10 تسريحات شعر ممكن تخلي اللوك بتاعك شكله مش حلو

بقلمريهام محمود فيشعر visibility3579

ممكن تفاصيل بسيطة جدا متتخيليش انها ممكن تأثر في اللوك بتاعك لكن هي في الحقيقة بتكون مؤثرة وممكن تطلع اللوك بتاعك في النهاية شكله مش حلو, والنهاردة من خلال موضوعنا هنشوف مع بعض ستايلات شعر غلط الافضل انك تتجنبيها عشان تحافظي على اللوك بتاعك شكله حلو وانيق.

ستايلات شعر غلط:

1- الضفيرتين:

ستايل الضفرتين بيدي لوك طفولي وغير ناضج, لو انتي حابه تعملي الضفاير ممكن تعتمدي على ستايل مختلف عن الضفيرتين, الضفاير دلوقتي ليها ستايلات كتير ممكن تكون مناسبة, زي الضفيرة الفرنسية, او ديل السمكة, او ضفيرة ديل الحصان, او الضفيرة الشلال.

ستايلات شعر غلط
ستايلات شعر غلط

2- ديل حصان مع توكة قماش:

توك الشعر القماش بالرغم انه تفصيلة بسيطة لكن ممكن تفرق جدا في اللوك بتاعك خصوصا لو التوكة ملونة وظاهرة اوي في الشعر, عشان كده بدل ده بننصحك تستخدمي ربطة شعر رفيعة تكون قريبة من لون شعرك, ولو فاتحة اوي او باينة خدي خصلة شعر ولفيها حوالين التوكة عشان تداريها.

ستايلات شعر غلط
ستايلات شعر غلط

3- الكحكة الدونات:

الكحكة الدونات ظهرت بقالها فترة ومجرد ما ظهرت انتشرت جدا وبقى في بنات كتير بيستخدموها, لكن احنا بننصحك لو شعرك طويل وتقيل اتجنبي استخدام الدونات لانها هتبقى كبيرة زيادة عن اللزوم على الراس, اكتفي بكحكة طبيعية تقليدية من غير استخدام الدونات.

ستايلات شعر غلط
ستايلات شعر غلط

4- مشبك الشعر:

مشبك الشعر هيكون مناسب لو داخلة تاخدي شاور وعايزة تلمي شعرك او اثناء التنضيف, لكن متخرجيش بيها, في الخروج حاولي تستخدمي ادوات انيقة اكتر حتى لو نازلة للشوبينج بس.

ستايلات شعر غلط
ستايلات شعر غلط

5- الشعر الكيرلي والقوصة:

ممكن يكون في بنات كتير بيعتمدوا على اللوك ده, وهو بيجمع ما بين 2 ستايل مختلفين للشعر ما بين الكيرلي والستريت, لكن احنا بننصحك الافضل ان الشعر يكون ويفي خفيف مع القوصة بدل الكيرلي.

ستايلات شعر غلط
ستايلات شعر غلط

6- لوك الشعر المبلول:

اتجاه الشعر ده قدم جدا او عفا عليه الزمن زي ما بنقول, ممكن تسرحي الشعر بخفة مع تأثير رطب بسيط, وخليكي حذرة في استخدام منتجات تصفيف الشعر, لان استخدام الجل كتير هيخلي الشعر يطلع شكله دهني, والتسريحة دي اكيد مش مناسبة خالص للشغل او المكتب.

ستايلات شعر غلط
ستايلات شعر غلط

7- ديل حصان Slicked او املس:

في نوعين من ديل الحصان بيطلع شكلها ستايلش وانيق, وهما ديل الحصان العالي والمنخفض, واي ستايل تاني غيرهم هيخلي اللوك يطلع مش حلو, كمان تأثير الشعر الاملس او الملموم اوي زيادة عن اللزوم بيدي تأثير دهني للشعر وبيخليه يبان خفيف.

ولو انتي بتلاقي صعوبة مع ديل الحصان العالي ممكن ببساطة تعملي المنخفض, او حتى تعملي كحكة فوضوية للوك انثوي ناعم, ومتنسيش قبل ما تلمي الشعر ديل حصان تسرحيه على قدام عشان تضيفي Volume او حجم اكبر للشعر.

ستايلات شعر غلط
ستايلات شعر غلط

8- بنس شعر متداريه:

الهدف الاساسي من بنس الشعر هي تثبيت وظبط الشعر من غير ما تبقى باينة, والخبراء بينصحوا باستخدام بنس الشعر بطريقتين.

انك تختاريها زي لون شعرك واخفائها في الشعر.

او تستخدمي دبابيس الشعر الانيقة الزاهية كاكسسوار للشعر “ومتبالغيش في الكمية كل ما كان العدد اقل كل ما كان احسن واشيك”.

ستايلات شعر غلط
ستايلات شعر غلط

9- استخدام منتجات تصفيف الشعر زيادة عن اللزوم:

استخدام منتجات الشعر زيادة عن اللزوم لعمل تجعيدات ضيقة اوي للشعر ممكن تخلي اللوك يطلع مش حلو, عشان كده الخبراء بينصحوا باختيار تسريحات الشعر الطبيعية افضل من التسريحات اللي ممكن تكون بتاخد منك مجهود زيادة.

ستايلات شعر غلط
ستايلات شعر غلط

10- اطراف اومبري واضحة اوي:

زي ما احنا عارفين واتكلمنا قبل كده عن تكنيك الاومبري للشعر وهو عبارة عن تدرج الالوان باستخدام درجتين او اكتر, لكن الغلطة اللي ممكن نقع فيها لو عملنا الاومبري بنفسنا في البيت او عملناه عند حد مش محترف اوي, ان الاطراف يكون فيها اللون واضح او فاقع زيادة عن اللزوم, الافضل والصح ان الاومبري يكون التدريج بين الالوان ناعم.

ستايلات شعر غلط
ستايلات شعر غلط

شايفين ايه ستايلات شعر تانية غير اللي احنا قولناها ممكن تبوظ اللوك او تخلي شكله مش حلو؟ شاركونا بأرائكم.

16 طريقة سهلة وافكار ستايلات مختلفة تعملي بيهم القوصة

افكار ستايلات للقوصة
افكار ستايلات للقوصة