افكار ستايلات مناسبة لسهرة ليلة رأس السنة

بقلمريهام محمود فيموضة وأزياء visibility666

خلاص داخلين على احتفالات الكريسماس ورأس السنة والبنات اللي دايما بيحبوا يسهروا ويقضوا الليلة دي بشكل مختلف اكيد بدأوا بيفكروا من دلوقتي هيلبسوا ايه, واحنا النهاردة من خلال موضوعنا هنساعدك في المهمة دي وهنشوف مع بعض افكار ستايلات لسهرة رأس السنة.

المجموعة اللي معانا النهاردة منوعة جدا وهتناسب كل الاذواق, يعني كل واحدة تقدر تختار اللي يناسب شخصيتها او تفضله اكتر.

من الحاجات المناسبة اوي لسهرة رأس السنة الفساتين والجيبات اللي بترتر بيلمع تريندي جدا لموضة فساتين السهرة, ومن الالوان المناسبة اوي لليوم ده بشكل خاص هي اللون الاحمر والدهبي.

كمان اللون الاسود زي ما كلنا عارفين هو ملك الالوان في السهرات, ممكن تلبسي جيبة سودا وتنسقي معاها توب اسود وبليزر احمر وكملي اللوك مع بوت احمر او ممكن تخلي اللوك كله اسود, ولو انتي بتحبي البنطلونات ممكن تنسقي بنطلون اسود مع توب او بلوزة فلورال شيفون.

واكيد اللون الاحمر من اكتر الالوان المناسبة لسهرة رأس السنة, سواء للجيبة او الفستان او البنطلون او التوب, يعني اي قطعة في اللوك بتاعك تكون باللون الاحمر هتبقى مناسبة اوي.

لو انتي بتحبي اللوك البسيطة الناعمة الجيبات التل هتكون الاختيار المناسب ليكي هتديكي لوك انثوي وناعم اوي لسهرة رأس السنة.

تعالوا نشوف مع بعض بالصور مجموعة ستايلات لسهرة رأس السنة:

أفكار ستايلات للكريسماس Christmas Sweater Outfit Ideas