افضل 3 علاجات منزلية للحصول على بشرة صافية خالية من اي عيوب

ريهام محمود
ريهام محمود
في
بشرة
5277

للحصول على بشرة صافية خالية من اي عيوب وتكون دايما نضرة وشكلها صحي, ده تحقيقه مش صعب, كل اللي محتاجاه انك تعرفي بس ايه المكونات الطبيعية اللي ممكن تستخدميها عشان توصلي للبشرة دي, والنهاردة من خلال السطور الجاية هنقولك افضل 3 علاجات منزلية لبشرة صافية خالية من اي عيوب.

علاجات منزلية لبشرة صافية:

1- ديتوكس المية لبشرة نضرة ومتوهجة:

الحاجات اللي هتحتاجيها:

2 لتر مية.

1 ثمرة خيار صغيرة.

1 ليمونة صغيرة.

طبق صغير من اوراق النعناع.

برطمان او ابريق فاضي.

طريقة التحضير:

قطعي الخيار والليمون قطع صغيرة وحطيهم في البرطمان,ضيفي لهم ورق النعناع, وبعدين صبي عليهم المية وحطي الخليط في التلاجة شوية.

اشربي منه طول اليوم هيساعد على ازالة السموم من الجسموتنقية البشرة.

ليه الخليط ده فعال؟

الخيار يعتبر مبرد للجسم, وبيساعد على استعادة حيويةوترطيب البشرة, الليمون بيساعد على تنضيف الجهاز الهضمي وبيزيل السموم وبكده بيقتلالسبب اللي بيخلي البقع تظهر على البشرة او تخليها مش صحية, والنعناع بيساعد فيتنظيم ارتداد الحمض وبيمنع عسر الهضم وبيزيل اي نوع من الامراض الداخلية.

المفروض تستخدميه قد ايه؟

تقدري تستخدمي المية دي على طول بشكل مستمر لو عايزةتحافظي على نضارة وصحة بشرتك وتدوم كده لفترة طويلة.

علاجات منزلية لبشرة صافية 1
علاجات منزلية لبشرة صافية 1

2- زيت جوز الهند لبشرة صافية:

الحاجات اللي هتحتاجيها:

1 معلقة صغيرة من زيت جوز الهند.

قطعة قطن او وسادة قطنية.

طريقة استخدامه:

سخني الزيت شوية على النار, بأطراف صوابعك خدي من الزيتودلكي بشرتك كلها ببطء في حركات دائرية لمدة دقيقة او دقيقتين, وبعدها سيبي الزيتعلى البشرة لمدة كام دقيقة, وبعدين اخر حاجة امسحي الزيت الزيادة بالقطن.

كرريها مرتين في اليوم لافضل النتايج.

ليه الطريقة دي فعالة؟

زيت جوز الهند بيحتوي على مضادات الميكروبات اللي بتحافظعلى البشرة نضيفة وخالية من اي عدوى, والمواد الكيميائية النباتية اللي موجودة فيهغنية بالعناصر المضادة للاكسدة اللي بتمنع الجذور الحرة وبتحافظ على شباب ونضارةالبشرة.

علاجات منزلية لبشرة صافية 2
علاجات منزلية لبشرة صافية 2

3- الشاي الاخضر لبشرة صافية:

الحاجات اللي هتحتاجيها:

1 كيس شاي اخضر.

1 كوب مية دافية.

عسل نحل.

عصير ليمون.

طريقة التحضير:

انقعي كيس الشاي في المية الدافية لمدة دقايق, بعدهاخرجي الكيس من المية وضيفي لها العسل وعصير الليمون حسب الرغبة, وبعدين اشربيه.

تقدري تشربيه من 2 – 3 كوبايات في اليوم لافضل النتايج.

ليه المشروب ده فعال؟

الشاي الاخضر غني جدا بمضادات الاكسدة اللي بتدعم وبتزيلالسموم من الجسم, وطبيعي ان حالة جسمك الداخلية لما تتظبط كويس ده هينعكس بشكلايجابي على بشرتك, كمان الشاي الاخضر من ناحية تانية مفيد جدا للصحة لانه بيساعد علىتقليل مستويات الكوليسترول في الدم والحفاظ على صحة القلب والعضم.

علاجات منزلية لبشرة صافية 3
علاجات منزلية لبشرة صافية 3

ودي كانت افضل 3 علاجات منزلية طبيعية للحصول على بشرة صافية, جربيهم وشاركينا النتايج.

قايمة مشروبات على مدار اليوم هتخلي بشرتك نضرة وصحية

مشروبات لبشرة نضرة
مشروبات لبشرة نضرة
مشروبات لبشرة نضرة

مقالات متعلقه

علاج الايورفيدا للبشرة في البيت في 3 خطوات سهلة

علاج الايورفيدا للبشرة في البيت في 3 خطوات سهلة

5 علاجات طبيعية بتستخدمها كارينا كابور لبشرة نضرة وشباب

5 علاجات طبيعية بتستخدمها كارينا كابور لبشرة نضرة وشباب

فتحي بشرتك باستخدام القهوة سريعة التحضير

فتحي بشرتك باستخدام القهوة سريعة التحضير