12 outfits موضة لموسم الشتا

ريهام محمود
ريهام محمود
988

الشتا بيكون فيه تنوع كتير في القطع بتاعته وكمان معظمنا تقريبا بيفضل لبس الشتا ما بين البوت بستايلاته المختلفة, والسكارفات, والبلوفرات الصوف, وحتى القبعات, وهنلاقي اننا نقدر ننسق قطع كتير مع بعض من دولابنا وننوع في اللوك بتاعنا طول موسم الشتا, والنهاردة من خلال موضوعنا هنشوف مع بعض اكتر 12 outfits موضة للشتا.

12 outfitsموضة للشتا:

1- جيبة بزراير من قدام:

الجيبات اللي بستايل الزراير من قدام تريندي جدا لموسمالشتا ده, تقدري تنسقي معاها بلوفر turtleneckاو رقبة السلحفة, مع بوت طويل.

outfits موضة للشتا 1
outfits موضة للشتا 1

2- البالطو الطويل:

كمان البالطو الطويل من القطع الموضة والمناسبة جدا لموسمالشتا, تقدري تنسقيه مع جينز وانكل بوت ببوز مدبب عشان تجمعي في اللوك بتاعك مابين الستايل الكلاسيك الانيق والستايل العصري, والميزة في البالطو الطويل انه ممكنيمشي على كل حاجة في دولابك, وهتلاقيه منه كل الالوان اللي تختاري منهم الليتفضليه.

outfits موضة للشتا 2
outfits موضة للشتا 2

3- السالوبيت Overalls:

السالوبيت من القطع كمان اللي تقدري تلبسيها لموسم الشتاده, وتنسقي تحته بلوفر turtleneck مع سنيكرز او حذاء رياضي عشان تكملي اللوكبتاعك.

outfits موضة للشتا 3
outfits موضة للشتا 3

4- الكارديجان الكلاسيكي:

الكارديجان من القطع اللي تقريبا بقت موجودة في دولاب كلبنت, لانه ممكن تنسقيه على كل حاجة عندك, سواء على فستان صيفي وعايزة تلبسيه فيالشتا تقدري تلبسي فوقيه كارديجان صوف, او فوق جينز وتيشيرت, وتكملي اللوك بالشوزوالشنطة المناسبة.

outfits موضة للشتا 4
outfits موضة للشتا 4

5- الجيبة المطرزة:

لو بتدوري على قطعة تقدري تلبسيها في مناسبة خاصة اوحفلة الجيبة المطرزة هتكون هي الاختيار المناسب ليكي, جربي تنسقي معاها شيميز بكمطويل مع سكارف طويل وانكل بوت.

outfits موضة للشتا 5
outfits موضة للشتا 5

6- ال turtleneck باللون الاسود:

البلوفر ال turtleneckاو رقبة السلحفة يعتبر من القطع الاساسية فيكل دولاب في فصل الشتا, وبيطلع جميل جدا مع الجينز الازرق.

outfits موضة للشتا 6

7- السويتر المقلم:

سواء كان باكتر من لون او بطباعة كلاسيكية باللونينالابيض والاسود بس, السويتر المقلم هو اللي انتي محتاجاه عشان يدفيكي خلال بردالشتا, ومش هتكوني محتاجة لاكسسوريز كتير معاه عشان تظهريه, هو لوحده هيكون كافيجدا.

outfits موضة للشتا 7

8- الجيبة الطويلة:

اكيد في الشتا في الايام البرد اوي بنكون محتاجين القطعاللي تدفي اكتر, في الحالة دي الفستان او الجيبة القصيرة مش هتكون الاختيارالمناسب للايام البرد, وهنا هيكون الاختيار الانسب هي الجيبة الطويلة, نسقي عليهاقميص او بلوفر بكم طويل ودخليه جوه الجيبة.

outfits موضة للشتا 8

9- Outfit للشغل:

تقدري تعملي لوك شتوي انيق للشغل بتنسيق جيبة باللونالرمادي مع شيميز كاروه ودخليه جوه الجيبة مع حزام, وبكده تبقي عملتي لوك سهلوسريع للمكتب.

outfits موضة للشتا 9

10- ال statement scarf:

لو في قطعة واحدة هتكون مناسبة للشتا او اساسية فهيكونالسكارف, تقدري تلبسي على كل حاجة عندك في الدولاب, ويعتبر التاتش او اللمسةالنهائية اللي بتكمل اللوك الشتوي وبتظهره, وتقدري تختاري السكارف الكبير لو عايزةتدفئة اكتر.

outfits موضة للشتا 10

11- الليجينج:

الليجينج من القطع اللي بقالها فترة موضة لموسم الشتا,وتقدري تنسقيه مع بالطو طويل وانكل بوت عشان تكملي اللوك, هيكون مناسب جدالخروجاتك اليومية.

outfits موضة للشتا 11

 12- الشيرلينج جاكيت:

الشتا هو موسم الجاكيت بكل انواعه وستايلاته, وستايل الجاكيت الشيرلينج هو من القطع اللي هتكوني محتاجاها في دولابك عشان تعملي لوك شتوي انيق.

outfits موضة للشتا 12

اكتر ستايلات جاكيت تريندي لموسم الشتا

ستايلات جاكيت تريندي
ستايلات جاكيت تريندي
ستايلات جاكيت تريندي

مقالات متعلقه

موضة الفستان المضلع لموسم الشتا

موضة الفستان المضلع لموسم الشتا

افضل تنسيقات الوان لدولابك في الشتا

افضل تنسيقات الوان لدولابك في الشتا

القطع التريندي للموسم ده والقطع اللي خرجت من الموسم

القطع التريندي للموسم ده والقطع اللي خرجت من الموسم