ايه هي الهرمونات المسؤولة عن زيادة نمو الشعر ومنع تساقط الشعر؟ وازاي تعالجي التساقط

بقلمريهام محمود فيشعر visibility7498

اكيد هتسألي نفسك ازاي ممكن الشعر يكون مرتبط بالهرمونات, لكن الحقيقة ان في بينهم ارتباط, وعدم توازن الهرمونات ممكن يسبب لتساقط الشعر وعدم نموه, والنهاردة من خلال السطور الجايه هنتعرف على الهرمونات المسؤولة عن صحة الشعر, وازاي تحافظي عليها متوازنة عشان تحافظي على صحة شعرك وتزودي نموه وتمنعي التساقط.

الهرمونات المسؤولة عن صحة الشعر:

هل عدم التوازن الهرموني وتساقط الشعر مرتبطين؟

في اسباب كتير لتساقط الشعر, وكل شخص بيختلف عنده الاسباب عن التاني عشان كده لازم ندور على السبب ورا تساقط الشعر, والاختلال الهرموني هو واحد من الاسباب الرئيسية لتساقط الشعر, الهرمونات بتتغير كتير خلال حياتنا, وبالتالي ده ليه تأثير مباشر على جودة وصحة الشعر, زي مثلا الست وقت الحمل بتعاني من عدم توازن هرموني بيأدي لتساقط الشعر خلال ال 9 شهور بتوع الحمل, وبمجرد ما تولد بترجه الهرمونات لمستوياتها الطبيعية, كمان وقت انقطاع الدورة الشهرية بيحصل اختلال هرموني بيسبب لتساقط الشعر, ولكن انقطاع الدورة الشهرية والحمل مش معناهم انك مش هتقدري تمنعي تساقط الشعر, لكن اكيد تقدري من خلال العمل على توازن الهرمونات التلاتة اللي بتأثر بشكل رئيسي على نمو الشعر وهي هرمون الغدة الدرقية, هرمون الاستروجين, والبروجسترون.

تساقط الشعر والهرمونات:

ايه هو الهرمون المسؤول عن تساقط الشعر؟ كان دايما شائع ان ارتفاع مستوى هرمون التستوستيرون هو من اسباب تساقط الشعر والصلع عند الرجال والنساء, لكن الدراسات كشفت مؤخرا ان المسؤول عن تساقط الشعر هو هرمون ال DHT اللي ممكن يأدي لضعف بصيلات الشعيرات, عشان كده لو لقيتي اي فراغات كبيرة في فروة الراس مافيهاش شعر, ضروري تستشيري دكتور غدد صماء لانها ممكن تكون مشكلة مرتبطة بهرمون ال DHT وتاخدي ليها علاج طبي.

تساقط الشعر كمان ممكن يحصل بسبب اختلال توازن هرمون الغدة الدرقية وخلال فترة الحمل زي ما قولنا فوق.

الهرمونات المسؤولة عن صحة الشعر
الهرمونات المسؤولة عن صحة الشعر

نمو الشعر الزائد والهرمونات:

من المثير للاهتمام ان زيادة هرمون الذكورة او الاندرو جينات في جسم المرأة ممكن يأدي للصلع الذكوري بالاضافة كمان لنمو زايد في شعر الجسم, والحالة دي معروفة باسم “الشعرانية”.

كمان متلازمة المبيض متعدد التكيسات هي حالة هرمونية بتأثر على كتير من النساء, واللي بيعانوا من المشكلة دي هنلاقي عندهم مشكلة الشعر المفرط على الجسم والوش, وبتأثر على نمو الشعر على فروة الراس بشكل سلبي بسبب الاختلال الهرموني.

فقدان الوزن او زيادة الوزن بمعدل كبير كمان ممكن تأثر على نمو الشعر, ومشاكل الدورة الشهرية كمان تعتبر من الاثار الجانبية لمشكلة متلازمة المبيض المتعدد التكيسات, كل لمشاكل دي ممكن تأثرعلى نمو الشعر.

