ازاي تفهمي لغة جسد طفلك وتتجاوبي معاها بشكل صح

ريهام محمود

في

2873

لو انتي ماما جديدة وخصوصا لو لسه اول مرة يبقى موضوعنا النهاردة عشانك, الام بعد الولادة اكيد بتكون مركزة كل اهتمامها بالبيبي وبتراقب حركاته وكل حاجة بيعملها عشان تحاول تفهمه, والنهاردة من خلال موضوعنا هنساعدك في المهمة دي وهنقولك ازاي تفهمي لغة جسد الطفل وازاي تتعاملي مع كل حركة بشكل صح.

لغة جسد الطفل:

قراءة لغة جسد طفلك مهمة جدا لانها هتقولك كتير عن مزاجهومشاعره واللي حاسس بيه في اللحظة دي, عشان تقدري تتعاملي معاها بشكل صح, وكمانفهم حركات طفلك ولغة جسده وتوقع احتياجاته ده هيساعدك ويسهل عليكي انك تعملي لهروتين يومي, وكمان هيبني ارتباط بينك وبين طفلك بشكل احسن.

كمان لما تستجيبي للغة جسد طفلك وحركاته, انتي بكده كمانبتعلميه مهاراة التواصل, يعني مثلا لما تلاقيه مرتاح وموده حلو ممكن تتكلمي معاهوتحاولي تعملي حركات تضحكه, ولو لقيتي باين على وشه علامات ضيق او عدم ارتياح ممكنتتكلمي معاه بطريقة هادية وتحاولي تطمنيه من خلال انك تطبطبي عليه او تلمسي وشهبالراحة وبنعومة او تحضنيه.

وطريقة استجابتك دي ليه هتعلم طفلك ازاي يقدر يلفتانتباهك للحاجة اللي هو عايزها او محتاجها, وده هيكون مفيد جدا للطفل لما يبدأيصدر اصوات, ولما يبتدي يتكلم بعد كده.

1- حركة البدال بالساقين:

حركة البدال او الرفس بالساقين ده معناه ان الطفل مبسوطوبيقضي وقت حلو وممتع, وتحريك الساقين بالطريقة دي ده تعبير عن سعادته, وهنلاقيمعظم الاطفال بيعملوا الحركة دي وهما بيستحموا او وانتي بتلعبي معاهم, واحيانا فيبعض الاوقات ممكن يكون بيعملها للفت انتباهك بتكون طريقة بيقولك بيها انه عايزيقضي وقت معاكي.

ازاي تتجاوبي معاه:

ممكن تحطيه على رجلك وتغني له, هتلاقيه ان هو بدأ يحركرجله مع نغمات الاغنية وهيبقى مبسوط اكتر.

2- رفع الرجل او تقويس الضهر:

الاطفال لما بيحسوا بمغص او ألم في البطن هنلاقيهم عادةبيرفعوا رجلهم لفوق او بيقوسوا الضهر ويضغطوا عليه, ودي انذار ليكي انه هيعيط خلالدقايق وبشكل مفاجيء, ولو عمل الحركة دي اثناء الرضاعة يبقى توقفي رضاعة واتجنبيهافي الوقت ده لحد ما يرتاح.

ازاي تتجاوبي معاه:

لما ده يحصل الخبراء بينصحوا انك تعملي تدليك بسيطلمنطقة البطن لحد ما يهدا ويحس بالراحة.

3- ضرب او خبط الراس:

الاطفال بيضربوا او يخبطوا راسهم في الارض او في قضبانالسرير بتاعهم لما بيحسوا بتهيج او الم, وساعات بيكون مجرد حركة مهدئة ليه او حاببايقاع الحركة نفسها.

ازاي تتجاوبي معاه:

في حالة لو لقيتي حركة خبط الراس ده بيحصل كتير ولفتراتطويلة, الافضل انك تعرضيه على دكتور الاطفال.

4- لمس او شد الاذن:

الحركة دي ممكن يكون ليها اكتر من تفسير, ممكن يكون لمسهاو شده لودنه هو مجرد بس استكشاف لنفسه مش اكتر, وممكن يكون حاسس بقلق او توتروالحركة دي بتساعده على الاسترخاء او حاسس بعدم ارتياح من حرارة الجو, لكن لو بيشدودنه مع عياط وارتفاع في درجة حرارته ده ممكن يكون معناه انه حاسس بألم في الاذناو الاسنان.

ازاي تتجاوبي معاه:

لو هو مجرد استكشاف للحواس بتاعته يبقى شاركيه فيالاستكشاف وخليكي معاه وساعديه انه يحدد مكان ودنه, ولو خلال فترة التسنين حاوليانك تساعديه يحس بالراحة على قدر ما تقدري, ولو بسبب شعور بألم في الاذن الافضلتعرضيه على الدكتور.

5- قفل قبضة الايد بقوة:

قفل قبضة الايد دي تعتبر حركة منتظمة بيعملها كل الاطفال, لكن لو قافل قبضة الايد بقوة اوي دي تعتبر علامة على انه جعان او متوتر, وعلى العكس لو الطفل ايده مفتوحه يبقى هو كده مش جعان.

ازاي تتجاوبي معاه:

لو عمل الحركة دي في ميعاد رضعاته المعتادة يبقى فيالحالة دي هو جعان ومحتاج يرضع, ولو البيبي لسه حديث الولادة, موضوع قفل كف الايدبيبدأ يتطور او يتغير بعد ما يكمل 3 شهور, ولو طولت معاه الافضل استشارة الدكتورالمتخصص.

