10 اماكن بيحذروا منهم العلماء انك تحتفظي بالموبايل فيهم

بقلمريهام محمود فيصحة visibility4318

هل عارفين اننا تقريبا بنلمس الموبايل بمعدل 2617 مرة في اليوم الواحد في المتوسط, والرقم ده يعتبر للمستخدم العادي, لكن اللي بيستخدموا كتير او بشكل مكثف بيكون اكتر من كده بكتير جدا, اكيد الموبايلات بقت جزء من حياتنا ومنقدرش نستغنى عنها, لكن استخدام الموبايل بيكون آمن لما تستخدميه لحد معين او بحدود, وممكن حطه في اماكن تعتبر أمان واماكن تانية لا, عشان كده النهاردة من خلال موضوعنا هنقولكم على أسوأ اماكن لحفظ الموبايل فيها بتأكيد كلام العلماء والمتخصصين.

أسوأ اماكن لحفظ الموبايل:

1- الجيب اللي ورا:

حفظ التليفون في الجيب اللي ورا من البنطلون تقريبا ده المكان المفضل عند معظم الرجالة, لكن في الواقع هو ابعد ما يكون عن انه يكون مكان مثالي للموبايل, حفظه في المكان ده ممكن يسبب مشاكل كتير منها, انه ممكن يتصل برقم طاريء من غير قصد, ممكن يتكسر او يقع من غير ما صاحبه يحس, بالاضافة لده كله والمشكلة الاكبر ان حفظ التليفون في الجيب اللي ورا ممكن يسبب آلام في المعدة والساق.

أسوأ اماكن لحفظ الموبايل
أسوأ اماكن لحفظ الموبايل

2- الجيب اللي قدام:

زي بالظبط انه غلط الاحتفاظ بالموبايل في الجيب اللي ورا كمان غلط الاحتفاظ بيه في الجيب اللي قدام, واثبتت كتير من الدراسات اكتر من مرة ان الرجالة اللي بيحتفظوا بالموبايل في الجيب اللي قدام انهم ممكن يعانوا من ضعف في جودة وكمية السائل المنوي, وده بيحصل بسبب الاشعاع الكهرومغناطيسي اللي بيخرج من الموبايل.

أسوأ اماكن لحفظ الموبايل
أسوأ اماكن لحفظ الموبايل

3- في البرا او حمالة الصدر:

في بعض البنات ممكن يحتفطوا بيه في البرا وخصوصا لو التليفون حجمه مش كبير عشان ميتعرضتش لسرقة او يتكسر منهم خصوصا لو مسافرة او بتتحركي كتير, لكن العلماء بينهوا عن ده لان الاشعاع اللي خارج من الموبايل ممكن انه يزود خطر الاصابة بسرطان الثدي.

أسوأ اماكن لحفظ الموبايل
أسوأ اماكن لحفظ الموبايل

4- الشنط الصغيرة الكروس اللي بتتعلق عند منطقة الفخدين:

 مكان تاني يعتبر من الاماكن السيئة او الغلط لحفظ التليفون حفظه في شنطة من الشنط الكروس اللي بتكون واصلة لمنطقة الفخدين او الوركين, لان الابحاث اظهرت ان الاشخاص اللي بيحتفظوا بالموبايل قريب من منطقة الفخدين ممكن يعانوا من ضعف العضم في المنطقة دي اكتر من غيرهم, عشان كده بينصحوا لو عايزة تحتفظي بالموبايل في شنطة كروس طويلة واصلة للمنطقة دي الافضل تكون الشنط سميكة مش من خامة خفيفة.

