استايل هدوم انثى برج الحمل

بقلمأنجي سليمان فيبرج الحمل visibility665

محاربة، متحمسة، واثقة في نفسها، قائدة بطبعها، قراراتها مستقلة وصريحة، هدومها غالبا مريحة وعملية، ده لأن احساسها دايما انها اكبر من الدنيا اللي هي عايشاها، وعشان كده هي مش بتحب اوي حد يأمرها او يفرض عليها حاجة، كل الصفات دي بتنطبع على استايل
هدوم انثى برج الحمل محدش ينكر ان الاختلافات الشخصية واختلاف الاذواق بين الافراد بتخلي لكل واحد استايل لبس معين لكن برضه في مجموعة من الصفات المشتركة اللي بتلاقيها في دولاب هدوم انثى برج الحمل ممكن نتعرف عليهم من هنا

الوانها المفضلة

الاحمر هو اكتر الالوان المفضلة عند انثى الحمل، سواء كان طقم كامل او قطعة او اكسسوار لازم يكون في لون احمر في دولاب هدوم انثى برج الحمل ده غير طبعا الاسود والابيض الموجودين طول الوقت في دولابها، وسهل اوي انها تلبس بنطلون اسود مع قميص ابيض وحزام رفيع او شوز فلات او ايشارب من الاحمر وتخلي استايل الطقم ده وتنسيقه جذاب وملفت جدا

استايل هدوم انثى برج الحمل
استايل هدوم انثى برج الحمل

جذب الانتباه

انثى الحمل من اهم صفاتها هي حبها لجذب الانتباه، بنحب لما تكون في مكان تكون ملحوظة والناس كلها شايفاها وبتحط ده في اعتبارها جدا وهي بتلبس هدومها يعني مش من النوع اللي بيهرب من الهدوم المختلفة او الجريئة وطبعا مش المقصود هنا ان تكون الهدوم مكشوفة لكن مثلا انثى الحمل عادي انها تلبس اكسسوار بيلمع او تلبس الوان جريئة او استايل جذاب

اكسسوارات الشعر

من المميز جدا في انثى برج الحمل اهتمامها بأي حاجة بتتحط على رأسها ايشارب او ايس كاب او توكة او حلق او تسريحة او لون شعر دايما وهي وهي بتنسق اللبس بتاعها بتدي اهمية للنقطة دي اوي الرأس واكسسواراتها قطعة اساسية في الهدوم بتاعتها وغالبا بتختار قطع مميزة جدا او لوك مختلف وملفت ومش بيهمها نهائي رأي اي حد في الستايل بتاعها المهم تكون هي حباه ومبسوطة بيه

استايل هدوم انثى برج الحمل
استايل هدوم انثى برج الحمل

راحة القدمين اولا

ده شعار انثى برج الحمل اللي بتحاول تتجنب الكعب الرفيع العالي على اد ما تقدر، ومع ذلك اختيارها في الاحذية والصنادل مميز جدا وده عشان هب بتختار موديلات انثوية وجريئة وفي نفس الوقت فلات ومريحة وهي دي تركيبة استايل لبس انثى برج الحمل تقريبا في كل قطع لبسها مريح وملفت وجريء في نفس الوقت

استايل هدوم انثى برج الحمل
استايل هدوم انثى برج الحمل

انثى الحمل والسهرات

استايل انثى الحمل في السهرات كمان مميز ومختلف عشان هي بتطبق نفس الاسلوب الخاص بيها في كل الهدوم بتختار موديل مريح جدا وفي نفس الوقت انثوي وجريء ويلفت انتباه كل الموجودين وده بيبقى عن طريق لون جريء زي الاحمر اللي هي بتعشقه او عن طريق قصة ملفتة لفستانها او لمسة تجذب انتباه كل اللي يشوفها المهم ان كل ده مايجيش على حساب انها تكون مرتاحة في لبسها

لمستها المميزة

انثى الحمل صعب اوي تقبل نصيحة من حد فيما يخص الاستايل بتاعها من الاخر كده مش بتسمع غير صوت نفسها وبتعرف تنسق كويس بين المريح والجذاب بتركيبة خاصة جدا مش من السهل تقليدها وصعب تخرج من البيت من غير ما تحط لمسة خاصة على اطلالتها تحط بيها بصمتها الواضحة في لفت الانتباه سواء كان لون جذاب او توكة او لفة ايشارب او حتى حلق مفت ومميز

استايل هدوم انثى برج الحمل
استايل هدوم انثى برج الحمل

يعني انثى برج الحمل بتعرف تطبع شخصيتها كويس اوي على استايل لبسها بتعرف ازاي تظهر تفاصيل شخصيتها المحبة للفت الانظار مع الجزء المحب للراحة وتضيف عليهم لمساتها الخاصة جدا المميزة لشخصيتها في تركيبة خاصة جدا بتميز استايل هدوم انثى برج الحمل ومن هنا اعرفي كل ما يخص برج الحمل