تدرج الوان دهانات الحوائط احدث موضة في الديكور
كل يوم بيظهر جديد في عالم الديكور, ومن احدث الحاجات اللي ظهرت هو تكنيك تدرج الوان دهانات الحوائط او الاومبري, والستايل ده بيدي للحيطة شكل مختلف ومميز جدا وغير تقليدي, والنهاردة من خلال موضوعنا هنشوف مع بعض بالصور مجموعة افكار لتدرج الوانات دهانات الحوائط وازاي تعمليه.
طريقة عمل تدرج الوان دهانات الحوائط:
طريقة الالوان المتدرجة بتعتمد على استخدام لون غامق في جزء من الحيطة وبعدين نبدأ في تفتيح اللون بالتدريج لحد ما نوصل للدرجة الباهتة من اللون, التدريج نقدر نعمله بأكتر من طريقة.
– اختيار لونين متناسقين:
اختيار لونين مختلفين يمكن تعتبر اصعب طريقة, لان لازم تختاري اللونين بعناية جدا عشان يبقوا متناسقين مع بعض, لو انتي معندكيش خبرة كبيرة في تناسق الالوان ممكن تستخدمي عجلة الالوان عشان تختاري اللونين المتناسقين, ودايما على عجلة الالوان اللونين اللي جنب بعض هما اللي بيكونوا متناسقين وتقدري تدمجيهم مع بعض وتعملي بيهم تدريج, ولو عايزة تعملي تأثير اقوى في التدريج ممكن تختاري لونين قصاد بعض من عجلة الالوان.
– اختيار لون واحد ودرجاته:
لو انتي مش عايزة لونين ممكن تعتمدي على طريقة اللون الواحد مع درجة فاتحة ودرجة غامقة من نفس اللون للتدريج, وكل ما كان الفرق اكبر في درجات اللون كل ما كان التأثير اقوى واحلى.
– تدريج ناعم:
لو عايزة تعملي تدريج ناعم اوي, اختاري لون واحد بس واخلطيه باللون الابيض عشان تعملي لون فاتح وبارد بالاضافة للون الحيطة الاساسي.
تعالوا نشوف مع بعض بالصور افكار تدرج الوان دهانات الحوائط:
ازاي تدخلي اللون التيل والمسطردة في الديكور
