فوايد واستخدامات الخميرة المذهلة للبشرة..ووصفات طبيعية لكل انواع البشرة

بقلمريهام محمود فيبشرة visibility1907

الخميرة من المكونات اللي ليها فوايد كتير جدا للبشرة لانها غنية بالفيتامينات والمعادن المهمة لخلايا الجلد, والنهاردة من خلال موضوعنا هنتعرف على فوايدها واستخدامتها, و وصفات طبيعية بالخميرة للبشرة.

تعالوا نتعرف الاول على فوايد الخميرة للبشرة:

1- فيتامين B اللي موجود في الخميرة بيساعد على تجديد البشرة, وزيادة الدورة الدموية في خلايا الجلد.

2- الخميرة بتحتوي على مضادات الاكسدة والاحماض الامينية اللي بتساعد على استعادة شباب ونضارة البشرة.

3- تعتبر كولاجين طبيعي للبشرة, بتعالج التجاعيد وبتخلي البشرة تستعيد مرونتها وشبابها.

4- بتحتوي على فيتامين PP, N, E المهمين جدا لتغذية البشرة.

5- بتحتوي على معادن بتغذي الجلد, وبتحافظ على مرونته, وبتحمي الجلد وبتخليه يقاوم على التأثيرات والعوامل الخارجية اللي ممكن تأثر عليه بشكل سلبي.

6- بتعالج تقريبا معظم مشاكل الجلد, وبتخلي البشرة مخملية وخالية من اي عيوب.

7- بتساعد على علاج حب الشباب, والالتهابات, والرؤوس السودا, وبالتالي تعتبر مناسبة جدا للبشرة الدهنية.

8- بتساعد على تصغير حجم المسام الواسعة.

9- تعتبر مرطب طبيعي للجلد, وبالتالي هي مثالية جدا للبشرة الجافة.

10- بتساعد على التخلص من شحوب البشرة واحمرار الجلد.

11- بتساعد على تفتيح البشرة.

وصفات طبيعية بالخميرة للبشرة
وصفات طبيعية بالخميرة للبشرة

وصفات طبيعية بالخميرة للبشرة:

كل الوصفات اللي هنقولها استخدميها من 1 – 2 مرة في الاسبوع, وطريقة استخدامها تسيبي الماسك لحد ما ينشف خالص على البشرة وبعدين اغسليه بالمية الدافية.

وصفات بالخميرة للبشرة الدهنية:

ماسك الخميرة والزبادي:

اخلطي 1 معلقة كبيرة خميرة مع 1 معلقة كبيرة زبادي تكون دافية يعني مطلعاها من التلاجة بقالك فترة, قلبي المكونات مع بعض كويس, وحطيها على البشرة وزي ما قولنا لما تنشف اغسليها بمية دافية, الماسك بيعالج مشاكل البشرة الدهنية بشكل عام وبيحسن البشرة.

ماسك الخميرة والدقيق:

في طبق حطي معلقة كبيرة خميرة ودوبيها في شوية مية, وبعدين ضيفي لها دقيق بالتدريج لحد ما الخليط يبقى قوامه سميك شوية او كريمي ويتفرد على البشرة بسهولة, بعدين غطي الطبق او لفيه بفوطة دافية وسيبيه يتخمر لمدة 3 ساعات وبعدين استخدميه على البشرة.

ماسك الخميرة والليمون:

في طبق صغير حطي معلقة كبيرة من الخميرة وخففيها بشوية مية لحد ما يبقى الخليط كريمي, وضيفي لها معلقة صغيرة من عصير الليمون, وبياض بيضة, الماسك ده بيعالج تقريبا معظم مشاكل الجلد.

وصفات طبيعية بالخميرة للبشرة
وصفات طبيعية بالخميرة للبشرة

وصفات بالخميرة للبشرة الجافة:

ماسك الخميرة والزيت:

اخلطي معلقة كبيرة من الخميرة مع 3 معالق كبيرة من اي نوع زيت نباتي, ممكن تستخدمي زيت الزيتون.

