طرق عمل اشهر مشروبات الكوفي شوب في البيت

ريهام محمود
ريهام محمود
4035

لو انتي من عشاق المشروبات السخنة في الكوفي شوب المشهورة, النهاردة هنقولك طرق عمل اشهر مشروبات الكوفي شوب في البيت.

مشروبات الكوفي شوب:

1- مشروب Barcelona hot chocolate:

المكونات:

– 2/3 كوباية مية مغلية.

– 56 جرام شوكولاتة غامقة او حلوة حسب الاختيار مفرومة ناعم.

– 1 1/3 كوباية لبن قليل الدسم.

– 1 كوباية اسبرسو او قهوة قوية او تقيلة.

– ¼ كوباية كاكاو خام او غير محلى.

– ¼ كوباية سكر بني او ابيض.

– قطعة قشر برتقان مبشور.

– ¼ كوباية كريم شانتيه.

طريقة التحضير:

اخلطي المية المغلية مع الشوكولاتة المفرومة, قلبيهم مع بعض لحد ما الشوكولاتة تدوب خالص, بعد كده ضيفي اللبن والقهوة والكاكاو والسكر وقشر البرتقان المبشور, وحطيهم على نار من منخفضة لمتوسطة وقلبيهم لمدة 5 دقايق تقريبا او لحد ما تظهر فقاعات على الوش, وافضلي قلبي فيه طول ما هو على النار وارفعيها من على النار قبل ما تغلي, كده يبقى المشروب جاهز عندك, صبي في المجات الكمية دي هتعملك تقريبا 4 مجات, وبعدين حطي على الوش الكريم شانتيه, وممكن ترشي شوية كاكاو.

مشروبات الكوفي شوب 1
مشروبات الكوفي شوب 1

2- مشروب Gingerbread latte:

المكونات:

– ¼ كوباية اسبرسو او قهوة تقيلة.

– من 2 – 4 معالق كبيرة شاي الجنزبيل.

– 1 كوباية لبن مغلي على نار هادية مع الخفق عشان يعمل رغوة.

– كريم شانتيه.

– جوزة الطيب مبشورة.

طريقة التحضير:

في مج كبير اخلطي الاسبرسو مع شاي الجنزبيل واللبن وقلبيهم مع بعض كويس, وبعدين حطي من فوق الكريم شانتيه ورشي جوزة الطيب المبشورة, الكمية لمج واحد.

مشروبات الكوفي شوب 2
مشروبات الكوفي شوب 2

3- مشروب Peppermint mocha:

المكونات:

– 3 معالق كبيرة كاكاو خام.

– 3 معالق كبيرة مية سخنة.

– ½ كوباية اسبرسو او قهوة قوية.

– من 1 – 2 نقطة زيت النعناع او من 2 – 4 معالق كبيرة شاي نعناع.

– 1 كوباية لبن مغلي على نار هادية مع الخفق.

– كريم شانتيه.

– اي نوع كاندي بطعم النعناع مجروش.

طريقة التحضير:

اخلطي كل المكونات مع بعض وقلبيهم كويس, وصبيهم في المج وحطي على الوش الكريم شانتيه, وكاندي النعناع المجروش, والكمية دي لمج واحد.

مشروبات الكوفي شوب 3
مشروبات الكوفي شوب 3

4- مشروب Peppermint mocha latte:

المكونات:

– 2 كوباية قهوة قوية.

– ½ كوباية لبن قليل الدسم.

– 3 معالق كبيرة سكر.

– 1 معلقة كبيرة كاكاو خام.

– 56 جرام شوكولاتة غامقة مفرومة.

– من 1 – 2 نقطة من زيت النعناع.

– كاندي بطعم النعناع مجروشة “اختياري”.

طريقة التحضير:

اخلطي القهوة مع ¼ كوباية لبن على نار هادية, وبعدين ضيفي لهم السكر والكاكاو والشوكولاتة المفرومة, قلبيهم مع بعض لمدة 4 دقايق او لحد ما الشوكولاتة تدوب, وارفعيه من على النار قبل ما يغلي, وبعدين ضيفي زيت النعناع وقلبيه وصبية على 6 مجات صغيرين.

الخطوة التانية بباقي ¼ كوباية اللبن اللي عندك, حطيه في اي حاجة ممكن تتحط في الميكروويف واضربيه بالمضرب اليدوي كويس لحد ما حجم يتضاعف لمدة دقيقة تقريبا, وبعدين حطيه في الميكروويف على درجة حرارة عالية لمدة 30 ثانية, هيطلع معاكي زي الكريم شانتية قسميه على وش المشروب, وفي الاخر رشي كاندي النعناع المجروش.

