كريم طبيعي من مكونين اتنين بس هيغير بشرتك ويحسنها بشكل سريع وفعال

ريهام محمود
ريهام محمود
في
بشرة
2963

كلنا عارفين فوايد الفازلين وزيت فيتامين E واستخدامتهم قد ايه في روتين العناية بالبشرة, كل واحدفيهم استخدامه لوحده مفيد جدا للبشرة, لكن هل حاولتي تخلطيهم مع بعض قبل كده؟النهاردة من خلال السطور الجاية هنشارك معاكم طريقة عمل كريم طبيعي لتحسين البشرةبشكل سريع وفعال جدا باستخدام الفازلين وزيت فيتامين E مع بعض.

كريم طبيعي لتحسين البشرة:

المكونات:

2 معلقة صغيرة فازلين.

4 كبسولات من زيت فيتامين E.

طريقة التحضير:

– في بولة او طبق صغير اخلطي الفازلين وزيت فيتامين E وقلبيهم كويس مع بعض, وكده يبقى الكريم جاهز عندك.

– تقدري تحتفظي بيه في اي علبة بلاستيك صغيرة في التلاجة, ممكن يقعد معاكي لحد شهر.

كريم طبيعي لتحسين البشرة 1
كريم طبيعي لتحسين البشرة 1

تعالوا نعرف الاستخدامات والفوايد المذهلة للكريم ده:

1- فعال جدا في علاج الهالات السودا حوالين العين, وانتفاخات العين, كل اللي هتعمليه ادهني الكريم كل يوم قبل النوم, وسيبيه لحد الصبح.

2- ممكن كمان تستخدمي الكريم ده لعلاج التجاعيد, ادهنيه على بشرتك كلها او على اماكن التجاعيد كل يوم قبل النوم وسيبيه طول الليل لحد الصبح, الفازلين هيساعد على ترطيب الجلد وهتلاقي التجاعيد بدأت تختفي تماما بعد فترة قصيرة من الاستخدام.

3- فعال جدا في علاج البقع الغامقة وتصبغات الجلد وندبات حب الشباب وعيوب البشرة بشكل عام لانه غني بفيتامين E.

4- بيساعد على تفتيح البشرة والجسم بشكل فعال, ولو هتستخدميه للجسم ممكن تستخدمي فازلين بادي لوشن “هتلاقيه متوفر في اي صيدلية” وتخلطي معاه فيتامين E.

5- ممكن كمان تستخدميه كبادي لوشن وتدهنية قبل النوم للايد والرجل والكوعين والركبتين لتنعيمهم والتخلص من الجفاف والخشونة.

6- كمان ممكن تستخدميه لتكثيف الحواجب, ادهني بيه الحواجب كل يوم قبل النوم.

7- ممكن كمان تستخدميه على الشفايف, وانسي جفاف وتشقق الشفايف للابد.

8- لعلاج تشققات الكعبين, ادهنيها بالكريم والبسي شراب, وسيبيه طول الليل.

9- كمان فعال جدا في علاج السترتش ماركس او علامات التمدد, ادهنيه على الاماكن اللي فيها سترتش ماركس كل يوم.

10- ممكن كمان تستخدمي الكريم للشعر لترطيبه والتخلص من الهيشان, او تدهنيه على اطراف الشعر لعلاج انقسامها وتقصفها.

11- فعال جدا لترطيب الجلد اللي حوالين الضوافر.

12- ممكن كمان تستخدميه كهايلايتر بعد المكياج فوق عضمة الخدين, عشان تدي اضاءة للوش.

كريم طبيعي لتحسين البشرة 2
كريم طبيعي لتحسين البشرة 2

ازاي تستخدمي زيت جوز الهند في تفتيح البشرة بشكل سريع وفعال

تفتيح البشرة بزيت جوز الهند
تفتيح البشرة بزيت جوز الهند
تفتيح البشرة بزيت جوز الهند

مقالات متعلقه

3 نقط من السيروم ده هتخليكي ماتحتاجيش للمكياج

3 نقط من السيروم ده هتخليكي ماتحتاجيش للمكياج

8 علاجات منزلية للتخلص من تشقق الكعبين والحصول على اقدام ناعمة

8 علاجات منزلية للتخلص من تشقق الكعبين والحصول على اقدام ناعمة

مشروب قوي لبشرة صافية وصحية ونضرة

مشروب قوي لبشرة صافية وصحية ونضرة