ماسك الخميرة للرؤوس السودا:

اخلطي معلقة كبيرة من الخميرة مع شوية لبن دافي لحد ما الخليط يبقى كريمي, وضيفي له صفار بيضة, ومعلقة صغيرة عسل, و 2 معلقة صغيرة زيت زيتون, الماسك ده بيساعد على التخلص من الرؤوس السودا وانواع التهابات الجلد المختلفة بشكل سريع.

وصفات طبيعية بالخميرة للبشرة
وصفات طبيعية بالخميرة للبشرة

وصفات بالخميرة لتنضيف البشرة:

– اخلطي معلقة كبيرة من الخميرة مع شوية لبن دافي, وبيضة, ومعلقة كبيرة زيت زيتون, ومعلقة صغيرة عسل, ومعلقة كبيرة دقيق, الماسك ده يعتبر زي السكراب منظف للبشرة.

– اخلطي 2 معلقة كبيرة خميرة مع شوية لبن دافي, لحد ما الماسك يبقى كريمي وتقدري تفرديه على البشرة.

– في طبق صغير حطي معلقة كبيرة من الخميرة وخففيها باي نوع عصير فواكه “تفاح, مشمش, عنب, بطيخ” او عصير خضروات “جزر, خيار, قرع, طماطم” وحطي الطبق اللي فيه الخليط في طبق تاني فيه مية دافية, وسيبيه لحد ما يتخمر وبعدين حطيه على بشرتك, الماسك ده مفيد جدا في علاج حب الشباب.

وصفات طبيعية بالخميرة للبشرة
وصفات طبيعية بالخميرة للبشرة

وصفات بالخميرة لتفتيح البشرة:

– في طبق حطي 2 معلقة صغيرة من الخميرة وخففيها بعصير الخيار لحد ما الخليط يبقى سميك شوية, وافرديه على البشرة, الماسك ده بيساعد على تفتيح البشرة وعلاج التصبغات القوية في البشرة.

– في طبق حطي 2 معلقة صغيرة خميرة وخففيها بمية اكسجين بنسبة 3%, وبعدين افردي الماسك على البشرة.

– في طبق حطي 1 معلقة كبيرة خميرة وخففيها بعصير الليمون, وهاتي طبق تاني اكبر حطي فيه مية دافية وحطي جواه الطبق اللي فيه خليط الخميرة والليمون وسيبيه من 2 – 3 دقايق, بعدها افردي الماسك على البشرة وسيبيه لحد ما ينشف وبعدها اغسليه بمية دافية.

وصفات طبيعية بالخميرة للبشرة
وصفات طبيعية بالخميرة للبشرة

ماسك الخميرة لعلاج حب الشباب والرؤوس السودا:

في طبق حطي معلقة كبيرة من الخميرة وخففيها بمية دافية لحد ما الخليط يبقى سميك, افرديه على البشرة ولما ينشف اغسليه بمية دافية وبعديها بمية باردة.

وصفات طبيعية بالخميرة للبشرة
وصفات طبيعية بالخميرة للبشرة

وصفة كولاجين طبيعي للبشرة بالخميرة:

اخلطي 1 معلقة صغيرة خميرة, مع 3 معالق كبيرة عصير جزر, و 2 معلقة صغيرة شوفان مطحون, و معلقة صغيرة عسل “اختياري”, قلبي المكونات كلها مع بعض كويس, وافردي الخليط على البشرة وسيبيه لحد ما ينشف حوالي 30 دقيقة تقريبا, وبعدين اغسليه بمية دافية وافركي الماسك في حركات دائرية اثناء شطف البشرة.

وصفات طبيعية بالخميرة للبشرة
وصفات طبيعية بالخميرة للبشرة

كريم طبيعي من مكونين اتنين بس هيغير بشرتك ويحسنها بشكل سريع وفعال

كريم طبيعي لتحسين البشرة
كريم طبيعي لتحسين البشرة