ولفيها حوالين الرقبة واربطيها على شكل فيونكة, او لو انتي لابسه حاجة برقبة اربطيها ودخليها من جوه الرقبة هتبقى ثابتة جدا معاكي.

دلوقتي كمان متوفر لفات طرح جاهزة, بس بتجيبيها وبتحطيها على راسك من غير استخدام اي دبابيس.

تقدري تلفيها باكتر من طريقة زي ما قولنا تخلي طرف اطول من التاني وتلفي الطرف الطويل حوالين الرقبة, او تخلي الطرفين قد بعض وتلفيهم على ورا وتسيبيهم او تربطيهم في بعض من ورا, ولو عايزة تلفيها حوالين الراس لفيها بالطريقة العادية وثبتي الطرحة في الجنب دخليها في بعضها او تسيبيها  نازلة كده على الكتف.

وبالنسبة لطريقة لبس الباندانا حسب اختيارك بقى عايزة تبيني جزء كبير من الباندانا قدام او جزء صغير او تداريها خالص تحت الطرحة كل واحدة حسب ما تفضل وتشوف الشكل المناسب لشكل وشها اكتر.

ممكن كمان تستخدمي اكسسوار فوق الطرحة, خصوصا في المناسبات, ممكن تستخدمي سلسلة وجزء مناه يكون نازل على الجبين من قدام, او طوق ورد.

تعالوا نشوف مع بعض كده بالصور مجموعة لفات حجاب من غير دبابيس:

ازاى تختارى ربطة الحجاب المناسبة لوجهك

ازاى تختارى ربطة الحجاب المناسبة لوجهك
ازاى تختارى ربطة الحجاب المناسبة لوجهك