اكتر ستايلات جاكيت تريندي لموسم الشتا

كل ما الجو بيبقى برد اكتر اكيد بنكون محتاجين حاجات تقيلة اكتر عشان تدفينا وانسب حاجة هيكون هو الجاكيت او البالطو, وهي مش بس هتدفيكي لكن في نفس الوقت هتدي اللوك بتاعك اناقة اكتر, والنهاردة من خلال موضوعنا هنشوف اكتر ستايلات جاكيت تريندي لموسم الشتا.

ستايلات جاكيت تريندي لموسم الشتا:

1- ال Puffer coats:

الجاكيت ال Puffer او المنفوخ, من القطع التريندي جدا لموسم الشتا, وتقدري تلبسيه لاي وقت في اليوم, وهتلاقي منه الجاكيت القصير او البالطو الطويل تقدري تختاري منهم اللي يناسبك اكتر.. تقدري تشوفي من هنا افكار لتنسيق ال Puffer coats.

2- ال Teddy coats:

كمان الجاكيت ال Teddy من القطع الموضة جدا لموسم الشتا ده, والستايل ده بيتميز بملمسه الناعم والمريح جدا في اللبس, وتقدري تنسقي معاه من اول السكيني جينز والسنيكرز للبوت, يعني تقدري تلبسيه على كل حاجة في دولابك.. تقدري تشوفي من هنا افكار لتنسيق ال Teddy coats.

3- الجاكيت المربعات او الكاروه:

الجاكيت او البالطو المربعات كمان من القطع اللي تقدريتعتمدي عليها في الايام البرد, وتقدري تختاري ما بين الوان الشتا التقليدية زيالبني والرمادي والالوان الزاهية زي الاحمر, وممكن تعملي لوك بسيط وتنسقي معاهسويتر مع سكيني جينز او بنطلون جلد وتكملي اللوك ب Blanket scarf.

4- الجاكيت الصوف:

الجاكيت الصوف من اكتر القطع الكلاسيكية المناسبة جدالموسم الشتا اللي كلنا محتاجينها تكون في دولابنا, وهي من القطع اللي مش بتبطلابدا وتقدري تلبسيه في اي مناسبة.

5- ال Statement coats:

ستايل الجاكيت الفرو, والمطبوع زي جلد التعبان او رسمةالفهد, من القطع الانيقة جدا اللي ممكن تختاريها لو عايزة لوك مختلف ومميز.

انواع مختلفة من الجاكيت والسويتر لموضة الشتا