اسباب ثبات الوزن مع الدايت وطرق علاجه
ثبات الوزن مع الدايت من اكتر اللحظات المحبطة اللي بيمر بيها اي حد بيعمل دايت، لأنه بعد نزول الوزن بشكل متتابع بيجي وقت بيقف النزول ده ويدخل الجسم في حالة ثبات للوزن، والحقيقة ان دي ظاهرة متكررة مش نادرة بتحصل مع اغلب الاشخاص اللي بيعملوا دايت، ولو عايزة تعرفي ايه الحل شوفي هنا اسباب ثبات الوزن مع الدايت وطرق علاجه
حساب الكالوريز او السعرات الحرارية
التصرف الطبيعي لأي حد قرر انه يخس ويفقد الوزن هو انه يبتع نمط اكل صحي ويلعب رياضة، بمعنى انه يبعد عن الوجبات السريعة والدسمة ويبدأ يمشي او ينزل جيم لكن بعد النزول السريع الوزن بيثبت عشان كده لازم تبدأي تحسبي السعرات الحرارية الموجودة في كل وجبه من وجباتك وتعرفي جسمك بالنسبة لطولك ووزنك بيستغل كام كالوري والمفروض يكون كام وتقدري تحسبي السعرات الموجودة في كل وجبة من خلال ابليكيشن موبايل اسمها My Fitness Pal
عايزة تخسي اد ايه
من الاسباب برضه ان وزنك يثبت اثناء الدايت هوانك تكوني عايزة تخسي شوية صغيرين اقل من 5 كيلو لأن كل ما قربتي من الوزن المثاليكل ما كان عملية فقدان الوزن اصعب ودي حلها انك تبدأي ترفعي شوية من السعراتالحرارية اللي جسمك محتاجها بمعدل 10% بمعنى ان انتي مثلا جسمك بيحتاج 1200 سعر فيالاسبوع وانتي كنتي بتاخدي حوالي 800 سعر ووزنك كان بينزل وبعدين بقى ثابت، يبقىالحل انك ترفعي عدد السعرات اليومية ل 1000 سعر في اليوم وحتلاقي نتيجة واضحة فيشكل الجسم وبعدين الميزان حيبدأ يتغير
بتلعبي رياضة ازاي
لو كان مافيش مشكلة مع النقطتين اللي فاتوابمعنى ان انتي ملتزمة بجدول سعرات وعايزة تخسي عدد كبير من الكيلوجرامات يبقىالمشكلة في الرياضة، الجسم بيتعود على الرياضة لو بتكرريها على طول يبقى الحل انانتي تنوعي في الرياضة اللي بتلعبيها ماتستمريش على نفس نوع الرياضة اكتر من اسبوعلكل منطقة ومتستمريش على نفس نوع الرياضة اكتر من اسبوع
الضغط العصبي
لو كنتي بتمري بفترة توتر عصبي او مضغوطة اوعندك اضطراب في النوم ومش بتنامي عدد ساعات كافية من النوم يبقى ده واحد منالاسباب الرئيسية في ثبات الوزن وعدم تحركالميزان، حاول تظبطي ساعات نومك وصحيانك وتمارسي اليوجا او اي حاجة تساعدك فيالتخلص من الضغط العصبي واشربي مشروبات مهدئة للاعصاب وده حيساعدك تتخلص من مشكلةثبات الوزن
الدورة الشهرية
من اكتر الفترات اللي الوزن مش بينزل فيهاوساعات كمان بيرتفع شوية هي فترات الدورة الشهرية، عشان كده تجنبي انك تستخدميالميزان في فترة الدورة الشهرية او قبلها وبعدها بيومين لأن السوائل بتحتبس تحتالجلد وبترفع من الوزن
بتشربي ماية اد ايه
كمية الماية اللي بتشربيها في اليوم من العوامل الهامة جدا في فقدان الوزن، لازم تشربي ماية كفاية جدا من 8 الى 12 كوباية ماية وتوزعيها على مدار اليوم بشكل متوازن وممكن كمان تستعيني بالمشروبات المحفزة للحرق واللي بتساعد على كسر ثبات الوزن في امثلة لها هنا في الموضوع ده مشروبات كسر ثبات الوزن
فحص الهرمونات
لو كنتي غطيتي كل النقط اللي فاتت والوزن لسه مستمرفي الثبات يبقى ممكن تلجأي لبعض الفحوصات الطبية وتتأكدي من ان النتائج مظبوطة ومنالفحوصات المهمة في موضوع الوزن ده فحص هرمون الغدة الدرقية، ومقاومة الانسولين،تكيسات المبايض، لو في مشاكل طبية في اي حاجة من دول غالبا بيبقى لها اثر في ثباتالوزن لو كنتي جربتي كل الحلول التانية وماجبتش نتيجة يبقى ممكن تلجأي لطبيب غددصماء وهو حيكتبلك ادوية مناسبة
ودي كانت اهم اسباب ثبات الوزن مع الدايت وطرق علاجه ولو عايزة تغيري من الدايت بتاعك بشكل اسبوعي تقدري تشوفي هنا مجموعة كبيرة من الانظمة الغذائية اللي حتساعدك في ده