6- تني الركبتين لفوق:

لما الطفل يتني ركبه لفوق ده معناه ان عنده مشاكل فيالهضم, وبيعاني من امساك او غازات او حركة الامعاء بتاعته مش مستقرة.

ازاي تتجاوبي معاه:

لو عمل الحركة دي عشان بيعاني من الغازات ممكن تساعديهعلى التجشؤ عشان يتخلص منها, واتجنبي الاكلات اللي ممكن تسبب له انتفاخات فيالمعدة, ولو الطفل بيعاني من الامساك استشيري الدكتور, وحاولي تشربيه كمية ميةكفاية وتشربيه عصير مخفف.

7- هز الذراع:

هز او رعشة الذراع ممكن تكون رد فعل للبيئة اللي حواليه,او علامة على اليقظة او انه مصحصح يعني, بالنسبة للبيبي حديث الولادة ممكن يهزالذراع او يحصل فيها رعشة لو سمع دوشه جامدة حواليه او اتعرض لضوء قوي, وممكن يعملالحركة دي لما تحطيه في الارض وتسيبيه وحس فجأة انه فقد الدعم وان مافيش حد شايله.

ازاي تتجاوبي معاه:

هز الذراع يعتبر حركة طبيعية في البداية وبيختفي تقريبا بعد 4 شهور, ولفي الطفل كويس اثناء النوم, لان اللف هيوفرله الدعم الكافي اللي هيساعد على منع هز او رعشة الذراعين.

8- فرك العين:

فرك العين عادة بتكون معناها ان الطفل مرهق ومحتاج للنوم, وفي بعض الاحيان الطفل بيحاول يلفت انتباهك انك تلاعبيه Peek-a-boo وبيحاول يخبي عينه عشان تخضيه, والابحاث اظهرت ان الاطفال بيبدأوا يلعبوا اللعبة دي من نفسهم من سن 8 شهور تقريبا.

ازاي تتجاوبي معاه:

لو هو مرهق وعايز ينام يبقى في الحالة نيميه ووفري لهالجو المناسب للنوم, ولو عملها بغرض اللعب اتجاوبي معاه ولاعبيه.

9- لف او تحويل الراس:

غالبا الاطفال بيلفوا راسهم عن الحاجة اللي هما حسوامنها بملل او فقدوا الاهتمام بيها, ولو لف راسه بقوة ناحية جنب واحد وهو فاتح الفمده معناه انه جعان ولما يلف راسه الناحية التانية بعيد عن صدر الام ده معناه انهاكتفى ومش عايز تاني, لو حرك راسه يمين وشمال كتير وحسيتي ان في احمرار مثلا فيبشرته وانه مش مرتاح غالبا هيكون في الحالة دي متوتر بسبب حرارة الجو ومسبباله عرقاو لابس هدوم ثقيلة اوي او خامات مش مريحة لجلده, او ان البامبرز مبلول بقاله فترةطويلة .

ازاي تتجاوبي معاه:

طبعا هتتعاملي معاه على حسب الحالة اللي بيعاني منهايعني في حالة لف الراس في اتجاه تانيوحسيتي انه فقد اهتمامه, يبقى جربي طريقة لعب جديدة معاه عشان تشدي انتباهه تاني,ولو لف راسه مع فتح الفم يبقى محتاج يرضع, ولو حرك الراس يمين وشمال اكتر من مرهعالجي سبب المشكلة سواء تغيير البامبرز او حرارة الجو او تغيري له الهدوم الليمضايقاه او تخففيها.

10- التحديق او التركيز:

ممكن تلاقي البيبي مركز اوي مع اي حاجة حوالية او بيبصللحيطة او للسقف, ده لان هو بيحاول يستكشف المحيط اللي حواليه واي حاجة بيشوفهابتبهره وبيحاول يكتشفها, وبياخدوا وقت عشان يفهموا الحاجات اللي حواليهم لان مخهمبيكون في مرحلة التطور.

11- مص الصوابع:

لو الطفل حط صوباعه او قبضة الايد كلها في الفم, وبدأ انه يمصها, او قفل الكف بقوة زي ما قولنا فوق ده معناه انه جعان, ولو الطفل عمل الحركة دي بعد الرضاعة على طول وهو شبعان يبقى ده معناه على التوتر او ان مخه بيحاول انه يستوعب الاصوات والحاجات الجديدة اللي حوالية, كمان الحركة دي بتساعد الاطفال على الاسترخاء.

ازاي تتجاوبي معاه:

في البداية اتأكدي انه مش جعان او ده ميعاد الرضاعة بتاعته, ولو شبعان ممكن تغني له وتطبطبي عليه وتحاولي تحطيه في سريره ينام.

12- التثاؤب:

التثاؤب تقريبا من اكتر الحركات اللي الامهات ممكنتفسرها غلط, ويفكروا ان البيبي محتاج ينام, لكن في الحقيقة التثاؤب في الشهورالاولى ده بيساعد الطفل انه يبقى مصحصح اكتر وبيزود من تركيزه في كل حاجة حواليه.

13- فرد الذراعين:

الحركة دي معناها ان الطفل في حالة مزاجية كويسة, وممكن كمانتكون معناها انك اكتسب مهارة الجلوس وبيحاول انه يوازن نفسه عشان يقعد بشكلمستقيم.

ازاي تتجاوبي معاه:

لو هو حالتة المزاجية كويسة ممكن تاخديه وتتمشي بيه فياي مكان, ولو بيحاول انه يقعد ممكن تدعميه وتحطي حوالية مخدات ناعمة عشان حتى لوفقد توازنة ووقع ميأذيش نفسه.