اعراض انخفاض هرمون الاستروجين .. و 8 طرق طبيعية لعلاجه

ريهام محمود
ريهام محمود
في
صحة
8206

احنا اتكلمنا قبل كده عن اعراض ارتفاع هرمون الاستروجين,والنهاردة هنتكلم عن اعراض انخفاض هرمون الاستروجين وطرق طبيعية لعلاجه, وزي ماقولنا ان هرمون الاستروجين هو يعتبر هرمون انثوي, وبيلعب دور مهم جدا في صحةالمرأة, وهو المسؤول عن التطور الجنسي للاناث خلال فترة البلوغ, وبيتحكم في نموبطانة الرحم اثناء الدورة الشهرية والحمل, كمان بيساهم في صحة العضم وتنظيممستويات الكوليسترول, عشان كده يعتبر انخفاض مستوى الاستروجين مشكلة كبيرة وضروريحلها.

اسباب انخفاض هرمون الاستروجين:

الاستروجين بيتم انتاجه في المبيضين, واي حاجة بتأثر علىالمبيضين هتسبب نقص في مستويات الاستروجين.

وفي مجموعة اسباب هي اللي ممكن تأدي لنقص مستويات هرمونالاستروجين وهي:

– ممارسة التمارين بشكل مفرط او زيادة عن اللزوم.

– مرض الكلى المزمن.

– متلازمة تيرنر “وده اضطراب بيحصل لما البنت بتتولد بكروموسوم X واحد بس”.

– انخفاض في اداء الغدة النخامية.

– فقدان الشهية او اضطراب الاكل.

– فشل المبيض المبكر او اي اضطراب في المناعة الذاتية.

– انخفاض تدفق الدم للمبيضين.

– نقص المغنسيوم.

– حبوب منع الحمل ممكن تتسبب في انخفاض مستوى الاستروجين والبروجستيرون.

– قصور الغدة الدرقية.

– التعب الكظري.

ايه هي اعراض انخفاض هرمون الاستروجين؟

البنات اللي لسه موصلوش لسن البلوغ او النساء اللي قربواعلى سن اليأس هما اللي بيكونوا معرضين اكتر لانخفاض مستويات الاستروجين, لكن معذلك ممكن الست في اي سن تتعرض لانخفاض الاستروجين.

ومن اعراض انخفاض الاستروجين:

– احساس بسخونية مفاجئة في الجسم “او اللي بنسميه فوران الجسم”.

– تقلب المزاج.

– الاكتئاب.

– الصداع الكلي او النصفي.

– الاحساس بالتعب والاعياء.

– مشاكل في التركيز.

– عدم انتظام او انقطاع الدورة الشهرية.

– التهابات المسالك البولية.

– احساس بألم اثناء العلاقة الجنسية  “بسبب غياب التشحيم المهبلي”.

– ضعف العضم او الكسور المتكررة “لان الاستروجين بيشترك مع الكالسيوم والمغنسيوم وفيتامين D ونقصه ممكن يكون معناه انخفاض كثافة العضم”.

اعراض انخفاض هرمون الاستروجين 1
اعراض انخفاض هرمون الاستروجين 1

ازاي تزودي مستويات الاستروجين:

1- فحص مستوى الاستروجين:

اول حاجة لازم تعمليها ان تروحي لدكتور متخصص عشان تعرفيمستوى الاستروجين قبل ما تبدأي اي برنامج او نظام او طرق لزيادته في جسمك, وبعداستشارة الدكتور ومعرفة النسبة ممكن تاخدي علاج طبي ما بين الحبوب او جل موضعي اوغيره من العلاجات اللي هيكتبها الدكتور, لكن قبل تجربة العلاجات الطبية فياختيارات تانية ممكن تعمليها هتساعد جسمك على زيادة هرمون الاستروجين, وهي الليهنعرفها دلوقتي مع بعض.

اعراض انخفاض هرمون الاستروجين 2
اعراض انخفاض هرمون الاستروجين 2

2- بطلي تدخين:

لو بتدخني ضروري انك تبطلي العادة دي, لان التدخين ليهتأثير سلبي على نظام الغدد الصماء, وده ممكن يقلل من قدرة الجسم على انتاجالاستروجين.

اعراض انخفاض هرمون الاستروجين 3
اعراض انخفاض هرمون الاستروجين 3

3- تغيير نظامك الغذائي:

نظام الغدد الصماء بيحتاج جسم صحي عشان ينتج مستوياتكفاية من الاستروجين, عشان كده ضروري الاعتماد على الاكل الصحي, وزودي من اكلالاطعمة اللي بتحتوي على الفيتويستروجين زي منتجات الصويا فول الصويا وحليب الصويامعروفة انها بتزود من مستويات الاستروجين لكن بما ان في ناس كتير عندها حساسية منالصويا وكمان الصويا بيكون صعب الهضم, ممكن تعتمدي على بدائل تانية بتحتوي على الفيتويستروجينزي البسلة, الفول الاخضر, التوت البري, المشمش, البرقوق, البروكلي, القرنبيط, بذورالكتان, بذور القرع, براعم الفاصوليا, والحبوب الكاملة.

