بدائل طبيعية آمنه ورخيصة لمنتجات البشرة المشهورة

بقلمريهام محمود فيبشرة visibility474

هل بتدوري على بدائل طبيعية منزلية لمنتجات البشرة اللي سعرها غالي؟ هل محتاجة بديل ارخص وآمن؟ النهاردة من خلال موضوعنا هنقولك على بدائل طبيعية لمنتجات البشرة اللي سعرها بيكون غالي.

في اوقات كتير ميزانيتنا مش بتتحمل اننا نشتري كل منتجات البشرة اللي احنا محتاجينها وخصوصا ان في منتجات بيكون سعرها غالي اوي, وعشان نوفر في الميزانية بتاعتنا تعالوا نعرف مع بعض 12 بديل طبيعي لمنتجات البشرة آمن ورخيص.

بدائل طبيعية لمنتجات البشرة:

1- حمض الساليسيليك:

 الحمض ده دايما بننصح بيه انه يكون موجود في منتجات العناية بالبشرة الدهنية او المعرضة لحب الشباب بشكل خاص, البديل الطبيعي ليه اللي ممكن تعمليه في البيت, هو الاسبرين هاتي اسبرين ريفو اطحنيه واخلطيه بالمية لحد ما يتكون عندك معجون, واستخدميه كعلاج موضعي تسيبيه شوية وتغسليه او تنامي بيه وتغسليه تاني يوم الصبح.

بدائل طبيعية لمنتجات البشرة

2- حمض اللبنيك:

 استخدمي الزبادي كبديل طبيعي ليه.

بدائل طبيعية لمنتجات البشرة

3- حمض الالفا هيدروكسي

 البديل الطبيعي ليه هو ماسك عبارة عن خليط من الزبادي مع عصير الليمون.

بدائل طبيعية لمنتجات البشرة

4- ال Retin A:

البديل الطبيعي ليه صفار البيض, والافضل كمان خلط صفار البيض مع العسل.

بدائل طبيعية لمنتجات البشرة

5- حمض الجليكوليك:

البديل الطبيعي ليه عصير الاناناس, او عصير القصب النقي.

بدائل طبيعية لمنتجات البشرة

6- الكبريت:

 البديل الطبيعي ليه صفار البيض.

بدائل طبيعية لمنتجات البشرة

7- تونر البشرة:

 البديل الطبيعي للتونر هو خل التفاح او مية الورد او عشبة الويتش هازل “بندق الساحرة”.

بدائل طبيعية لمنتجات البشرة

8- كريم العين:

ممكن تستخدمي كبديل طبيعي لكريم العين ومفيد جدا للانتفاخات عشبة ويتش هازل “بندق الساحرة” ولو مش متوفرة عند العطار ممكن تستخدمي مية الورد.

9- البنزويل بيروكسايد:

 البديل الطبيعي ليه هو محلول زيت شجرة الشاي بنسبة 5%, هتخلطي 5 مل من الزيت مع 95% مل مية, واسهل طريقة عشان تخلطي المقادير صح النسبة هتكون من 1:19 يعني لكل معلقة صغيرة من زيت شجرة الشاي ضيفي 19 معلقة صغيرة مية او ما يعادل تقريبا 2/5 كوباية مية.

10- مقشر البشرة:

 البديل الطبيعي للمقشرات اللي موجودة في السوق هو اضافة صودا الخبز “الكربوناتو” للمية اللي بتغسلي بيها وشك, او تغسلي بيها الوش قبل عمل الماسكات.

11- مزيل مكياج/ كريم ليلي/ كريم مهديء ومرطب للبشرة:

 البديل الطبيعي لكل الحاجات دي هو زيت جوز الهند.

12- مضاد حيوي لحب الشباب:

 استخدمي كبديل طبيعي ليه عسل النحل.

13- علاج وتفتيح البقع

 استخدمي عصير الليمون او زيت اللافندر.

بس زي ما دايما بنقول وننبه, لازم تعرفي ايه المنتجات المناسبة لبشرتك قبل ما تستخدمي البدائل, لان استخدام مش مناسبة ممكن يأدي لنتيجة عكسية, عشان كده بننصحك متجربيش على بشرتك حاجات زيادة عن اللزوم او مش مناسبة, خليكي دايما مع الحاجات اللي بشرتك متعودة عليها وعارفة انها مش هتضرك, ولو هتجربي حاجة جديدة ضروري تجربي على جزء صغير من البشرة او الايد عشان تعرفي تأثيرها قبل ما تستخدميها على بشرتك كلها.

24 وصفة طبيعية لبشرة صحية خالية من العيوب

وصفات طبيعية لبشرة خالية من العيوب
وصفات طبيعية لبشرة خالية من العيوب