فطار صحي هينضف جسمك من السموم وهيساعدك تخسي 5 كيلو في شهر
حسب تصريحات خبراء التغذية ان الوصفة اللي هنعرفها دي تعتبر اكتر فطار صحي لانه غني بالفيتامينات والمعادن اللي بتحسن عملية التمثيل الغذائي وبتقوي كل انظمة الجسم وكمان بتحسن مظهر البشرة والشعر, تعالوا نتعرف مع بعض من خلال السطور الجاية على طريقة وصفة التخسيس وتنضيف الجسم من السموم وفوايدها.
وصفة التخسيس وتنضيف الجسم من السموم:
فوايد الوصفة:
– الوصفة زي ما قولنا بتخلص الجسم من كل السموم وبتنضف الامعاء تماما, وبتعالج كل المشاكل الخاصة بالامعاء البطيئة والامساك.
– بتساعد على تثبيت الوزن وبتزود من حرق الدهو والسعرات الحرارية, لو انتظمتي على الوصفة دي بشكل يومي يبقى توقعي انك هتخسي خلال شهر من 3 – 5 كيلو.
– هتلاحظي كمان فقدان وزن ملحوظ في منطقة البطن بشكل خاص.
– ده غير انها هتفيد بشرتك وشعرك وضوافرك وهتحسنهم جدا.
المكونات:
– 2 معلقة كبيرة من الشوفان.
– كوباية “250 مل” زبادي قليلة الدسم.
– 1 معلقة صغيرة كاكاو.
– 1 معلقة صغيرة بذور كتان مطحونة.
– من 5 – 7 حبات برقوق كبار.
طريقة التحضير:
– الوصفة دي هنحضرها من بالليل عشان نفطر بيها الصبح.
– اول حاجة حطي البرقوق في طبق وصبي عليه حوالي 100 مل مية مغلية, غطي الطبق وسيبي البرقوق لمدة 10 دقايق.
– بعدين هاتي طبق تاني حطي فيه الشوفان والكاكاو وبذور الكتان, وبعدها حطي الزبادي واخلطي المكونات مع بعض.
– طلعي البرقوق من المية المغلية وقطعيه قطع صغيرة اوي وضيفيه لخليط الزبادي والشوفان اللي حضرتيه في الخطوة اللي فاتت, والافضل انك تضربيهم مع بعض في الخلاط عشان يطلع خليط ناعم معاكي.
– احتفظي بالخليط في التلاجة لحد الصبح.
– الصبح كلي الخليط ده كوجبة فطار صحية ولذيذة جدا, وتوقعي انك تلاحظي منه نتايج من اول اسبوع بس من الانتظام عليه بشكل يومي.
ممكن يحصل عند البعض انهم يحسوا بشعور غريب شوية في المعدة بعد اول مرة لكن ده طبيعي لانه زي ما قولنا بينضف المعدة, لكن الاحساس ده هيختفي من تاني مرة من الاستخدام.
ازاي تستخدمي زيت الخروع لتخسيس وزنك 4 كيلو في اسبوعين