كمان حاولي خفض مستويات السكر في نظامك الغذائي, لانهممكن يأدي لاختلال الهرمونات في الجسم, والسكر كمان بيساهم في نمو الخميرة, وممكنسموم الخميرة تسد اماكن استقبال الهرمونات.

اضافة اطعمة غنية بالمغنسيوم او مكملات المغنسيوم ممكنتساعد على تعزيز انتاج الاستروجين, وممكن انه يقلل من كتير من اعراض انخفاضالاستروجين.

اعراض انخفاض هرمون الاستروجين 4
اعراض انخفاض هرمون الاستروجين 4

4- حاولي تزودي وزنك:

في حالة لو بتعاني من نقص الوزن, ده ممكن يقلل من قدرةالجسم على انتاج الاستروجين, والوزن الصحي هيساعد على تحسين مستويات الاستروجين,لان الجسم محتاج للدهون اللي بتساعد في انتاج الهرمونات.

اعراض انخفاض هرمون الاستروجين 5
اعراض انخفاض هرمون الاستروجين 5

5- تناول مكملات ال Chasteberry:

ال Chasteberryهو عشب ثبت انه بيأثر على مستويات هرمونالاستروجين, لكن قبل ما تاخدي اي مكمل الافضل انك تستشيري دكتور متخصص, وكماناتجنبي اخد المكمل ده لو بتاخدي حبوب منع الحمل او بتستخدمي ادوية لعلاج مرضباركنسون.

اعراض انخفاض هرمون الاستروجين 6
اعراض انخفاض هرمون الاستروجين 6

6- اشربي شاي عشبي:

في كتير من الاعشاب اللي ثبت انها بتساعد على زيادةمستويات هرمون الاستروجين في الجسم زي العرق سوس, الزعتر, الشاي الاسود, والشايالاخضر, ببساطة انقعي اي نوع اعشاب في المية السخنة لمدة 5 دقايق واشربيه.

اعراض انخفاض هرمون الاستروجين 7
اعراض انخفاض هرمون الاستروجين 7

7- جربي اشربي قهوة:

القهوة من المشروبات اللي بتساعد على زيادة مستوياتهرمون الاستروجين لكن على شرط متزدش الكمية في اليوم عن 400 مليجرام, والدراساتاثبتت ان النساء اللي بيشربوا تقريبا 200 مليجرام من القهوة كل يوم عندهم مستوياتاعلى من الاستروجين مقارنة بالنساء اللي مش بيشربوا قهوة.

لكن اتأكدي انك بتشربي نوع قهوة اورجانيك او عضوية يعنيمتكونش مرشوشة بمبيدات او مواد كيميائية او اتعرضت لاي اسمدة ضارة.

اعراض انخفاض هرمون الاستروجين 8
اعراض انخفاض هرمون الاستروجين 8

8- مارسي التمارين الرياضية باعتدال:

على الرغم ان في ابحاث بتثبت ان ممارسة الرياضة بشكلمفرط او الرياضة الشاقة ممكن تأدي لانخفاض مستويات هرمون الاستروجين, الا انالتمارين المعتدلة الصحية بس هي اللي ممكن تزود مستويات الاستروجين, وتقلل من خطرالاصابة بسرطان الثدي وبتطول العمر.

اعراض انخفاض هرمون الاستروجين 9
اعراض انخفاض هرمون الاستروجين 9

ودي كانت بعض الطرق اللي ممكن تزود من مستويات الاستروجين في الجسم, لكن زي ما قولنا في البداية لازم فحص مستويات الهرمون الاول ونتأكد انه مش عالي لان زيادة هرمون الاستروجين ممكن يأدي لمشاكل تانية.

11 علامة تنبهك ان جسمك فيه نسبة عالية من الاستروجين

11 علامة تنبهك ان جسمك فيه نسبة عالية من الاستروجين
علامات ارتفاع الاستروجين في الجسم

مقالات متعلقه

طرق طبيعية لزيادة هرمون الانوثة في الجسم

طرق طبيعية لزيادة هرمون الانوثة في الجسم

ايه اسباب التقلبات الشديدة في الحالة المزاجية عند النساء؟ وازاي تتعاملي معاها

ايه اسباب التقلبات الشديدة في الحالة المزاجية عند النساء؟ وازاي تتعاملي معاها

افضل 10 اطعمة لتحسين صحة الرحم

افضل 10 اطعمة لتحسين صحة الرحم