ازاي تبقي متفائلة: اعرفي 7 تمارين للتفكير الايجابي

بقلمريهام محمود فيمنوعات visibility556

بالرغم من التطور التكنولوجي اللي بقينا الا ان ده خلى التوتر وضغوطات الحياة زادت اكتر, بقى في ضغط اكبر في الشغل, مبقاش فيه وقت للراحة والاسترخاء, دايما في ضغط عشان نشتغل اكتر ونحقق اكتر ونكسب اكتر, وكل حاجة بقت ماشية بسرعة حوالينا واولويات الناس اتغيرت والعالم كله اتغير, وفي وسط كل ده ممكن نوصل لمرحلة احباط وتشاؤم لاننا مش قادرين نجاري كل اللي بيحصل حوالينا وممكن يوصل كمان للاكتئاب وغيرها من مشاكل الصحة العقلية, عشان كده النهاردة من خلال مقالنا هنقولك 7 تمارين للتفكير الايجابي وازاي تبقي دايما متفائلة.

تمارين للتفكير الايجابي:

اكيد مافيش طريقة سحرية هتغير الامور في نفس اللحظة ياللا نكون بنضحك على نفسنا, لكن في طرق ممكن تعمليها تقدري تغيري بيها نظرتك للحاجات اللي حواليكي مع الوقت وتخليكي تبصي للجانب الايجابي والاكتر تفاؤل, ودي اللي هنعرفها دلوقتي مع بعض.

1- اكدي على الايجابية كل يوم:

التأكيدات الايجابية هي مش اكتر من تعبيرات او جمل ايجابية تقوليه لنفسك وتكرريها كذا مره كل يوم, لحد ما تبدأي انك تؤمني بيها من كتر التكرار, يعني مثلا لو انتي خجولة ومتحفظة اوي في تعاملك مع اللي حواليكي وعايزة تغيري ده افضلي قولي لنفسك بشكل مستمر “انا ذكية, انا واثقة من نفسي” وافضلي كرريها بينك وبين نفسك كتير بعد التكرار مع الوقت هتلاقي نفسك بدأتي تؤمني ان الصفات دي فيكي فعلا, وهتحسي بالتغيير في شخصيتك.

2- اعملي “تعويذة” خاصة بيكي:

التعويذة هو التكرار اكتر من مرة يعني افضلي كرري اللي انتي عايزة تعمليه او تحققيه, شبه بالظبط التأكيدات الايجابية اللي احنا قولناها في النقطة اللي فوق, ده هيساعدك على تحقيق كل اللي انتي عايزاه في حياتك مع الوقت.

تمارين للتفكير الايجابي
تمارين للتفكير الايجابي

3- خليكي مؤمنة بنفسك:

اكتر حاجة مهمة عشان توصلي لكل اللي انتي عايزاه انك تكوني مؤمنة بنفسك انك فعلا تقدري تعملي ده, واكيد بتسمعي راي كل اللي حواليكي فيكي وممكن تكون فيهم اراء سلبية تحبطك, سدي ودانك عن كل الحاجات السلبية اللي ممكن تكوني بتسمعيها من اللي حواليكي وركزي على نقط قوتك, وعاجلا او اجلا هتلاقي نفسك ماشية في الطريق الصح اللي انتي اختارتيه لنفسك.

تمارين للتفكير الايجابي
تمارين للتفكير الايجابي

4- اتكلمي مع نفسك في المرايا:

اكيد لو حد قالك اتكلمي مع نفسك في المرايا ممكن تلاقي الموضوع غريب او تقولي هو انا مجنونة عشان اكلم نفسي في المرايا, لكن في الحقيقة ان الطريقة دي بتساعد فعلا, والتجربة هتكون اكبر دليل ليكي, اصحي كل يوم الصبح بصي لنفسك في المرايا وقولي لنفسك انك حلوة, وهتتفاجئي جدا من التأثير الايجابي على حياتك من الطريقة  البسيطة دي, هتحسي بالفرق فعلا على حياتك وهتبقي اكتر سعادة وايجابية.

تمارين للتفكير الايجابي
تمارين للتفكير الايجابي

5- سيبي الماضي مكانه:

الماضي لازم يفضل في الماضي لانه خلاص فات ومش هتقدري تتحكمي فيه او تغيريه, لكن اللي تقدري تتحكمي فيه وتغيريه هو الحاضر, عشان كده لازم تركزي طاقتك كلها على الحاضر بتاعك اللي في ايدك انك تغيريه.

تمارين للتفكير الايجابي
تمارين للتفكير الايجابي

6- قولي “شكرا” كتير:

خليكي دايما شاكرة لكل حاجة حواليكي ده اكيد هيخلي حياتك افضل, وقوليها حتى لو كنتي مش حاسه بيها, خليكي شاكرة حتى للحاجات والتفاصيل الصغيرة اللي بتعدي في يومك مهما كانت بسيطة حتى لو كان مجرد مشهد او منظر حلو شوفتيه وعجبك, وحاولي تكتبي الحاجات الحلوة او الايجابية في يومك وتقريها في الايام السيئة بشكل خاص, وهتعرفي معنى ده وقتها.

تمارين للتفكير الايجابي
تمارين للتفكير الايجابي

7- فكري واتكلمي بايجابية:

ممكن تشوفي اني دي اسهل حاجة ممكن تعمليها, لكن احنا بنقولك ان كله بيتوقف على الممارسة, انك دايما تفكري وتتكلمي بايجابية ودايما تبصي ” لنص الكوباية المليان” في كل حاجة حتى لو كانت سيئة بدل ما تركزي على الجانب السلبي فيها حاولي تركزي على الجانب الايجابي منها, يعني مثلا لو بتنسي دايما متلوميش نفسك وتقولي ” انا مهملة او نساية” حاولي تقولي ” انا مش نساية” وزي ما قولنا فوق كرريها كل يوم بينك وبين نفسك ده هيرسل اشاره للمخ انها حقيقة, ومع الوقت هتلاقي المشكلة بدأت تتحسن.

تمارين للتفكير الايجابي
تمارين للتفكير الايجابي

10 نصايح للبنات اللي عايزين يغيروا حياتهم للافضل

نصايح لتغيير حياتك للافضل