ايه اللي هيحصل لو اكلتي 3 تمرات كل يوم لمدة اسبوع

بقلمريهام محمود فيصحة visibility3171

اثبتت الابحاث ان التمر مفيد جدا للصحة بشكل عام, وانك تقدري تستفادي من فوايده كلها من خلال اضافة 3 تمرات بس لنظامك الغذائي بشكل يومي لمدة اسبوع بس, والنهاردة من خلال موضوعنا هنقولكم فوايد التمر الصحية.

فوايد التمر الصحية:

التمر زي ما قولنا مفيد جدا للصحة وده لانه غني بالمعادن والالياف الصحية والفيتامينات وتقريبا كل 100 جرام من التمر بتحتوي على البوتاسيوم, المغنسيوم, وفيتامين B6, المنجنيز, الالياف, النحاس.

وبما ان التمر غني بالسكر تقريبا 66 جرام سكر لكل 100 جرام تمر, بننصح بتقليل السكر في باقي الاكل اللي بتستهلكيه بشكل يومي, تعالوا نعرف ايه اللي هيحصل للجسم لو ضيفتي 3 تمرات لنظامك الغذائي يوميا.

1- بيزود الطاقة:

التمر غني بالسكريات الطبيعية زي الجلوكوز والفركتوز والسكروز, والسكريات دي بتخلي التمر وجبة خفيفة وسريعة لزيادة الطاقة, لو اي وقت حسيتي انك مرهقة ومحتاجة طاقة على طول كلي كام تمره هتزود طاقة جسمك جدا بشكل فوري, لان الالياف اللي موجودة في التمر هتحافظ على طاقتك وهتخليكي نشيطة طول اليوم.

فوايد التمر الصحية
فوايد التمر الصحية

2- بيحسن الهضم:

التمر بيحتوي على كمية كبيرة من الالياف القابلة للذوبان, وده ضروري جدا لصحة الجهاز الهضمي, لان الالياف القابلة للذوبان بتساعد على سحب المية للجهاز الهضمي, وده بيساعد على علاج الامساك, والالياف كمان ضرورية لتحسين صحة القولون وحركة الامعاء, وبتقلل من خطر الاصابة بسرطان القولون, والتهاب القولون, والبواسير.

التمر كمان بيحتوي على البوتاسيوم اللي بيساعد في علاج الاسهال واضطراب المعدة, وبسبب كل الخصائص دي التمر يعتبر علاج بيساعد على توازن الجهاز الهضمي, كمان اللون ليه عامل كل الاكلات اللي لونها بني تعتبر مفيدة للمعدة.

وبصرف النظر عن كل الخصائص دي, التمر كمان بيعزز البكيتريا الجيدة في المعدة.

فوايد التمر الصحية
فوايد التمر الصحية

3- بيساعد في علاج ومنع الانيميا:

الانيميا او فقر الدم تعتبر من اكتر الامراض المنتشرة اللي بيعاني منها كتير من الناس, خصوصا بين النساء والاطفال, ولو عايزة حل للمشكلة دي بطريقة طبيعية التمر هيكون هو افضل اختيار, لانه غني بالحديد اللي بيزود مستويات الهيموجلوبين في الجسم, كلي التمر بشكل يومي بانتظام وهتلاحظي الفرق بنفسك.

فوايد التمر الصحية
فوايد التمر الصحية

4- بيقوي العضم وبيحميه:

التمر بيحتوي على السيلينيوم والمنجنيز والمغنسيوم, والمعادن دي مهمة جدا للحفاظ على العضم قوي وصحي, وكمان السيلينيوم اللي موجود في التمر مهم جدا, لان النظام الغذائي الغني بالسيلينيوم مفيد جدا في الوقاية من السرطان.

فوايد التمر الصحية
فوايد التمر الصحية

5- بيقلل من خطر الاصابة بالسكتة القلبية:

التمر بيحتوي على البوتاسيوم اللي ممكن يقلل من خطر الاصابة بالسكتات القلبية وبيخفض من الكوليسترول السيء اللي ممكن يتجمع على جدران الاوعية الدموية ويسبب انسداد الشرايين وبيزود خطر الاصابة بالنوبات القلبية.

فوايد التمر الصحية
فوايد التمر الصحية

6- بيعزز من صحة المخ:

اثبتت كتير من الدراسات ان التمر بيحتوي على كمية كبيرة من فيتامين B6 اللي بيساعد على تحسين اداء المخ وبيخليه حاد وفي حالة تركيز دايما, يعني لو عندك طفل في المدرسة اكليه تمر بانتظام بشكل يومي هيفيده جدا وينشط مخه.

فوايد التمر الصحية
فوايد التمر الصحية

7- بيحافظ على حمل صحي وبيسهل الولادة:

كتير من الدراسات اثبتت الفوايد الكبيرة جدا للتمر على النساء الحوامل, ووصلوا ان اكل التمر في ال 4 اسابيع الاخيرة قبل الولادة بيسهل الولادة جدا وبيقلل من اي مخاطر اثناء الولادة.

فوايد التمر الصحية
فوايد التمر الصحية

ملخص للفوايد الصحية للتمر:

– بيساعد في انقاص الوزن.

– بيمنع الاسهال.

– بيعزز صحة القلب, وبيقلل من خطر الاصابة بالسكتات القلبية والدماغية.

– بيمنع البواسير.

– بيساعد على الوقاية من سرطان القولون.

– بيساعد على التقليل من خطر الاصابة بالتهاب القولون.

– بيساعد على تسهيل الولادة.

– بيساعد على علاج ومنع الانيميا.

– بيساعد في خفض ضغط الدم.

– بيعزز صحة الجهاز التنفسي والجهاز الهضمي.

في النهاية التمر مفيد جدا للصحة العامة, ولما تيجي تختاري التمر اختاري النوع اللي بيكون مليان او منتفخ والجلد بتاعه فيه تجاعيد.

فوايد التمر الصحية
فوايد التمر الصحية

10 علامات تنبهك انك بتعاني من نقص الحديد..وازاي تعالجيه

علامات تنبهك لنقص الحديد
علامات تنبهك لنقص الحديد