الهرمونات المسؤولة عن صحة الشعر
الهرمونات المسؤولة عن صحة الشعر

نمو الشعر الطبيعي وازاي الهرمونات بتلعب دور في ده؟

بعد ما عرفنا ايه اللي ممكن يسبب تساقط الشعر ونمو الشعر الزائد, دلوقتي هنعرف ايه اللي ممكن يأثر على نمو الشعر بشكل طبيعي, والهرمونات ليها دور مهم في ده سواء بشكل مباشر او غير مباشر.

– هرمونات الجونادوتروبين: من الهرمونات المهمة جدا, بيتم انتاج هرمون  FSH او الهرمون المنبه وهرمون التوتون من خلال الغدد التناسلية, اللي ليها دور مباشر في انتاج التستوستيرون والاستروجين عند الرجال والنساء, الهرمونات دي بتتفاعل مع البروجسترون وبتأثر على طريقة نمو الشعر, والجونادوتروبين ليها دور غير مباشر في نمو الشعر لانها بتنتج كل الهرمونات اللي احنا قولناها دي كلها واللي بتأثر بشكل مباشر على نمو الشعر.

– هرمون الغدة الدرقية: زي كل الهرمونات اللي احنا قولناها, هرمون الثيروكسين مش بيأثر بشكل مباشر على نمو الشعر, لكن مع ذلك نقص الهرمون ده ممكن يأدي لنقص افراز الغدة الدرقية وتساقط الشعر.

– الاندروجينات: زي ما قولنا ان الهرمونات دي ليها تأثير مباشر على الشعر, والاندروجينات هي هرمونات ذكورية بيتم انتاجها بكميات مختلفة عند الرجالة والستات, والافراط في انتاجها بيأدي للافراط في انتاج نمو الشعر في الجسم والوش, وبتأدي للصلع عند الستات والرجالة.

كمان من الحاجات اللي ممكن تأدي لتساقط الشعر ضعف هضم البروتين في الجسم, ممكن نظام غذائي خالي من الفيتامينات المهمة مع مستويات عالية من التوتر يسبب انخفاض في افراز حمض الهيدروكلوريك في المعدة, والمعدة مش هتقدر تمتص البروتين واللي هيأدي بدوره لتساقط الشعر.

الهرمونات المسؤولة عن صحة الشعر
الهرمونات المسؤولة عن صحة الشعر

طريقة علاج تساقط الشعر بسبب عدم التوازن الهرموني:

1- استخدمي Rogaine:

روجين هو علاج طبي لنمو الشعر ومنع التساقط, ويعتبر علاج فعال جدا لعلاج عدم التوازن الهرموني وتساقط الشعر, والمنتج ده تمت الموافقة عليه من ادارة الغذاء والدواء الامريكية ومصرح بيه, ويعتبر علاج رائع جدا لمشكلة تساقط الشعر, ممكن تستخدميه كشامبو 3 مرات في الاسبوع, او تحطيه بشكل مباشر على فروة الراس وتدلكيه كويس, ومتستخدميش كمية كتر من ملليتر, استخدميه بالطريقة دي مرتين في اليوم عشان توصلي لافضل النتايج.

الهرمونات المسؤولة عن صحة الشعر
الهرمونات المسؤولة عن صحة الشعر

2- اشربي مية كتير:

الاشخاص اللي مش بيشربوا مية كتير معرضين لاختلالات هرمونية اكتر, حاولي تشربي من 10 – 12 كوباية مية في المية دي تعتبر انسب محتاجها الجسم يوميا, وافتكري تشربي كوباية مية قبل وبعد التمارين الرياضية لو بتمارسي رياضة, وقبل النوم واول ما تصحي, المية هتساعد على طرد السموم من الجسم وهيأثر بشكل ايجابي على على كل حاجة في الجسم.

