كل اللي محتاجة تعرفيه عن الكرايو او تجميد الدهون

بقلمأنجي سليمان فيتخسيس الوزن visibility1371

ممكن تكوني شوفتي كلمة كرايو دي مؤخرا كتير في اعلانات التخسيس وتظبيط الوزن، وعشان احنا دايما بنهتم بكل حاجة تهمك جمعنالك هنما كل اللي عايزة تعرفيه عن الكرايو او تجميد الدهون، ولو بتسألي نفسك يا ترى ايه الطريقة دي؟ وهل هي آمنة ولا لأ؟ اقري الموضوع ده وانتي تعرفي ايه هو الكرايو او تجميد الدهون وايه طريقة عمله بالظبط في الجسم وايه الاماكن اللي ممكن نسنخدم فيها التقنية دي.

ايه هي تقنية الكرايو او تجميد الدهون

تقنية الكرايو او تجميد الدهون او ال cryolipolysis هي طريقة حديثة للتخلص من الدهون الموضعية باستخدام جهاز خاص بيستهدف الخلايا الدهنية في الجسم وبيعرضها لدرجات حرارة منخفضة جدا اقل من -8 درجات مئوية وفي خلال اسبوعين الى شهر بتتفتت الخلايا المتجمدة في الدم وبتخرج مع البول والعرق برة الجسم.

هل الكرايو او تجميد الدهون آمن

الجهاز آمن تماما على الجسم مالهوش اثار جانبية ده غير ان هو معترف بيه من هيئة الاغذية والادوية الامريكية ال FDA لأنه بيتعامل مع الجسم من خلال طبقات الجلد الخارجية من غير اي حقن او تدخل جراحي من اي نوع، طبعا غير انه مش مؤلم لدرجة اللجوء الى المسكنات او اي نوع من الادوية، ولكن طبعا في محاذير من استخدام الجهاز في بعض الحالات وهي:

  1. الحمل
  2. اضطرابات الاوعية الدموية
  3. مرضى الكبد
  4. التحسس المرضي من البرودة
  5. الفتق السري

الاماكن اللي بنستخدم معاها التقنية دي

ممكن استخدام تقنية الكرايو او تجميد الدهون في كل اجزاء الجسم، زي الذراعين، الظهر، البطن، الاجناب، الارداف، الفخذين، اما منطقة الصدر فماينفعش تستخدم معاها التقنية دي، ولو عندك مشكلة في تخسيس منطقة الصدر شوفي الموضوع ده

كل اللي محتاجة تعرفية عن الكرايو او تجميد الدهون
تخسيس الذراعين بتقنية الكرايو او تجميد الدهون

الجلسة عبارة عن ايه

 الجلسة بتكون مدتها من نصف ساعة الى ساعة بيتم وضع الجهاز على المنطقة اللي المراد تخسيسها وبتقوم الدكتورة او اخصائية المتابعة بظبط الجاز وتثبيته

الجهاز بيشتغل على تجميد الدهون لوحده، وزي ما اتفقنا في البداية ان هو بيتخدم للتخسيس الموضعي وبتظهر النتيجة على مدى طويل نسبيا من اسبوعين الى شهر

 لازم الانقطاع عن الاكل قبل الجلسة بساعتين وبعدها بساعتين

لازم تشربي على الاقل لتر من الماية على الاقل في الفترة اللي قبل الجلسة وبعد الانتهاء من استخدام الجهاز لازم شرب كمية كبيرة جدا من الماء على مدار اليوم

لازم تمارسي اي نوع من الحركة يخليكي تعرقي زي المشي او الايروبكس لمدة نص ساعة على الاقل بعد الجلسة، واعرفي من هنا ازاي تجري صح بهدف التخسيس

كل اللي محتاجة تعرفية عن الكرايو او تجميد الدهون
جلسة الكرايو

عيوب الكرايو او تجميد الدهون

  1. رغم ان التخسيس بيوصل ل4 سم بعد الاستخدام الا انها تخسيس موضعي يعني ما ينفعش نعتمد عليه في انه حيخفض الوزن لوحدة لازم دايت ورياضة ومتابعة معاه
  2. ممكن تحسي بالم بسيط زي التنميل في مكان استخدام الجهاز ممكن يستمر لمدة 5 دقايق من وضع الجهاز على الجسم
  3. ممكن يسبب احمرار واحيانا كدمات غير مؤلمة بتروح بعد حوالي اسبوع

ده كان كل حاجة عن تقنية الكرايو او تجميد الدهون ممكن تفيدك قبل ما تخضعي لجلسات التخسيس الموضعي، لكن قبل ما تلجأي للطريقة دي في التخسيس لازم تختاري مكان مضمون ويفضل انه يكون عيادة مش مركز تجميل او مركز تجميل مضمون وتتعاملي فيه مع متخصصين. وعشان توصلي لأفضل النتائج شوفي هنا مجموعة افكار لوجبات صحية حتساعدك في الدايت