6 وصفات مشروبات لكسر ثبات الوزن

أنجي سليمان
أنجي سليمان
15310

جمعنالك هنا مجموعة من وصفات مشروبات لكسر ثبات الوزن وطبعا ده لأن من اكتر اللحظات المحبطة اثناء عمل الدايت هي ان الوزن بيتوقف فجأة عن النزول، بالرغم من انك بتكوني مستمرة على الدايت والرياضة وكان الوزن بينزل بالفعل لكن فجأة دخل في مرحلة ثبات، في الحقيقة الظاهرة دي ظاهرة طبيعية في حالات كتير وحنتكلم عن اسبابها في موضوع تاني، لكن كعلاج للظاهرة دي جمعنالك النهاردة وصفات مشروبات لكسر ثبات الوزن ، وعشان نراعي جميع الاذواق في وصفات لعصاير باردة وفي وصفات لمشروبات ساخنة تقدري تختاري اللي الوصفة اللي تحبيها.

تعليمات استخدام مشروبات كسر ثبات الوزن

  • حضري كمية من العصير او المشروب تكفي اليوم كله واشربيها خلال اليوم
  • بالنسبة للعصاير حضري لتر ووزعيه على خمس مرات في اليوم
  • بالنسبة للمشروبات السخنة خليها 3 مرات بس ووزعيهم على اليوم
  • اشربي العصير او المشروب قبل الرياضة اللي انتي بتلعبيها او قبل الجيم بربع ساعة او نص ساعة عشان ترفع معدلات الحرق
  • استمري على المشروب او العصير لمدة خمس ايام الى اسبوع
  • يفضل الالتزام بنوع واحد من العصير او المشروب طول اليوم لكن ممكن كل يوم يبقى غير التاني يعمي مثلا يوم عصير ويوم مشروب
مشروبات لكسر ثبات الوزن
مشروبات لكسر ثبات الوزن

اولا العصاير الباردة

  • عصير الجزر مع الفواكه

2 تفاحة
نص لتر من عصير البرتقال الطازة
4 ثمرات جزر كبيرة
3 معالق كبار من الجنزبيل الطازة مش البودرة

اعصري المكونات كلها  في الخلاط او عصارة الفواكة واحتفظي بيهم في زجاجة محكمة القفل في التلاجة واستخدميهم طول اليوم

  • عصير الليمون والنعناع

نص كيلو من الخيار مغسول كويس ومتقشر
 نص كوباية من عصير الليمون
 حزمة نعناع صغيرة
 وكوبايتين كبار من الماية

 واعصري المكونات كويس جدا فيالخلاط او عصارة الفواكة واحتفظي بيهم في التلاجة ووزعيهم على خمس مرات في اليوم

  • عصير الكيوي والاناناس

نص لتر من عصير الاناناس
2 كوب من شرايح الاناناس الطازة
5 حبات من الكيوي متقشرين
معلقة كبيرة من عصير الليمون

اخلطي كل المكونات في الخلاط كويس واحتفظي بيهم في التلاجة ووزعيهم علىمدار اليوم

ثانيا المشروبات الساخنة

  • مشروب الجنزبيل بالليمون

ربع كوباية من عصير الليمون
معلقتين كبار من الجنزبيل الطازة المبشور او البودرة
معلقة من ورق الشاي الاخضر

حطي المكونات كلها في وعاء وحطيي عليهم اربع اكواب من الماية المغليةوغطيهم

عند الاستخدام قلبي المشروب كويس وهاتي كوباية وعليها ماصفة شاي صبي مقداركوباية بس وسخنيها على الشرب مش لدرجة الغليان وممكن تحليها بعسل النحل لو عايزة

  • مشروب خل التفاح والقرفة

كوباية ماية مغلية
معلقتين من خل التفاح
معلقة صغيرة من عصير الليمون
نص معلقة صغيرة من القرفة المطحونة

حضري المشروب قبل الاستخدام بخمس دقايق مش زي المشروبات التانية
حطي الخل وعصير الليمون والقرفة في كوباية وصبي عليهم الماية المغلية وغطيه لمدة خمس دقايق
قلبي المشروب وحلية بنص معلقة عسل نحل واشربية مباشرة

  • مشروب الاناناس والقرنفل

كوبايتين من الاناناس متقشر ومقطع شرائح
3 اعواد من القرفة
معلقتين كبار من مسمار القرنفل
لتر من الماية

اغلي الاناناس في الماية لمدة خمس دقايق، ضيفي القرفة والقرنفل وسيبيهمكمان عشر دقايق، وغطي الوعاء لغاية ما يوصل لدرجة الشرب، احتفظي بالمكونات فيالماية عشان التركيز يبقى اقوى

وممكن تقري في موقع بنات حوا مجموعة كبيرة من الموضوعات اللي حتساعدك في الدايت في موضوعات تخسيس الوزن.

مقالات متعلقه

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

دايت القلب لمدة 3 ايام: هيساعدك تخسي 4 كيلو مع الاطعمة الصحية للقلب

7 اطعمة ابعدي عنهم تماما لو بتحاولي تخسري وزن

7 اطعمة ابعدي عنهم تماما لو بتحاولي تخسري وزن

وصفات لسد الشهية وتخسيس الوزن

وصفات لسد الشهية وتخسيس الوزن