مجموعة استايلات رائعة لمحبي اللون الكشمير

بقلمأنجي سليمان فيموضة وأزياء visibility398

الموضوع ده هدية ليكي لو بتحبي اللون الكشمير عشان حنكلمك فيه عن مجموعة استايلات رائعة لمحبي اللون الكشمير، اللون ده من الالوان اللي ظهرت مؤخرا في كل ما يخص الموضة من اول البالطو لغاية الشوز والشنطة وحتى الميكب والاكسسوار،  شوفي معانا مجموعة استايلات رائعة لمحبي اللون الكشمير وكلها افكار حتساعدك تعرفي ازاي تلبسي اللون ده او تدخليه في هدومك سواء كنتي من محبي الكاجوال او الفورمال او الكلاسيك. وممكن تدخلي هنا تعرفي ازاي تعملي لوك شيك مع حجابك


الالوان اللي بتليق مع الكشمير

بالرغم من ان الكشمير مش لون مفرقع الا انه بيليق مع مجموعتين من الالوان الهادية وهي مجموعة الرمادي ومجموعة البيج بدرجاتهم وبيليق طبعا مع مجموعات درجات تانية زي النبيتي والاسود والكحلي الا ان مجموعات البيج والرمادي بدرجاتهم بتكون مميزة جدا مع الكشمير وبتظهر جماله واناقته، ولو بتحبي الكارديجان الصوف اعرفي من هنا طريقة لبسه وتنسيقه


طريقة تنسيق اللون الكشمير

زي ما قولنا في البداية اللون ده السنة دي ظهر في كل ما يخص الموضة يعني بتلاقيه في البالطو والبلوفر والقميص والسكيرت والفستان وحتى الشوز والشنطة. لكن لازم تحطي في اعتبارك ان اللون ده له درجات مختلفة ولو حتلبسي اكتر من قطعة من نفس اللون لازم تراعي توافق الدرجات عشان مايبقاش في تضارب في اللون. يعني مثلا صعب تلبسي البالطو من درجة كشمير وتحته فستان من درجة كشمير تانية وشوز من درجة كشمير غيرهم. لكن ممكن مثلا تلبسي بالطو وحلق كشمير مع فستان رمادي  وهو ده سبب ان احنا جمعنا الاستايلات دي هنا.عشان نساعدك تعرفي توفقي الدرحات اللي عندك من خلال مجموعة استايلات رائعة لمحبي اللون الكشمير. واتفرجي على الموضوعات دي كمان واعرفي ايه هي استايلات الكريسماس وراس السنة الجديدة


اكسسوار اللون الكشمير

اما لو كنتي من محبي اللون ده لكن بيبقى صعب عليكي تلبسيه في الهدوم فممكن تختاري تطعمي بيه اللبس يعني مثلا تلبسيه في اسكارف او في اكسسوار او في حلق واكيد تقدري تخلي المانيكير بتاعك او الميكب بتاعك منه، وشوفي الموضوع ده معانا عشان تعرفي ايه الحاجات اللي لازم تاخدي بالك منها وانتي بتشتري الهدوم

اتفرجي على الالبوم ده عشان تعرفي ازاي ممكن تدخلي اللون ده في استايلك بالشكل المناسب ليكي

وبعد ما عرضنا مجموعة استايلات رائعة لمحبي اللون الكشمير. شوفي معانا هنا ايه الاخطاء اللي بتعمليها وبتبوظ هدومك . وبعدين شاركينا رأيك وقوليلنا ايه اكتر ستايل عجبك او ايه اكتر فكرة عجبتك في الالبوم.