افكار مكياج للكريسماس ورأس السنة تجربيهم الموسم ده
في يوم الكريسماس ورأس السنة اكيد مكياجك ميقلش اهمية عن اختيار فستان السهرة ومكان الخروج والهدايا, عشان تطلعي بلوك مثالي, والنهاردة من خلال موضوعنا هنشوف مع بعض بالصور مجموعة افكار مكياج للكريسماس تقدري تختاري منها اللي يناسبك اكتر, واللوك مش بس للكريسماس لكن كمان مثالية جدا لاي مناسبة خاصة.
افكار مكياج للكريسماس:
1- عيون دهبي جليتر وروج احمر:
من اكتر اللوك المناسبة جدا للكريسماس هي مكياج العيون الدهبي الجليتر مع الروج الاحمر, دي من اكتر الالوان المرتبطة بموسم الاعياد واحتفالات الكريسماس, استخدمي ايشادو بدرجات البني الشوكولاتة على تنية العين وعلى الزاوية الخارجية مع البني الفاتح على الجفن كله, وفي الاخر استخدمي الجليتر الدهبي.
2- سموكي ايز درامتيكية:
السموكي ايز كمان من اللوك المناسبة جدا للكريسماس.
3- عيون بالاخضر الغامق:
الايشادو الاخضر من الالوان الجريئة جدا للمكياج, بس المهم انك تختاري درجة الاخضر المناسبة للون بشرتك ولون شعرك, وتطبقيه بشكل صح على العين.
4- عيون دهبي غامق مع روج غامق:
اللوك ده هيكون مناسب اكتر للعيون الواسعة والشفايف الكبيرة, لان معروف ان الالوان الغامقة بتصغر, فلو انتي عيونك ضيقة وشفايفك صغيرة ابعدي عن اللوك ده.
5- جليتر على تنية العين:
الجليتر على تنية العين, من الحاجات التريندي جدا في المكياج, بس مهم انك تظبطيه على تنية العين بالظبط, يعني لو اول مرة بتعمليه اتمرني عليه اكتر من مرة في البيت لحد ما تظبطيه قبل ما تخرجي بيه.
6- سموكي ايز بني مع ايلاينر جليتر:
لو مش حابه تعملي لوك سموكي باللون الاسود التقليدي, ممكن تستبدليه باللون البني, مع ايلاينر اسود وترسمي عليه خط بالجليتر عشان تديه اضاءة حلوة.
7- عيون دهبي وشفايف نيود:
الروج النيود ضروري جدا انها تتحط على شفايف شكلها حلو وناعم عشان يبان احلى, قشري الاول الشفايف باي مقشر ممكن تعملي سكر وزيت زيتون او سكر وعسل, وبعد ما تقشريهم حطي زبدة كاكاو واديها فرصة كام دقيقة الشفايف تمتصهم وبعدين حطي الروج هيطلع حلو وناعم جدا على الشفايف.
8- سموكي ايز اسود مع الجليتر:
عشان تعملي لوك مختلف ليوم احتفال الكريسماس متكتفيش بالسموكي الاسود التقليدي, ممكن تضيفي لمسة جليتر عشان تديه اضاءة, وممكن تستخدمي بدل الاسود اللون الرمادي, البني, الرمادي الغامق, الاخضر, او الازرق, ايا كان اللون اللي هتستخدميه فوق العين مجرد ما تحطي له لمسة جليتر هيديكي لوك مختلف واضاءة فورية للعين.
9- روج عنابي مات:
لو مش بتحبي الروج اللي بيلمع ممكن تستخدمي روج مات بلون عنابي, مع عيون بلون دهبي بتلمع.
10- ايلاينر سيلفر جليتر مع روج احمر:
لو عايزة لوك جديد ومختلف ممكن تستخدمي ايلاينر اسود مع خط جليتر سيلفر, وكملي اللوك بالروج الاحمر.
11- عيون سموكي اخضر زمردي:
في اللوك ده في دمج ما بين اللون الاخضر الزمردي مع اللون البني, اهم حاجة انهم تدمجيهم مع بعض بحيث الاتنين يكونوا واضحين على العين مافيش لون يغطي على التاني.