أسوأ اماكن لحفظ الموبايل
أسوأ اماكن لحفظ الموبايل

5- يكون قريب من بشرتك اوي:

الطبيعي تقريبا عند معظم الناس ان لما بيجي اتصال بتردي على طول وبتحي الموبايل على البشرة بشكل مباشر, لكن لازم تبطلي العادة دي فورا لان الموبايل على البشرة على طول ممكن يأدي لنقل البكتيريا من شاشة الموبايل للبشرة, وده ممكن يأدي لمشاكل جلدية بالاضافة لمشاكل صحية تانية, عشان كده بننصحك المرة الجايه لما تيجي تردي على الموبايل خليه بعيد عن بشرتك بمسافة 2 سنتيمتر تقريبا.

أسوأ اماكن لحفظ الموبايل
أسوأ اماكن لحفظ الموبايل

6- شحنه طول الليل:

معظمنا تقريبا بنستخدم الموبايل طول اليوم وبنستهلك كل طاقته وبنيجي بالليل بنحط على الشاحن عشان يبقى جاهز للاستخدام تاني يوم, لكن ده مش صح لان لو سيبتي التليفون على الشاحن طول الليل ده ممكن يضر بالتليفون نفسه, وبيقلل من عمر البطارية وكفاءتها.

أسوأ اماكن لحفظ الموبايل
أسوأ اماكن لحفظ الموبايل

7- حفظه في مكان بارد اوي:

اي تليفون اتصمم على انه يتحمل حد معين من درجات الحرارة, وممكن حفظه في درجات حرارة مش مناسبة تأدي لمشاكل, يعني مثلا لو سيبتي التليفون بره في مكان بارد اوي لفترة قصيرة وبعدين رجعتيه تاني لبيئة او مكان دافي اكتر ده ممكن يسبب خلل في التليفون من جوه.

أسوأ اماكن لحفظ الموبايل
أسوأ اماكن لحفظ الموبايل

8- حفظه في مكان سخن اوي:

زي ما قولنا في النقطة اللي فوق مينفعش تحتفظي بالموبايل في درجات حرارة تفوق قدرة تحمله, عشان كده الحرارة الشديدة كمان ممكن تضر التليفون, لانها ممكن تضر البطارية بشكل خطير جدا, عشان كده بننصحك تحفظيه بعيد عن الاجسام السخنة واشعة الشمس المباشرة على قدر ما تقدري.

أسوأ اماكن لحفظ الموبايل
أسوأ اماكن لحفظ الموبايل

9- في عربية الطفل:

كتير من الامهات عندهم العادة دي بيسيبوا التليفون في عربية الطفل, لكن العلماء والباحثين بيحذروا من ده, لانه تم ربط ما بين استخدام الموبايل اثناء الحمل وبعد الولادة بكتير من المشاكل السلوكية للاطفال, بالاضافة لمشاكل تانية زي اضطراب نقص الانتباه وفرط النشاط.

أسوأ اماكن لحفظ الموبايل
أسوأ اماكن لحفظ الموبايل

10- تحت المخدة:

حفظ الموبايل في المكان ده بيتسبب في مشاكل كتير, اولا ممكن يسبب مشاكل في النوم لان الضوء اللي بيخرج من التليفون في كل مره بيجيلك تنبيه ممكن يأثر على هرمون النوم, بالاضافة لده الاشعاعات الكهرومغناطيسية اللي خارجة منه ممكن تسبب الصداع والدوخة, بالاضافة كمان ان شائع جدا حالات انفجار التليفون اللي بيكون تحت المخدة.

أسوأ اماكن لحفظ الموبايل
أسوأ اماكن لحفظ الموبايل

طيب دلوقتي يعتبر ايه افضل مكان لحفظ الموبايل؟ لو مسافرة او في نزولك اليومي انسب مكان تمسكيه في ايدك او تحطيه في شنطة سمكية هتكون من الاماكن الآمنة ليكي, ولو نايمة حطيه على الترابيزة او الكومودينو اللي جنب سريرك هيكون هو المكان المناسب ليه.

5 عادات بيعملها الاشخاص اكتشف الباحثين انها ممكن تضر بصحتهم العقلية

عادات بتضر الصحة العقلية