قايمة مشروبات على مدار اليوم هتخلي بشرتك نضرة وصحية

بقلمريهام محمود فيبشرة visibility1270

عشان توصلي لبشرة نضرة ومثالية وخالية من اي عيوب زي نجمات هوليود, ده مش بيعتمد بس على منتجات العناية بالبشرة او الماسكات الطبيعية, لكن كمان على التغذية وكل حاجة بتدخل لجسمك, واحنا النهاردة من خلال مقالنا هنقولك على قايمة مشروبات لبشرة نضرة وصحية ومثالية جدا اكتر من اي وقت تاني جربتي فيه اي منتجات او ماسكات.

زي ما دايما بنقول ان جمال البشرة بيبدأ من جوه قبل بره, عشان كده اي حاجة بتدخل جسمنا بتأثر على بشرتنا, والقايمة اللي معانا النهاردة هي من دكتورة الجلدية المتخصصة “راشيل نازاريان” اقترحت قايمة مشروبات على مدار ال 24 ساعة غنية بالعناصر اللي محتاجاها البشرة عشان يكون ليها تأثير كبير على توهج ونضارة بشرتك.

مشروبات لبشرة نضرة

قايمة مشروبات لبشرة نضرة وصحية:

1- المية:

مافيش حاجة هتخلي البشرة ناعمة ونضرة زي المية, بتساعد على الحفاظ على توازن البشرة, وعلى المرونة المثالية للجلد, وده في النهاية بيديها المظهر الصحي.

اشربي على مدار اليوم 8 كوبايات مية.

مشروبات لبشرة نضرة

2- العصير الاخضر وحليب الصويا:

العصير الاخضر مع الكالي: نبات الكالي هو نوع من انواع الكرنب الغني جدا بالفيتامينات المفيدة للبشرة, بيحتوي على فيتامين A “اللي موجود تقريبا في كل الكريمات المضادة للشيخوخة زي الريتينول” بيساعد على تعزيز نمو الخلايا والتخلص من الخلايا القديمة, والتخلص من بهتان البشرة, كمان بيحتوي على فيتامين C والنحاس واللي هي اساس الكولاجين اللي بيحافظ على البشرة شباب ونضرة, وبيخليها عندها القدرة على شفاء نفسها او معالجة نفسها بشكل صحيح وفعال.

حليب الصويا: الايسوفلافون في الصويا بيساعد على حماية الكولاجين, وزي ما قولنا ده الاساس في الحفاظ على شباب البشرة, والدراسات اظهرت كمان انه بيحمي البشرة من التجاعيد اللي بتنتج عن التعرض لاشعة الشمس, والمعادن والبروتينات اللي موجودة في حليب الصويا بتقلل اسمرار وتصبغ الجلد.

والعصير الاخر وحليب الصويا هنشربهم كل يوم في فترة الصبح.

مشروبات لبشرة نضرة

3- الشاي الاخضر:

الشاي الاخضر غني جدا بمضادات الاكسدة اللي بتساعد على حماية البشرة من الاشعة فوق البنفسجية من خلال تقليل فرص التعرض للاصابة بحروق الشمس, وزي غيره من مضادات الاكسدة بيساعد على تقليل احمرار والتهاب البشرة.

اشربي كوبايتين من الشاي الاخضر كل يوم في فترة بعد الضهر.

مشروبات لبشرة نضرة

4- عصير الرمان:

عصير الرمان بيحتوي على كمية ضخمة جدا من مضادات الاكسدة والبوليفينول ضعف اللي موجود في الشاي الاخضر, ويعتبر رائع جدا لحماية الخلايا الليفية في الجلد, واللي هي تعتبر مصانع انتاج الكولاجين للبشرة, وده معناه انه هيغذي البشرة بكولاجين اكتر, وهيقلل اكتر من التجاعيد والخطوط الرفيعة, كمان كثافة كمية مضادات الاكسدة اللي موجودة في عصير الرمان بتحسن من لون البشرة.

اشربي كوباية من عصير الرمان كل يوم بالليل.

مشروبات لبشرة نضرة

5- المية الممزوجة بالخيار:

بما ان الخيار بيتكون من 90% من المية فهو بيساعد على ترطيب البشرة بشكل كبير جدا, كمان غني بالمعادن زي المغنسيوم والبوتاسيوم, اللي بتساعد على الحفاظ على درجة الحموضة القلوية للجلد وتقليل الالتهاب.

المية الممزوجة بالخيار هتشربي منها كوباية كل يوم قبل النوم.

مشروبات لبشرة نضرة

ودي تعتبر قايمة المشروبات او الدايت السايل لصحة البشرة, انتظمي عليها بشكل يومي وبعد فترة قصيرة هتلاحظي الفرق على بشرتك, جربي وشاركينا النتايج.

7 طرق لعمل عصير لتفتيح البشرة والحفاظ على نضارتها

طرق لعمل عصير لتفتيح البشرة والحفاظ على نضارتها
طرق لعمل عصير لتفتيح البشرة والحفاظ على نضارتها