12- التركيز على الهايلايتر:
اللوك ده التركيز فيه على الهايلايتر عشان تدي اضاءة للوش مناسبة لاجواء الاحتفال, استخدمي الهايلايتر فوق عضمة الخدين, ومنتصف الانف, عند عضمة الحاجب, وفي الزاوية الداخلية للعين.
13- عيون دهبي وبني:
دمج الدهبي مع البني من اللوك المناسبة جدا للاحتفالات والكريسماس, حطي الدهبي على الزاوية الداخلية للعين, والبني الغامق على الزاوية الخارجية للعين, ودمجهم مع بعض.
14- التركيز على الرموش:
اللوك ده التركيز فيه على الرموش الصناعية عشان تكملي لوك مكياج العين بتاعك, وعشان الرموش تطلع متنية لفوق وتديها طول اكتر وتظهر العين اكتر, ممكن تعملي حيلة بسيطة تلفي الرموش على ابهامك شوية قبل ما تركبيهم ده هيديهم انحناء لفوق اكتر.
15- عيون وشفايف مات:
لو انتي مش من محبات اللمعة في المكياج, اللوك ده هيكون مناسب ليكي جدا, استخدمت فيه ايشادو وروج مات.
16- عيون بلون بني مات مع لمسة دهبي بتلمع:
لو عايزة تعملي اضاءة ناعمة او لمسة بسيطة لمكياج العيون المات, ممكن تستخدمي لون دهبي بيلمع على الزاوية الداخلية للعين بس, هتكون كافية جدا انها تدي اضاءة للعين وتوسعها, وهتخلي العين مثالية لجو الاحتفالات.
17- مكياج عيون للعيون الزرقا:
الايشادو الاصفر الدهبي من الالوان المناسبة اوي للعيون الزرقا, وممكن تدمجي مع الدهبي لمسة باللون الوردي او الارجواني.
18- عيون دهبي جليتر مع روج بينك:
لشفايف كبيرة وممتلئة استخدمي روج باللون البينك الفاتح, وعشان تديها حجم اكبر وتظهريها, ممكن تعملي خدعة بسيطة عشان تعكسي عليها الاضاءة وتحطي لمسة ايشادو فاتح بيلمع على نص الشفة السفلية, وممكن تضيفي لمسة هايلايتر على قوس كيوبيد.
19- لوك مكياج كلاسيك:
للوك كلاسيكي اوي, استخدمي الايشادو الدهبي, مع ايلاينر سائل, وروج احمر مات.
20- عيون دهبي مع روج ارجواني:
استخدام لون الروج الغامقة دايما تعتبر من اللوك الجريئة, جربي الروج الارجواني او البرقوقي الغامق, او اختيار اي لون روج غامق تاني المهم يكون مناسب للون بشرتك.
21- لوك كريسماس بسيط:
كمان اللوك ده اتعمد على الجليتر الدهبي مع الايشادو البني, مع روج مات.
22- جليتر سيلفر مع روج احمر مات:
للوك براق ومشرق استخدمي الجيتر السيلفر على الجفن كله, وكملي اللوك مع لون روج احمر مات.
23- ايلاينر سميك مع سموكي ايز بني:
في اللوك ده التركيز على رسمة الايلاينر بلون اسود فحمي بخط سميك, مع سموكي باللون البني.
24- عيون نحاسي مضيئة مع روج احمر غامق:
اعملي لوك دافي مناسب لموسم الشتا, باستخدام ايشادو نحاسي دهبي, مع خط جليتر دهبي على تنية الجفن.
25- ايلاينر جليتر دهبي:
لعيون مشرقة ارسمي خط جليتر دهبي فوق رسمة الايلاينر باللون الاسود, ومزج اللون الاخضر الغامق على الجفن السفلي مع خط ايلاينر باللون التركواز, وللوك جريء اكتر ممكن تختاري درجة اخضر افتح واكتر حيوية.
26- سموكي ايز احمر مات:
اللون الاحمر من الالوان الاساسية للاعياد واحتفالات الكريسماس, ولو اللون الاحمر اللي بيلمع مش مناسب ليكي, ممكن تجربي اللوك ده وتستخدمي الاحمر الغامق المات ودمجه بالتدريج مع الاسود, وعشان تدي العين لمسة مضيئة بسيطة ممكن تستخدمي ايشادو دهبي بيلمع على الزاوية الداخلية للعين بس.
