ستايلات للكريسماس والسنة الجديدة من مجموعة المصممة نوران محمد
في
موضة وأزياء
1489
نوران محمد هي مصممة مصرية من المصممات المميزات اللي بتهتم بلبس المحجبات وغير المحجبات, والنهاردة معانا ستايلات للكريسماس والسنة الجديدة من احدث مجموعة ليها.
هنلاقي المجموعة منوعة ما بين الفساتين الطويلة والميدي, والبنطلون الجينز والليجنج على البلوزات القصيرة او السويتر دريس.
وهنلاحظ ان خامة القطيفة هي الطاغية جدا على المجموعة, وزي ما احنا عارفين ان القطيفة رجعت تريندي تاني للشتا من الموسم اللي فات.
والجواكيت اتنوعت ما بين الجاكيت القطيفة, والجاكيت المطبوع من على الصدر.
هنلاقي كمان انها استخدمت الكم الجرس في اغلب تصميماتها سواء للبلوزات او الفساتين.