9 حركات بسيطة تعمليهم خلال اليوم هيساعدوكي تخسري وزن وتباني اصغر

بقلمريهام محمود فيتخسيس الوزن visibility2897

مش دايما بيكون في وقت خلال اليوم عشان نعمل تمارين رياضية بشكل منتظم, خصوصا مع ضغط الشغل او الدراسة بيكون وقتنا ضيق, لكن في حاجات بسيطة ممكن تعمليها ومش هتحتاج منك غير وقت فراغ قليل جدا, وده اللي هنعرفه النهاردة مع بعض هنشوف 9 حركات لخسارة الوزن وكمان وهتخليكي تباني اصغر.

حركات لخسارة الوزن:

اهم حاجة في الحركات دي انك تعمليها بانتظام, وتقدري تعمليها في اي وقت خلال اليوم, وعشان توصلي لنتايج ملحوظة وحقيقية لازم تعمليهم مرة واحدة على الاقل في اليوم.

1- تدليك الجبين للتخلص من التجاعيد:

اسندي الكوعين على المكتب قدامك, وخلي كفك مواجه لوشك, حطي الجبين على المنطقة اللي تحت من الكف وخلي رقبتك في حالة استرخاء, وابدأي اعملي حركات دائرية على الجبين بكف ايدك, واضغطي بالراحة اثناء التدليك, وحركي الكف من اول الحواجب لخط الشعر, كرري التدليك لحد ما تعملي مساج لمنطقة الجبين كلها, ودايما خلي الحركة تبدأ من الحواجب لخط الشعر, مش العكس.

الوقت المثالي للمساج: خلال يوم العمل, يعني وانتي في الشغل تقدري في نص اليوم كده تاخدي راحة لمدة دقايق وتعملي المساج.

حركات لخسارة الوزن
حركات لخسارة الوزن

2- تمرين للايد هيحافظ على ايدك شباب:

عشان تحافظي على صحة العروق وتزودي من مرونة الاوعية, اعملي التمرين ده كذا مره في اليوم, بعد فترة من الانتظام هتلاقي ان الاوردة بقت اقل وضوح وقلت عن الاول كتير.

كل اللي هتعمليه ضمي قبضة ايدك وافرديها من غير ما ترخي العضلات, كرريها 20 مرة, من 3 – 4 مرات في اليوم.

الوقت المثالي للتمرين: خلال فترة النهار.

حركات لخسارة الوزن
حركات لخسارة الوزن

3- تمرين الجمباز:

التمرين ده بيتسمى بالجمباز فيبرو Vibro-gymnastics والتمرين ده بيساعد على تخليص الجسم من التورم والسوائل الزيادة, بيحسن الدورة الدموية, بيخليكي تحسي بطاقة وانتعاش الصبح.

كل اللي هتعمليه ارفعي كعب رجلك عن الارض 1 سم, ونزلي الكعب تاني على الارض, ومن غير قوة زيادة يعني اعملي التمرين وانتي مرتاحة ومن غير ضغط على الرجل, واثناء التمرين اضغطي على الاسنان, كرريه 100 مرة, والافضل تعمليه وانتي مش لابسه اي حاجة في رجلك.

الوقت المثالي: الصبح, او بعد عمل مجهود كبير استخدمتي فيه الرجل.

حركات لخسارة الوزن
حركات لخسارة الوزن

4- تمرين التمدد لتحسين الضهر:

تمرين التمدد مناسب جدا للكبار والاطفال, بيساعد على تحسين الضهر والكتفين, وفتح الصدر, وتقوية عضلات الضهر.

كل اللي هتعمليه اقفي عن باب الاوضة, وامسكي جوانب الباب عند منطقة الوسط, وانحني لقدام, واثبتي على الوضع ده لمدة من 10 – 20 ثانية, وعضلات الضهر والكتفين ضروري تكون مشدودة كويس, وبعدها ارجعي للوضع الاول, ممكن تكرري التمرين ده اكتر من مرة خلال اليوم, وممكن تعمليه بطريقة تانية تمسكي الباب من الجنبين وتاخدي خطوة واحدة  لقدام, وانحني لقدام واثبتي على الوضع ده لمدة ثواني وبعدين ارجعي للوضع الاول.