27- عيون سباركلي او براقة:
لو بتدوري على لوك براق ناعم جربي اللوك ده, ادمجي الفضي اللامع بالتدريج مع درجات ايشادو غامقة, واللوك ده مثالي جدا لاحتفالات الكريسماس ورأس السنة ولاي مناسبة خاصة.
28- عيون دهبي:
لو عايزة لوك سهل, اللوك ده مثالي جدا, هتحطي الايشادو والايلاينر بتاعك باي الوان تختاريها مناسبة ليكي, وتنهي اللوك بلمسة جليتر دهبي.
29- عيون وشفايف مات:
لوك مات تاني لكل اللي مش بيحبوا اللي بيلمع او شايفين انه مش مناسب ليهم, واللوك هنا استخدمت فيه درجات الارجواني المات للعيون والشفايف.
30- سموكي ايز بينك مع جليتر سيلفر:
لو عايزة لوك سموكي ناعم وعايزة تبعدي عن الالوان الغامقة, اللوك ده هيكون مناسب ليكي جدا, عملت السموكي باللون البينك مع جليتر سيلفر.
31- عيون دهبي مضيئة:
مستمرين مع اللون الدهبي اللي يعتبر لون اساسي لاحتفالات الكريسماس ورأس السنة.
32- عيون روز جولد مع ايلاينر اسود:
لو مش عايزة تستخدمي الدهبي الصريح على جفن العين كله, ممكن تعتمدي على اللون الروز جولد مع ايلاينر اسود وفوقيه خط جليتر دهبي.
33- عيون جليتر غامق مع روج احمر:
لوك تاني مضيء وبراق مناسب لاحتفالات الكريسماس ولكن باستخدام جليتر بلون رمادي غامق, وكملي اللوك مع الروج الاحمر المات.
34- عيون مضيئة:
استخدمي الجليتر الفضي مع اي الوان ايشادو تختاريها, والفكرة هنا في اللوك ده انها استخدمت الجليتر تحت الجفن السفلي للعين.
35- لوك Vintage:
للوك Vintage استخدمي الايشادو المضيء مع ايلاينر اسود كلاسيك سميك, وعلى الجفن السفلي حطي ايلاينر ابيض مش بس هيديكي لوك كلاسيك لكن كمان هيدي وسع للعين.
36- عيون جليتر مع روج احمر غامق:
هنلاحظ ان اغلب اللوك تقريبا استخدمنا فيها الجليتر لانه من الحاجات المناسبة جدا لجو احتفالات الكريسماس وراس السنة او للمناسبات الخاصة, مع الروج الاحمر الغامق.
37- عيون فضي بتلمع:
اللون الفضي مع الايلاينر الاسود من اللوك الجريئة والمناسبة جدا لجو الاحتفالات, وكملي اللوك بتاعك بلون روج احمر للوك جريء, او بلون نيود او بينك للوك ناعم وخفيف, وفي الحالتين اللوك هيطلع حلو جدا.
38- عيون سموكي بني مات:
لوك تاني مات للعيون باستخدام الايشادو البني, والسموكي البني من الالوان الدافية والتريندي اللي هتكون حلوة جدا لاي مناسبة.
39- عيون مضيئة:
اللوك ده سوبر سباركلي او مضيء اوي, لو بتحبي اللوك اللي بيلمع اوي ده هيكون مناسب ليكي جدا, استخدمي الجليتر مع الايلاينر الاسود على الجفن اللي فوق, مع ايلاينر تركواز للجفن السفلي.
40- جليتر دهبي مع ايلاينر غامق سميك:
لمحبين المكياج الدهبي لوك تاني بالجليتر الدهبي الجريء مع رسمة ايلاينير بلون اسود غامق سميك, وكملي اللوك مع روج باللون النيود.
41- عيون باردة مع روج احمر:
للوك مستوحي من جو الشتا, اختاري الايشادو باللون الرمادي مع جليتر فضي, وكملي اللون مع روج باللون الاحمر الغامق, واللوك ده يناسب اي مناسبة خاصة.