مشروبات الكوفي شوب 4
مشروبات الكوفي شوب 4

5- مشروب White chocolate latte:

المكونات:

– 2 كوباية لبن.

– 1 كوباية Heavy cream, او لو عايزاه خفيف ممكن تبقى الكوباية نص كريمة ونص لبن.

– 2/3 كوباية شوكولاتة بيضا مبشورة.

– 2 معلقة كبيرة حبيبات قهوة.

– 1 معلقة صغيرة مستخلص الفانيليا.

– كريم شانتيه “اختياري”.

– للتزيين عيدان قرفة.

طريقة التحضير:

اخلطي اللبن والكريمة والشوكولاتة البيضا وحبيبات القهوة وحطيهم على نار هادية وقلبيهم مع بعض لحد ما الشوكولاتة تسيح, بعد كده ضيفي الفانيليا, ووزعي المشروب على 4 مجات وحطي من فوق الكريم شانتيه, وزينيهم بعيدان القرفة.

مشروبات الكوفي شوب 5
مشروبات الكوفي شوب 5

6- مشروب Mocha spiced coffee:

المكونات:

– ½ كوباية بن مطحون.

– 1 ½ معلقة صغيرة قرفة مطحونة.

– ½ معلقة صغيرة جوزة الطيب مطحونة.

– 5 كوبايات مية.

– 1 كوباية لبن خالي الدسم.

– ¼ كوباية سكر بني او سكر ابيض.

– 1/3 كوباية صوص شوكولاتة خفيف.

– 1 معلقة صغيرة مستخلص الفانيليا.

– كريم شانتيه “اختياري”.

طريقة التحضير:

اخلطي القهوة مع القرفة وجوزة الطيب وضيفي لهم المية وحطيهم على نار هادية, ولما يغلي ارفعيهم من على النار, وفي وعاء تاني اخلطي اللبن مع صوص الشوكولاتة والسكر, على نار هادية وقلبيهم لحد ما السكر يدوب, وبعدين اخلطي الخليط ده مع خليط القهوة اللي حضرتيه وضيفي لهم الفانيليا وقلبيهم مع بعض, وصبيه في المج وحطي من فوق الكريم شانتيه.

مشروبات الكوفي شوب 6
مشروبات الكوفي شوب 6

7- مشروب Hot chocolate:

المكونات:

– 2 كوباية لبن كامل الدسم.

– 2 معلقة كبيرة سكر.

– ½ كوباية شوكولاتة غامقة مفرومة.

– رشة مستخلص الفانيليا “اختياري”.

– كريم شانتيه “اختياري”.

– مارشميلو “اختياري”.

طريقة التحضير:

اخلطي اللبن مع السكر على نار متوسطة, سيحي الشوكولاتة في الميكروويف او على حمام مية سخنة لحد ما تدوب خالص, وبعد ما اللبن يسخن ويبدأ يعمل فقاعات على الوش, ارفعيه من على النار وضيفي له الشوكولاتة وقلبيهم مع بعض, وبعدين ضيفي مستخلص الفانيليا, صبي مشروب الشوكولاتة في المج وحطي من فوق الكريم شانتيه او المارشميلو.

مشروبات الكوفي شوب 7
مشروبات الكوفي شوب 7

8- الكابتشينو Cappuccino:

المكونات:

– ½ كوباية لبن.

– 1/3 كوباية اسبرسو او قهوة قوية.

طريقة التحضير:

حطي اللبن في مج ممكن يدخل الميكروويف, لمدة دقيقة او لحد ما اللبن يسخن ويعمل فقاعات على الوش, طلعيه واضربيه جامد وبسرعة بمضرب يدوي او بمضرب النسكافية الكهربا, وبعدين شيلي جزء الرغوة في كوباية تانية, واضربي اللبن تاني لحد ما الرغوة تزيد وتوصل ل 1/3 الكوباية, بعدها صبي القهوة على اللبن, وخدي الرغوة حطيها على الوش.

مشروبات الكوفي شوب 8
مشروبات الكوفي شوب 8

مشروبات شتوية .. جربيها

مشروبات شتوية .. جربيها
مشروبات شتوية .. جربيها

مقالات متعلقه

12 وصفة سموزي للفطار تحضريهم في اقل من 5 دقايق

12 وصفة سموزي للفطار تحضريهم في اقل من 5 دقايق

طريقة عمل كرات البوبا ، وتحضير شاي البوبا في البيت

طريقة عمل كرات البوبا ، وتحضير شاي البوبا في البيت

Gourmet Hot Chocolate زي الكافيهات في 3 خطوات بس.. ازاي تعملي كريمي هوت تشوكليت

Gourmet Hot Chocolate زي الكافيهات في 3 خطوات بس.. ازاي تعملي كريمي هوت تشوكليت