دايت الليمون هيساعدك تخسي 9 كيلو في 14 يوم بس
كل البنات اللي عايزين يخسوا او يقللوا وزنهم دايما في حل بحث عن حلول للمشكلة دي, ولان مش دايما وصفة معينة ممكن تنفع مع كل الناس لان كل جسم بيختلف عن التاني في الاستجابة, فبتستمر حالة البحث دي لحد ما كل واحدة توصل للي يجيب معاها نتيجة, خصوصا ان الوصفات الطبيعية بتكون هي اامن حاجة للتخسيس بعيدت عن العمليات او حبوب التخسيس اللي ممكن يكون ليها تأثيرات جانبية لبعض الناس, واحنا عشان نساعد بنات حوا في المهمة دي دايما بنحاول ننقلكم اكتر الوصفات الفعالة للتخسيس, والنهاردة من خلال موضوعنا هنتعرف مع بعض على دايت الليمون لتخسيس الوزن اللي هيساعدك تخسي 9 كيلو في 14 يوم, وهنقولك تمشي عليه ازاي بشكل يومي خلال ال 14 يوم.
ودايت الليمون مش بس هيساعدك تخسي 9 كيلو في 14 يوم لكن هو كمان مفيد جدا للصحة بشكل عام, لانه بيساعد على ازالة السموم من الجسم.
طريقة دايت الليمون لتخسيس الوزن:
اليوم (1): هي عبارة عن كوباية مية معصور فيها ليمونة واحدة.
اليوم (2): شرب عصير ليمونتين في كوبايتين مية, ضيفي معلقة عسل صغيرة للعصير وقلبيها كويس قبل الشرب.
اليوم (3): عصير 3 ليمونات في 3 كوبايات مية, ضيفي معلقة صغيرة من العسل قبل الشرب.
اليوم (4): عصير 4 ليمونات في 4 كوبايات مية, ضيفي معلقة صغيرة عسل قبل الشرب.
اليوم (5): عصير 5 ليمونات في 5 كوبايات مية, ضيفي معلقة صغيرة عسل قبل الشرب.
اليوم (6): عصير 6 ليمونات في 6 كوبايات مية, ضيفي معلقة صغيرة عسل قبل الشرب.
اليوم (7): عصير 3 ليمونات في 10 كوبايات مية, ضيفي معلقة صغيرة عسل قبل الشرب.
اليوم (8): عصير 6 ليمونات في 6 كوبايات مية, ضيفي ½ معلقة صغيرة عسل قبل الشرب.
اليوم (9): عصير 5 ليمونات في 5 كوبايات مية, ضيفي ½ معلقة صغيرة عسل قبل الشرب.
اليوم (10): عصير 4 ليمونات في 4 كوبايات مية, ضيفي ½ معلقة صغيرة عسل قبل الشرب.
اليوم (11): عصير 3 ليمونات في 3 كوبايات مية, ضيفي ½ معلقة صغيرة عسل قبل الشرب.
اليوم (12): عصير ليمونتين في كوبايتين مية, ضيفي ½ معلقة صغيرة عسل قبل الشرب.
اليوم (13): عصير ليمونة في كوباية مية, ضيفي ½ معلقة صغيرة عسل قبل الشرب.
اليوم (14): عصير 3 ليمونات في 3 كوبايات مية, ضيفي معلقة صغيرة عسل قبل الشرب.
ملحوظة:
دايت الليمون مش بننصح بيه للاشخاص اللي بيعانوا من مشاكل في الجهاز الهضمي, ومش بننصح بيه كمان بعد الولادة مباشرة لانه دايت منخفض السعرات الحرارية جدا, وبالتالي ممكن يخليكي ضعيفة جدا فهيكون مش مناسب لفترة بعد الولادة اللي بتكوني محتاجة فيها تغذية كويسة.
ولو عندك وزن زيادة اوي اوعايزة تخسري وزن بسرعة ده هيكون انسب دايت ليكي للتخسيس وازالة السموم من الجسم بشكل طبيعي.
طريقة استخدام دايت الليمون:
– المفروض تشربيه كل يوم على معدة فاضية, قبل وجبة الفطار ب 45 دقيقة, وتشربي الكمية كلها مره واحدة, لكن لو في ايام مثلا ممكن تكوني هتشربي فيها كمية مية زيادة, ومش هتقدري تشربي المشروب على مرة واحدة ممكن تقسميه على فترات, بس المهم ان تخلصي الكمية قبل وجبتك الاولى.
– وجبة الفطار ضروري تكون غنية بالبروتين, ممكن تاكلي بياض بيض, شوفان, كينوا, او نص طبق من الفاكهة الطازة كوجبة فطار صحية.
– بالنسبة لوجبة الغدا ممكن تاكلي فراخ مشوية او سمك مشوي مع خضار مشوي, يعني اعتمدي على المشوي وابعدي عن الدهون.
– بالليل قبل العشا كلي فاكهة طازة او اشربي شاي اخضر, لان ده هيساعد في عملية ازالة السموم.
– وجبة العشا ممكن تاكلي طبق سلطة فراخ, او سلطة تونة مع شوربة مشروم.
– ولو انتي نباتية, ممكن تاكلي توفو مشوي مع الخضار, وحاجة مهمة لازم تكوني حطاها في بالك في نظامك الغذائي ان ايا كان اللي بتاكليه لازم تتأكدي انه غني بالبروتين سواء بروتين حيواني او نباتي.
بعد الانتظام على النظام ده لمدة 14 يوم هتلاحظي خسارة الوزن, وخصوصا دهون البطن.
دايت البروتين لانقاص الوزن..ازاي تعمليه وتخسري 7 كيلو في اسبوعين بس
