10 علامات تنبهك انك بتعاني من نقص الحديد..وازاي تعالجيه
الحديد معدن مهم جدا لصحتنا, لانه مطلوب لانتاج الهيموجلوبين, ويعتبر بروتين مهم لانتاج بيساعد على نقل الاكسجين لكل خلية في الجسم, ويعتبر نقص الحديد من اكتر الحاجات الشائعة جدا اللي بيتعرض لها كتير من الاشخاص, واكيد اسهل طريقة عشان تعرفي اذا كنتي بتعاني نقص حديد او لا هي عمل تحليل دم, لكن غير كده انتي تقدري تعرفي بنفسك ان جسمك بيعاني من نقص الحديد, من خلال علامات تنبهك لنقص الحديد في الجسم.
علامات تنبهك لنقص الحديد:
1- التعب:
يعتبر التعب من اكتر اعراض نقص الحديد الشائعة, لان خلايا الدم الحمرا بتساعد على نقل الاكسجين لكل اعضاء وانسجة الجسم, ونقصها بيسبب التعب الشديد والضعف.
2- بشرة شاحبة:
هل تعرفي ان اللون الوردي اللي في البشرة ده بسبب الحديد؟ لان الهيموجلوبين الموجود كرات الدم الحمرا بتساهم في لون بشرتنا, ونقص الحديد بيخلي خلايا الدم اصغر, وده بيخلي البشرة لونها شاحب, وفي طريقة تانية كمان اسهل عشان تعرفي لو في نقص الحديد من خلال فحص الجزء الداخلي للجفن السفلي, لو كان لونه فاتح ده معناه ان عندك نقص حديد ومحتاجة انك تزودي كمية الحديد في نظامك الغذائي.
3- الم في الصدر او صعوبة في التنفس:
لو بتعاني بالم مش طبيعي في الصدر او صعوبة في التنفس اثناء اي مجهود بدني, دي تعتبر علامة لنقص الحديد, لان انخفاض الهيموجلوبين في كرات الدم الحمرا بينتج عنه توزيع محدود للاكسجين في الجسم, وبسبب ده بيحاول الجسم انه يعوض نقص الاكسجين من خلال الحصول على اكسجين اضافي للجسم عشان يشتغل بشكل صحيح, وخلال العملية دي مش بنقدر نوصل للتنفس بشكل صح او بيحصل الم حاد في الصدر.
4- صداع او دوخة:
الحديد لما بيكون مش كفاية في الجسم ده ممكن يأدي للصداع بشكل مستمر, ونقص الحديد بيأدي لنقص الاكسجين في المخ, وده بيأدي لتضخم الاوعية الدموية في المخ وده في النهاية بيأدي للشعور بدوخة بسبب انخفاض ضغط الدم الناتج عن نقص الاكسجين في الجسم.
5- خفقان القلب:
خفقان القلب كمان ممكن يكون واحد من اعراض نقص الحديد, لان نقص الاكسجين في الجسم بيأدي لصعوبة عمل القلب بشكل طبيعي, وحالات النقص الشديدة ممكن تأدي لقصور في القلب, لكن مافيش داعي للقلق, لان خفقان القلب يعتبر من الاعراض المتأخرة لنقص الحديد يعني هتظهر اعراض تانية قبله تنبهك قبل ما توصلي للمرحلة دي.
6- تلف الشعر او الجلد:
الشعر والجلد من الاعضاء الثانوية في الجسم, بمعنى ان لو في كمية محدودة من الاكسجين في الجسم, هيتم توزيع الاكسجين الاول على الاعضاء المهمة وبعدين على الاعضاء الثانوية زي الشعر والجلد, وده بيخلي البشرة والشعر جافين جدا وشكلهم مش صحي, وعدم كفاية بروتين الفيريتين المسؤول عن تخزين وتوزيع الحديد في اجسامنا, بيسبب مشاكل الجلد والشعر.
7- تورم اللسان:
لما بنروح للدكتور دايما هنلاحظ ان اول حاجة بيفحصها هي اللسان, لان اللسان بيوضح وجود مشاكل صحية, لو اللسان وارم او ملتهب او لونه متغير, ده يعتبر مؤشر لنقص الحديد, وكمان التشققات داخل الفم تعتبر علامة لنقص الحديد.
8- الاظافر الجافة والهشة:
الاظافر الجافة والهشة تعتبر من الاعراض المتأخرة لفقر الدم, نقص الحديد ممكن يأدي لجفاف الاظافر ويخليها هشة وتتكسر بسرعة, او حتى يسبب تغيير في شكلها وتاخد شكل مسطح او مقعر.
9- الم الساقين:
العلامة دي تعتبر العكس هي علامة عن زيادة مستويات الحديد عن المستوى الطبيعي, لان ارتفاع مستوى الحديد هيأدي لانخفاض الدوبامين, وهي مادة كيميائية في المخ مسؤولة عن حركة الجسم, وهتأدي للاحساس بألم وعدم ارتياح في الجزء السفلي من الجسم بشكل خاص, وهيخليكي متحسيش براحة الا لو حركتي رجلك.
10- اضطراب في الاكل:
مستويات الحديد المنخفضة ممكن تأدي لاضطراب الاكل ويخليكي تحسي احيانا بالرغبة الشديدة في تناول مواد غير مغذية او غير صحية وغير تقليدية زي الطباشير والطينة وحاجات اصلا مش بتتاكل, والحالة دي معروفة باسم “بيكا”, والاستسلام ليها ممكن تخليكي تاكلي حاجات تسبب تسمم وضرر للجسم.
طرق علاج نقص الحديد:
– كلي الاطعمة الغنية بالحديد زي الكبدة, اللحمة الحمرا, والفراخ, السمك.
– كلي الاطعمة اللي بتحتوي على حمض الفوليك لانها بتوفر الاكسجين للجسم زي الافوكادو, البنجر, البروكلي, الفواكه بشكل عام.
– كلي الخضروات الورقية اللي لونها اخضر زي السبانخ, الملوخية, الجرجير, البقدونس.
– حافظي دايما على جبة الفطار لانها تعتبر اهم وجبة في اليوم وبتمد الجسم بالعناصر الغذائية اللي محتاجها.
– كلي الاطعمة اللي بتساعد على امتصاص الحديد زي الجوافة, والحمضيات زي البرتقان والليمون والجريب فروت, والطماطم, والجزر, والباذنجان, والفلفل الاخضر.
– تناول البقوليات لانها مصدر غذائي غني بالفيتامينات والبروتينات والاملاح والمعدنية والحديد.
– علاج فقدان الشهية, اولا لازم تعرفي سبب ضعف الشهية عشان تقدري تعالجيه.
– كلي الاطعمة اللي بتحتوي على فيتامين B12 لانه يعتبر مكمل غذائي وبيساعد على تكوين خلايا الدم الحمرا, ومهم لنمو وتطور الجسم, وهنلاقي ال B12 متوفر في المنتجات الحيوانية زي الجبن, والبيض, واللبن, والمحار.
– استخدام حبوب الحديد من الصيدلية لزيادة نسبة الحديد في الدم, وننصح انك تاخديها الصبح مع كوباية عصير برتقان او جوافة.
5 طرق لزيادة هرمون السيروتونين “هرمون السعادة” في المخ