الوقت المثالي: تقدري تعمليه الصبح وبالليل, وانتي داخلة او طالعة من الاوضة او رايحة الحمام.

حركات لخسارة الوزن
حركات لخسارة الوزن

5- تمارين بسيطة لشد المؤخرة والارداف:

اضغطي او اقبضي عضلات المؤخرة والارداف لمدة 20 ثانية, ورخيها لمدة 10 ثواني, كرريه 5 مرات.

اقبضي منطقة المؤخرة والارداف اثناء المشي, لما تاخدي خطوة برجلك اليمين شدي المؤخرة والارداف في الجنب اليمين والعكس لما تاخدي خطوة برجلك الشمال شدي الجنب الشمال, اعملي 30 خطوة عشان تعملي التمرين ده, و 30 خطوة راحة, كرريه 5 مرات.

الوقت المثالي: خلال فترة النهار.

حركات لخسارة الوزن
حركات لخسارة الوزن

6- تمرين لمنع دوالي الساقين:

نامي على الارض على ضهرك او على الكنبة, وارفعي رجلك على الحيطة, اثبتي على الوضع ده لمدة دقيقة, وحركي اطراف القدمين فوق وتحت, وهزي الرجل لمدة دقيقتين.

الوقت المثالي للتمرين: بالليل قبل النوم.

حركات لخسارة الوزن
حركات لخسارة الوزن

7- تمرين لعضلات الرقبة:

التمرين البسيط ده ممكن يساعدك على تخفيف توتر وتشنج الرقبة وبيحسن كمان لون البشرة, لانه بيحسن تدفق الدم والسائل اللمفاوي.

دلكي الجزء الخلفي من الرقبة, بداية من قاعدة الرقبة لحد الراس, بعدين اقعدي او اقفي وضهرك مستقيم, واحني او ميلي رقبتك للجنب ببطء, وبعدين للجنب التاني, وحاولي تحسي بعضلات الرقبة اثناء التمرين, كرريه 20 مرة.

الوقت المثالي: خلال يوم العمل, ممكن تعمليه في نفس اليوم في الشغل خصوصا لو بتقعدي كتير قدام الكمبيوتر هيكون مفيد جدا ليكي.

حركات لخسارة الوزن
حركات لخسارة الوزن

8- تمرين شفط البطن:

التمرين المفروض انه يتعمل الصبح قبل الفطار, ومع ذلك هو ممكن يتعمل خلال اليوم, ولكن مش صحي اوي لان ممكن يسبب مشاكل لو اتعمل بعد الوجبة مباشرة.

كل اللي هتعمليه اقعدي او اقفي وضهرك مستقيم ومفرود كويس, وخدي نفس واشفطي البطن لجوه واحبسي نفسك وانتي شافطة البطن لمدة من 10 – 15 ثانية, وبعدين خرجي النفس, كرريه 5 مرات التمرين ده يعتبر من ابسط التمارين لتخسيس منطقة البطن.

الوقت المثالي للتمرين: خلال النهار زي ما قولنا يفضل الصبح قبل الفطار, او ما لا يقل عن ساعة بعد الوجبة.

حركات لخسارة الوزن
حركات لخسارة الوزن

9- تمرين لمنع السيلوليت:

التمرين ده بيحفز وظيفة المعدة, وده يعتبر رائع جدا لازالة السموم من الجسم.

اقعدي على الارض, ويكون سطح مش ناعم عشان متتزحلقيش, ارفعي الساق اليمين مع الارداف بعيد عن الارض , واتحركي لقدام كانك بتمشي وانتي قعدة, وبعدين بدلي واعملي التمرين للرجل التانية, وبعدين ارجعي لورا وانتي رافعة الرجل, افضلي اطلعي لقدام وارجعي لورا مع تبديل الساقين, اعملي على الاقل 30 خطوة.

الوقت المثالي للتمرين: الصبح وبالليل.

حركات لخسارة الوزن
حركات لخسارة الوزن

10 عادات غذائية هتحافظ على صحتك ووزنك من غير ما تمشي على نظام غذائي

عادات غذائية صحية
عادات غذائية صحية