كل اللي محتاجة تعرفيه عن الكافيتيشن او تفتيت الدهون

أنجي سليمان
أنجي سليمان
4481

البحث عن الرشاقة والقوام المثالي والجسم الخالي من العيوب يعتبر واحد من الاهداف الللي محدش بيختلف عليها، وتعتبر محاربة السمنة والبحث عن الرشاقة من اكبر الصناعات في العالم دلوقتي عشان كده بنلاقي كل يوم تقنية جديدة ووسيلة جديدة لتحقيق الهدف ده، واكيد عدت عليكي كلمة كافيتيشن في اعلانات عيادات علاج السمنة، ولو كنتي بتسألي نفسك يعني ايه الكافيتيشن او تفتيت الدهون يبقى لازم تشوفي الموضوع ده لأن احنا جمعنالك كل اللي محتاجة تعرفيه عن الكافيتيشن او تفتيت الدهون

ايه هو الكافيتيشن او تفتيت الدهون

هو عبارة عن تقنية من تقنيات التخسيس الموضعي، التقنية دي بتتم عن طريقتعريض المنطقة المراد تخسسيها لموجات صوتية منخفضة التردد بتخترق الخلايا الدهنيةالموجودة تحت الجلد وبتكسرها او بتشرخها وتفرغها من المحتوى بتاعها، والدهونالضارة دي بتخرج في الدم وبعدين الجسم بيتخلص منها عن طريق البول والعرق.

هل الكافيتيشن آمن

التقنية دي آمنة تماما ومستخدمة في جميع دول العالم، ومالهاش اي مخاطر صحيةلأنها مش بتتم باستخدام اي نوع من التخدير او الجراحة ولكنها علاج موضعي بجهازللموجات الصوتية، ومع ذلك مش كل الحالات ممكن تتعامل مع الكافيتيشن ومن الحالاتالممنوعة من استخدامه

ممنوع استخدامه مع مرضى القلب
ممنوع استخدامه مع حد عنده مشاكل في الكلى والحصوات
ممنوع استخدامه في فترة الدورة الشهرية
ممنوع استخدامه اثناء فترة الحمل

الاماكن اللي ممكن نخسسها باستخدام الكافيتيشن

ممكن استخدام التقنية دي مع كل مناطق الجسم زي البطن والذراعين والفخذينوالارداف والجناب وظهر وحتى الوجه لكن لا يمكن استخدامه في منطقة الصدر

الكافيتيشن او تفتيت الدهون 1
الكافيتيشن او تفتيت الدهون 1

فوائد استخدام الكافيتيشن في التخسيس

التخلص من الدهون الموضعية اللي مش بتنزل بالرياضة العادية
التخلص من الدهون الموضعية في منطقة البطن بعد الولادة
التخلص من السليوليت وشد ترهلات الجلد
الحصول على نتيجة من اول جلسة ممكن توصل لغاية 4 سم
ممكن يخلص الجسم من 18 سم من الدهون بعد الانتهاء من الجلسات
الجلسة مش بتستمر فترة طويلة يعني ممكن تستغرق من نص ساعة الى  ساعة ونص حسب المنطقة المراد تخسيسها

عيوب الكافيتيشن او تفتيت الدهون

علاج موضعي ماينعفش نعتمد عليه انه حيخسس من غير الالتزام بنظام غذائي
بيفرغ الخلية الدهنية من محتواها لكن مش بيتخلص من الخلية نفسها يعني ممكن الدهون ترجع مرة تانية لو ملتزمتيش بنظام حياة صحي

شروط استخدام الكافيتيشن او تفتيت الدهون

لازم تعملي الجلسات في مكان مضمون عشان يكون على ايد محترفين وما يسببش اي علامات على الجلد
لازم دكتور اللي يحدد عدد الجلسات اللي انتي محتاجاها عشان توصلي لأفضل نتائج وبيتراوح عددها من 8 الى 12 جلسة تقريبا
ضروري جدا جدا تلعبي رياضة وتعرقي بعد الجلسة عشان تخلصي الدم من الدهون اللي متفتتة جواه
مهم جدا شرب كميات كبيرة من الماية عشان تتخلصي من الدهون عن طريق البول
الالتزام بنظام غذائي صحي ومتوازن من الحاجات اللازمة عشان النتائج تبان بسرعة

الكافيتيشن او تفتيت الدهون 2
الكافيتيشن او تفتيت الدهون 2

بيعتبر الكافيتيشن او تفتيت الدهون من تقنيات التخسيس الموضعي الاشهر دلوقتي على مستوى العالم وده مش بس لأن نتائجها سريعة لكن عشان كمان آمنة ومش بتحتاج لأي تخدير او جراحة ده غير انها بتدي مظهر جميل للجلد وبتخلص الجسم من الترهلات والسليوليت، نتمنى تكوني استفدتي وجاوبنا كل اسئلتك عن الكافيتيشن او تفتيت الدهون وتقدري كمان تعرفي من هنا كل حاجة عن الكرايو او تجميد الدهون

مقالات متعلقه

تمارين ونظام غذائي فعال للحصول على بطن مسطحة

تمارين ونظام غذائي فعال للحصول على بطن مسطحة

تمرين بسيط للتخلص من ترهل البطن في 3 اسابيع بس

تمرين بسيط للتخلص من ترهل البطن في 3 اسابيع بس

افضل تمارين للتخلص من دهون البطن والحصول على بطن مشدودة ومسطحة

افضل تمارين للتخلص من دهون البطن والحصول على بطن مشدودة ومسطحة