استايل هدوم انثى برج السرطان

أنجي سليمان
أنجي سليمان
3006

مسالمة وهادية بتخبي نفسها جوا قوقعتها الخاصة زي سرطان البحر بالظبط حقيقتها الرقيقة محفوظة جوة قشرة من الغموض والهدوء، انثى السرطان بتحمي مشاعرها واحاسيسها بأنها تخفيهم وتخبيهم جواها وده بيخلي اي حد بيتعامل معاها معاملة عابرة او مش من اصحابها او قرايبها مش فاهم هي بتفكر في ايه ولا يمكن يقدر يتوقع حقيقة شخصيتها، انثى السرطان بتصدق احساسها وحدسها اوي وبتعرف تقرأ مشاعر الشخص اللي قدامها كويس اوي ودي صفة على اد ما بتساعدها على اد ما ممكن تسببلها الوجع وده برضه من اسباب انها بتداري مشاعرها جوة قوقعتها الخاصة، كل الصفات دي بتنعكس على استايل هدوم انثى برج السرطان

 استايل انثوى كلاسيكي

انثى السرطان على اد ما هي ماتحبش تكون محط الانظار لكنها بتعرف ازاي تخلقمظهر رائع ومفعم بالانوثة والرقة، وزي ما طبيعتها المحافظة بتخلي استايلها فيالخروج متحفظ وكلاسيكي لكنها في الحقيقة بتهتم بقطع الملابس الراقية جدا وخاصةملابس البيت اللي بتهتم باناقتها وشياكتها جدا

استايل هدوم انثى برج السرطان 1
استايل هدوم انثى برج السرطان 1

مزاجها بيتحكم في هدومها

من المعروف ان انثى برج السرطان من الشخصيات المودية جدا اللي بتتصرف وتحكمعلى كل حاجة من خلال المود اللي بتمر بيه وده ابلظبط اللي بتعمله مع لبسها فهيممكن تلبس في يوم هدوم مبهجة وحيوية وتانتي يوم تلبس هدوم عكس كده خالص.

الخامات الناعمة

هدوم انثى برج السرطان بتتميز بالخامات الناعمة الرقيقة وغالبا بتميللاختيار الاقطان وبتحب التشجيرات البسيطة زي مثلا الهدوم المصنوعة من الدانتيل والهدوماللي فيها تفاصيل مطرزة بشكل رقيق، وده كمان بينطبق على الاكسسوارات اللي دايمابتختارها تكون متناسقة ومعمولة من خامات مميزة وغير معتادة، والاوانها المفضلةالابيض والفضي واللؤلؤي والباستيلات الفاتحة

استايل هدوم انثى برج السرطان 2
استايل هدوم انثى برج السرطان 2

انثى السرطان والسهرات

على الرغم من ان انثى السرطان بتحب الراحة وقضاء الليل وهي لابسة اكتربيجامة بتحبها وترتاح فيها الا انها برضه تحب السهرات والخروجات من وقت للتاني،ولما ده بيحصل بتعرف ازاي تلبس اللي ترتاح وتحس بشخصيتها فيه وساعة ما بتختار هدومللسهرات مش بتدور على الترند او ما بتدور على القطع الكلاسيكية الراقية

استايل هدوم انثى برج السرطان 3
استايل هدوم انثى برج السرطان 3

لها ترينداتها الخاصة

انثى السرطان تحب تابع كل الجديد في الموضة بس عمرها ما بتطبق الموضةبحذافيرها دايما تحور في التريند وتحط طابعها ولمستها الخاصة عليه وتحوله انه يكوناقرب للذوق الكلاسيكي اللي هي واخدة عليه، واكتر لمسة خاصة بتضيفها انثى السرطانللبسها هي الاكسسوار اللي بتهتم بيه بشكل خاص جدا

الاكسسوار من اساس استايلها

انثى السرطان بتهتم جدا بالاكسسوارات وعندها حاجتين اساسيتين في كل لبسهاوهما الساعة والشنطة، وعندها موديلات كتير من الساعات والشنط بتحب تنوعهم معالاطقم والاستايلات الخاصة بيها، ورغم ان اكسسواراتها مش بتبقى ملفتة او كبيرة يعنيممكنن تختار حلق رقيق او انسيال بسيط وشيك وده عشان بالنسبة لها الاكسسوار بيديلمسة الاناقة لهدومها وغالبا بتختار اكسسوارات من الفضة او اللؤلؤ

استايل هدوم انثى برج السرطان 4
استايل هدوم انثى برج السرطان 4

اكيد الاذواق بتختلف من ةشخص لأخر وبيفرق شكل الجسم وطريقة التفكير وحاجات كتير بتتحكم في شكل واختيارات اللبس لكن بشكل عام دي كانت الصفات المشتركة اللي بتشكل استايل هدوم انثى برج السرطان، وممكن تشوفي المضوعات دي لو عايزة تعرفي كل حاجة عن برج السرطان

مقالات متعلقه

ازاي تكسبي قلب رجل برج السرطان؟

ازاي تكسبي قلب رجل برج السرطان؟

استايل هدوم رجل برج السرطان

استايل هدوم رجل برج السرطان

إزاي تكسب قلب انثى برج السرطان؟

إزاي تكسب قلب انثى برج السرطان؟