لون ال Mulled wine من اكتر الالوان التريندي للشعر ل 2019
لما بنفكر نعمل نيولوك جديد او نغير في شكلنا, اول حاجة بتيجي في بالنا هي تغيير لون الشعر, تغيير لون الشعر من ابسط الحاجات اللي ممكن تغير اللوك وتجدده, ومن اكتر الالوان التريندي ل 2019 هو لون شعر Mulled wine, تعالوا نشوف مع بعض بالصور افكار ازاي تعملي اللون, ونصايح تحطيها في اعتبارك لما تيجي تصبغيه.
نصايح لما تيجي تعملي لون شعر Mulled wine:
اللون ده مناسب جدا للبنت الجريئة واللي بتحب دايما تجرب الحاجات الجديدة, فلو قررتي انك تصبغي شعرك باللون ال Mulled wine حطي في اعتبارك النصايح دي.
– اللون الاحمر من الالوان الصعبة شوية اللي الشعر مش بيلقطها بسهولة خصوصا لو شعرك غامق, عشان كده لو انتي شعرك اسود او بني غامق هتبقي محتاجة تفتيح قبل الصبغة, لانك لو عملتي اللون على طول مش هتطلع معاكي الدرجة اللي انتي عايزاها.
– بما ان الصبغة بتنشف الشعر شوية, يبقى لازم تحطي في اعتبارك انك تعملي تغيير جذري في روتين العناية بشعرك, لو هتعمليه بره يبقى ممكن تاخدي من المتخصص اللي هيعملك نصايح وتوصيات لمنتجات للشعر, ولو في البيت حاولي تركزي على الماسكات الاسبوعية المرطبة للشعر, ومنتجات الشعر المناسبة لنوع شعرك.
– لو لسه خايفة من اللون الاحمر الساخن ومترددة تعمليه, ممكن تعتمدي على تكنيك الاومبري, حطي اللون على نهايات الشعر بس, او تعملي هايلايت بس باللون, هتديكي نتيجة مرضية وهتغير في اللوك بتاعك.
– استخدمي منتجات الشعر المعمولة مخصوص للشعر المصبوغ, سواء الشامبو او البلسم او ماسك الشعر, عشان تحافظي على الشعر صحي.
– قبل ما تعرضي الشعر لاي حرارة سواء سيشوار او مكوى, استخدمي منتج حامي من الحرارة, وحاولي انك تتجنبي الحرارة على الشعر قدر الامكان.