ازاي تلبسي ال Puffer jackets في شتا 2019

بقلمريهام محمود فيموضة وأزياء visibility669

ال Puffer jackets من القطع التريندي جدا لموسم الشتا, لكن بما ان الستايل ده بيدي حجم للجسم, فضروري انك تحطي شوية حاجات في الاعتبار لما تيجي تلبسيه عشان يبقى اللوك صح, والنهاردة من خلال موضوعنا هنقولك نصايح ازاي تلبسي ال Puffer jackets بطريقة صح.

ازاي تلبسي ال Puffer jackets:

اختاري القطعة المناسبة لشكل جسمك:

اكيد انتي محتاجة تختاري المقاس الصح والستايل المناسب لشكل جسمك, على سبيل المثال لو جسمك نحيف او رياضي او كمثري, يبقى انسب ستايل ليكي هو الموديل القصير لانه هيحدد منطقة الوسط وهيدي حجم اكبر للصدر, لكن لو جسمك تفاحي او كيرفي, ستايل الجاكيت الطويل هيكون هو الانسب ليكي, بالنسبة للجسم شكل الساعة الرملية ممكن تجربي الفيست بدل الجاكيت.

حطي اللون في اعتبارك:

لو قلقانة مش شكل الجاكيت على جسمك ومش متأكدة منه اوي ممكن تختاري الالوان الغامقة زي الاسود, الازرق, الفحمي, او اختاري اختيار كلاسيك زي البني او اللون التان, بالاضافة كمان ان الالوان دي هتقدري تنسقيها تقريبا على كل حاجة عندك في الدولاب, والالوان الفاتحة كمان من الالوان المشرقة جدا الملفتة للانتباه فلو عايزة تبقى مميزة وملفتة اختاري جاكيت باللون الفاتح.

اعملي توازن في اللوك بتاعك:

لان الجاكيت ال Puffer بيبقى ضخم او حجمه كبير هتحتاجي ان توازني اللوك بتاعك من خلال انك تنسقي عليه قطعة تكون على قد الجسم مش واسعة, على سبيل المثال ممكن تلبسيه مع بنطلون جينز سكيني, او تلبسيه على فستان واخد شكل الجسم, او على لينجنج مع بوت عالي لحد الركبة.

نصايح للبس ال Puffer jackets:

– اتأكدي من اختيار جاكيت مناسب ليكي تماما, يعني ميكونش صغير اوي ومتعرفيش تتحركي فيه, ولا كبير اوي ويخلي اللوك بتاعك مش حلو.

– ضيفي خامات مختلفة للوك بتاعك, سواء صوف او جلد او فرو اللي دايما بيضيف اناقة للوك.

– نسقي الطبقات بعناية, اختاري الطبقات الرقيقة اللي تكون اطول من الجاكيت بحاجة بسيطة هتديكي لوك احلى.

– كملي اللوك بتاعك بالسكارف والقبعات والبوت اللي هتدي اللمسة النهائية الانيقة لمظهرك.

تعالوا نشوف بالصور افكار ستايلات للبس ال Puffer jackets:

ستايلات للكريسماس والسنة الجديدة من مجموعة المصممة نوران محمد

ستايلات للكريسماس والسنة الجديدة