7 طرق سهلة وفعالة تخلي المانيكير بتاعك ينشف اسرع

ريهام محمود
ريهام محمود
في
أظافر
2101

لو بتحبي المانيكير لكن في نفس الوقت بتزهقي من انتظاره انه ينشف, وخصوصا لو مستعجلة وعايزاه ينشف بسرعة وميتلخبطش منك, عشان كده النهاردة هنقولك 7 طرق سهلة وفعالة هتساعدك على تسريع تجفيف المانيكير.

تسريع تجفيف المانيكير:

1- المية الباردة:

غمس الضوافر في مية سقعة فيها تلج, تعتبر الطريقة الاكتر فعالية لتجفيف المانيكير بشكل اسرع.

– كل اللي هتحتاجيه طبق فيه مية باردة, ومكعبات تلج, قبل ما تبدأي تحطي المانيكير, هاتي طبق وامليه مية سقعة وحطي فيها مكعبات تلج, وبمجرد ما تخلصي المانيكير على الضوافر كلها, استني حوالي من 2 – 3 دقايق عشان تدي فرصة للمانيكير ينشف شوية وبعدها حطي ضوافرك في طبق المية السقعة لمدة من 3 – 5 دقايق, اول ما تطلعي ايدك من المية هتلاقي نقط المية على سطح الضوافر, ده معناه ان المانيكير نشف خالص.

– وممكن كمان تستخدمي الفريزر, بعد ما تحطي المانيكير حطي ايدك جوه الفريزر لمدة دقيقتين, الحرارة المنخفضة هتساعد ان المانيكير انه ينشف بسرعة بنفس فكرة المية السقعة.

– وممكن كمان تحطي المانيكير نفسه قبل ما تستخدميه في الفريزر لمدة ربع ساعة بس, فرق درجات الحرارة بين المانيكير والضوافر هيساعد انه ينشف بشكل اسرع.

تسريع تجفيف المانيكير 1
تسريع تجفيف المانيكير 1

2-استخدمي السيشوار:

كل اللي هتحتاجيه سيشوار, اظبطيه على اقل درجة اللي هي ابرد حاجة, بمجرد ما تخلصي المانيكير على الضوافر كلها, حركي السيشوار حوالين الضوافر في حركات دائرية صغيرة لمدة من 2 – 3 دقايق, بس اتأكدي ان السيشوار ميكونش قوي اوي او قريب اوي من الضوافر, عشان متعملش تموجات على المانيكير وتبوظه.

تسريع تجفيف المانيكير 2
تسريع تجفيف المانيكير 2

3- رش زيت طبخ او مثبت شعر:

زيت الطبخ الغير قابل للالتصاق يعتبر طريقة فعالة جدا لتجفيف المانيكير بسرعة, وكمان مثبت الشعر هيقوم بنفس المهمة لو مش متوفر عندك الزيت.

كل اللي هتعمليه بعد ما تخلصي المانيكير على الضوافر كلها, استني من دقيقتين لتلات دقايق لحد ما المانيكير ينشف شوية, وامسكي السبراي بعيد عن الضوافر بمسافة 30 سم ورشيه على الضوافر كلها, وبعدها استني لمدة دقايق وبعدين اغسلي ايدك بمية باردة.

تسريع تجفيف المانيكير 3
تسريع تجفيف المانيكير 3

4- استخدام زيت الزيتون:

زيت الزيتون كمان من الحاجات اللي بتساعد على تسريع تجفيف المانيكير, انقعي ضوافرك في زيت الزيتون لمدة دقيقتين هيخلي المانيكير ينشف اسرع, وممكن كمان تستخدمي بدل زيت الزيتون زيت عباد الشمس, زيت جوز الهند, او زيت الاطفال.

تسريع تجفيف المانيكير 4
تسريع تجفيف المانيكير 4

5- اشتري سبراي او نقط التجفيف:

دلوقتي بقى متوفر سبراي ونقط بتساعد على تسريع تجفيف المانيكير وتقريبا بتقلل الوقت للنص, والمنتجات دي مش بس بتساعد على تجفيف المانيكير بشكل اسرع لكن كمان بتدي لمعة للضوافر, وبتغذي الجلد اللي حوالين الضوافر.

تسريع تجفيف المانيكير 5
تسريع تجفيف المانيكير 5

6- حطي طبقة مانيكير رقيقة:

بالمقارنة مع الطبقات السميكة, هتلاقي انك لو حطيتي طبقات رقيقة فوق بعض هتدي فرصة لكل طبقة تنشف اسرع عن لما تكون الطبقة سميكة, كمان طريقة الطبقات دي بتخلي شكل المانيكير يطلع احلى ومتساوي اكتر عن لو حطيتي طبقة واحدة سميكة.

تسريع تجفيف المانيكير 6
تسريع تجفيف المانيكير 6

7- اضافة Top coat لتسريع التجفيف:

زي ما قولنا فوق في منتجات سواء سبراي او نقط لتسريع تجفيف المانيكير, في كمان انواع Top coat بتكون معمولة مخصوص عشان تخلي المانيكير ينشف اسرع, ومش بس دي وظيفتها لكن كمان بتدي لمعة للضوافر, وبتمنع تشقق المانيكير, وبتخليه يدوم فترة اطول, وده هتلاقيه متوفر في الصيدلية بسعر رخيص.

تسريع تجفيف المانيكير 7
تسريع تجفيف المانيكير 7

نتمنى ان الحيل والطرق دي تساعدكم في تجفيف المانيكير بشكل اسرع, واللي ليها تجربة مع طريقة مختلفة وفعالة ممكن تشاركها معانا.

8 اسرار عشان تحصلي على مانيكير مثالي

اسرار لمانيكير مثالي
اسرار لمانيكير مثالي

مقالات متعلقه

موضة تصاميم والوان المانيكير لموسم الربيع

موضة تصاميم والوان المانيكير لموسم الربيع

بمكون واحد من مطبخك هيساعدك على تطويل وتبييض ضوافرك

بمكون واحد من مطبخك هيساعدك على تطويل وتبييض ضوافرك

افضل 8 فيتامينات وعناصر مغذية لاظافر صحية وقوية

افضل 8 فيتامينات وعناصر مغذية لاظافر صحية وقوية