الهرمونات المسؤولة عن صحة الشعر
الهرمونات المسؤولة عن صحة الشعر

3- جربي علاجات طبيعية لتخفيف التوتر والاجهاد:

في علاجات كتير للتوتر والاجهاد تقدري تعتمدي عليها, زي اليوجا والسباحة والتأمل, كل اللي عليكي بس تختاري اللي المناسب ليكي او اللي تفضليه اكتر, لكن اليوجا والتأمل من الاختيارات اللي بنرشحهالك بقوة لان ليها تأثير فعال جدا, ومعظم الاشخاص اللي بيمارسوا التأمل بشكل يومي هنلاقي دايما شعرهم اقوى وصحي اكتر.

الهرمونات المسؤولة عن صحة الشعر
الهرمونات المسؤولة عن صحة الشعر

4- ممارسة الرياضة بانتظام:

المفروض تمارسي الرياضة لمدة من 30 – 40 دقيقة خمس مرات كل اسبوع لجسم وشعر صحي, ممكن تجمعي ما بين تمارين الكارديو وتمارين القوة, هيساعدوا على توازن الهرمونات وزيادة الدورة الدموية لجسمك وفروة راسك.

الهرمونات المسؤولة عن صحة الشعر
الهرمونات المسؤولة عن صحة الشعر

5- اتخلي عن كل العادات الغير صحية:

لازم تتخلي عن كل العادات الغير صحية, التوقف عن التدخين واكل الوجبات في وقت متأخر بالليل والدهون الزيادة والكربوهيدرات, ده اكيد هيساعد على تحسين اسلوب حياتك, وده هينعكس بشكل ايجابي على صحة الشعر ويخليه اقوى وينمو شكل طبيعي.

الهرمونات المسؤولة عن صحة الشعر
الهرمونات المسؤولة عن صحة الشعر

6- نامي كويس:

عشان تحققي توازن الهرمونات وتوقفي تساقط الشعر, لازم تنامي كويس وعدد ساعات كفاية من 7 – 8 ساعات كل يوم, ده هيسمح لانظمة الجسم تشتغل بشكل صح.

الهرمونات المسؤولة عن صحة الشعر
الهرمونات المسؤولة عن صحة الشعر

7- تغيير نظامك الغذائي:

حاولي تقللي من اللحوم الحمرا, واستبدليها بالفواكه والخضروات والحبوب الكاملة واللحوم الخالية من الدهون, التغيرات دي هتساعد جسمك على تحقيق التوازن بين مستويات الهرمونات بشكل احسن, وده بدوره هيخلي شعرك صحي اكتر وهيوقف التساقط.

الهرمونات المسؤولة عن صحة الشعر
الهرمونات المسؤولة عن صحة الشعر

نصايح غذائية:

– استخدمي خل التفاح مع الاطعمة الغنية بالبروتين لتقليل تساقط الشعر وتحفيز نمو الشعر.

– اتجنبي كل السكريات والمواد الغذائية المصنعة ومنتجات الالبان في نظامك الغذائي, لان ده بيأدي لتساقط الشعر.

– كلي بيض كامل مع الصفار عشان تحافظي على امتصاص الجسم للبيوتين بشكل صحيح.

– كلي الاطعمة الغنية بالسيليكا زي الكرفس, الكرنب, والفلفل الحلو الاحمر والاخضر, البطاطس, الخيار, الفراولة, الشعير, القمح, الشوفان, الارز.

– انقعي المكسرات والبقوليات في مية مضاف ليها كام نقطة من خل التفاح لمدة 8 ساعات قبل اكلها.

– حاولي تدخلي البيض ولبن جوز الهند والارز البني والتوت والبروتين في نظامك الغذائي اليومي.

يعتبر النظام الغذائي الصحي والمتوازن هو الخطوة الاولى في تحسين صحة الشعر, ومع ذلك لو مافيش اي حاجة من الطرق الطبيعية جابت نتيجة, او حسيتي ان تساقط الشعر بشكل مفرط يبقى في الحالة دي ضروري تستشيري دكتور الجلدية.

الهرمونات المسؤولة عن صحة الشعر
الهرمونات المسؤولة عن صحة الشعر

وصفة طبيعية هتوقف تساقط الشعر وهتخلي شعرك ينمو بشكل سريع

وصفة طبيعية لعلاج تساقط الشعر